1 Korin 9:6 - Mutu (Oov)

⁶ Ma vena, yam aghaze yeru Banabas moghon nigham uraat pa nimamai, leso niuul taumai pa nepooŋ tiei, ve yes pida maau?

Maaron Saveeŋ Tooni Patabuyaaŋ Tuam

⁶ Ma mindai, yam aghe yeiru Banabas mon nigham uraat pa nimamai, leso niuul taumai pa lepoogh tsiei, ve yes siriv mako?

1 Korin 9:6 Referans Kwoze

1 Tesalonika 2:9

Yam toŋvetaz, yam avaat matamim iŋgal. Sawa to itiŋa tanepneep ve nivotia varu poia payam, mboŋ ve ndag, nirab taumai pa uraat. Leso nigham yaam ris pa iuul ghei pa nepooŋ tiei. Pasa, lolomai pa nigham pataŋani payam maau. Mbaŋ 18:3+, 20:34; 1Kor 4:12; 2Tes 3:8

Uraat To Yes Mbaŋooŋa 18:3

Paulus ila ineep toman di, ve yesŋa tilup di pa uraat. Pasa, uraat to yesuru tighamghami, nene uraat toni paam. Yes tighagharaat ŋgai uli ve tisaii, leso tamtoghon tidaada inim mbeez (o haus sel). Mbaŋ 20:34; 1Kor 4:12

Uraat To Yes Mbaŋooŋa 4:36

Tauto ŋgeu eez to mutu Saiprus, iza Yosep, ye paam igholia taan toni, ve igham yaama ve ighuri ila to yes mbaŋooŋa. Yosep tonene, pughu toni ivot ila to Levi. Ve yes mbaŋooŋa titoor iza, ve tiwaata tighaze Banabas. (Pisis Banabas, pughu tovene: ‘Ŋgeu to ipapalot tamtoghon.’) Mbaŋ 9:27, 11:22,30, 13:2

Uraat To Yes Mbaŋooŋa 14:12

Ghoro tiwaat Banabas tighaze ye Zeus, ve tiwaat Paulus tighaze ye Ermes. Pasa, yes tighita Paulus imuŋmuuŋ pa savsaveeŋ.

Uraat To Yes Mbaŋooŋa 11:22

Varudi ilaan ila ivot Yerusalem, ve lupuuŋ to Krisi tilooŋa. Tauto timbaaŋ Banabas ila ndug Antiok, leso ighita di.

Uraat To Yes Mbaŋooŋa 13:50

Eemoghon yes Yuda tileel saveeŋ pa yes daba to ndug tonowen, toman ndiliva pida to izadi tintina ve titaghon yes Yuda pa suŋuuŋ todi. Tovenen yes daba ve ndiliva tonowen anadi tipazaagh ival tiina, ve tighur pataŋani pa yesuru, ve tinaan di tighau pa ndug todi. 2Tim 3:11

1 Korin 11:16

Ighaze tamtoghon eta izoor aliŋag tonene, nene you nasaav pani tovene: Yei lemai ŋgar ite paam pa mbeb tonene maau. Ve yei moghon maau. Lupuuŋ tisob to Maaron titaghon ŋgar ee moghon pa mbeb tonene.

2 Korin 11:8

Sawa tonenen, you naneep ila lupuuŋ pida to Krisi nimadi. Ulaaŋ to tigham payou, nene iuul ghou ve nagham uraat payam. Ŋgar tonenen, nene inimale you nayub mbeb todi, leso nagham payam.