1 Korin 6:1 - Mutu (Oov)

¹ Ighaze tiam eta ita ite igham sosor pani, pughu vena to ye ipayoonda ila yes daba to taan to tiwatag Maaron maau ne matadi? Ŋgar tiam tonanan, mayamim pani maau? Yam awatag: Daba tonowen, ŋgar todi deŋia ila Maaron mata maau. Tovenen yam aghur pataŋani tiam ila tamtoghon to Maaron nimadi pa tigharaata, ghoro poia.

Maaron Saveeŋ Tooni Patabuyaaŋ Tuam

¹ Isaav ighe tsiam eta iitete igham sosor pani, na puughu mindai ta i ipayooze ila yes daaba to taan tau tiwatagh Maaron mako na naghozi? Ŋgar tsiam tana, mayamim pani mako? Yam awatagh: Zeran tauvene, ŋgar toozi iduduuŋ ila Maaron maata mako. Tauvene yam aghur pataŋani tsiam ila tamtamon to Maaron nimazi to tigharaata, o poia.

1 Korin 6:1 Referans Kwoze

Uraat To Yes Mbaŋooŋa 19:38

Ighaze Demitrius toman uraata toni ledi saveeŋ pa ŋgeu eta, ndug to gharatooŋ saveeŋ inepneep. Yes irau tila tonowe, ve yesŋa yes daba tigharaat saveeŋ todi.

1 Korin 14:33

Pasa, Maaron toit, ye Maaron to ighamun mbeb maau. Ye ighaze mbeb tisob tilaan deŋiadi moghon. Ve ye ighaze iit tasob talup ghiit tanim ee moghon ve tataghon ŋgar luuma. Tamtoghon tisob to Krisi titaghon ŋgar tovene ila lupuuŋ todi todi.

1 Korin 16:1

Yo, you leg saveeŋ ris payam pa yaam to aghaze aŋgooga pa Krisi tamtoghon toni to tineep izi Yerusalem. You naghita naghaze ataam to naghuri pa lupuuŋ to Maaron to tineep izi taan suruvu to Galesia, yam ataghoni paam, ghoro poia. Mbaŋ 24:17; Ro 15:25+; 2Kor 8:1+

1 Korin 16:15

Yam awatag: Stepanas ve yes to tineep tomani ila ruum toni, timuuŋ pa yam Akaia asob, ve tighur ila to Krisi muuŋ. Ve yes tirei taudi pa uraat to Tiina toit, ve timbesmbees kat pa tamtoghon toni. Ndiran tovene, toman tamtoghon tisob to tiuluul di ve tipul taudi kat pa uraat to Maaron, you naghaze napalot gham pa aneep ila sambadi, ve alooŋ aliŋadi. 1Kor 1:16; Pil 2:29; 1Tim 5:17; Hib 13:17

Matayu 5:45

Leso ataghon ŋgar to Tamamim Maaron to ineep izi sambam. Pasa, ye ipatooŋ poia toni pa tamtoghon tisob. Igham ndag toni ighaaz pa ndiran popoiadi, ve yes to samsamiadi paam. Ve igham uman izizi pa ndiran deŋiadi, ve yes to ŋgar todi deŋia maau ne paam. Ep 5:1

1 Korin 5:12

Yes to tineep ilooŋ ila lupuuŋ to Krisi maau, you leg uraat pa naŋgabiiz di maau. Maaron tau pale iŋgabiiz di. Eemoghon yes to tineep ilooŋ ila lupuuŋ toni, iit irau taŋgabiiz di pa ŋgar todi. Tovenen yam irau ataghon Maaron aliŋa tonene: “Ighaze tamtoghon samia eta ineep ila lolomim, yam azuruni ighau.” Lo 13:5

1 Korin 6:5

Nambood saveeŋ tonene payam, leso mayamim pa ŋgar to aghamghami. Vena, tiam eta le ŋgar irau to igharaat toŋvetaz to Krisi saveeŋ todi maau?