1 Korin 5:4 - Mutu (Oov)

^4-5 Tovenen you nasaav payam tovene: Yam irau alup gham ila Tiina toit Yesu Krisi iza, ve ila uraat to Maaron Avuvu, you pale naneep toman gham paam, ve Tiina toit Yesu tapiri iza tiam. Ghoro azurun ŋgeu tonanan pa lupuuŋ tiam, ve aghuri ila Sadan nima, ve iyamaan katin pataŋani to nepooŋ tovene. Leso itoor ŋgar toni, ve ipul ŋgar to lolo muŋgina ineeple, ve sawa to Tiina toit Yesu imuul inim, ye pale igham mulin ŋgeu tonanan ve ineep pooi. Mt 18:18+; Kol 2:5; 1Tim 1:20

Maaron Saveeŋ Tooni Patabuyaaŋ Tuam

^4-5 Tauvene yau nasaav payam tauvene: Yam aat alup gham ila Tiina toit Yesu Krisi eeza, ve ila uraat to Maaron Avuvu, yau pale naleep tomani gham paam, ve Tiina toit Yesu tapiri izaa tsiam. Mako aziir ŋeer tawe pa lupuuŋ tsiam, ve aghuru ila Sadan niima, ve iyamaan katin pataŋani to lepoogh tauvene. Leso itoor ŋgar tooni, ve ipul ŋgar to loolo muŋgaana ileple, ve saawe to Tiina toit Yesu imuul ilam, i aat igham mulin ŋeer tana, ve ileep poi. Mt 18:18+; Kol 2:5; 1Tim 1:20

1 Korin 5:4 Referans Kwoze

Kolosi 3:17

Saveeŋ tiam toman uraat tiam, ve sa ŋgar ite paam to ighaze aghami, yam irau aghami ila Tiina toit Yesu iza pa apaiti. Ve lolomim poia pa Tamaan Maaron paam, ve apaiti pa poia toni ila Yesu iza. 1Kor 10:31; 1Tes 5:18; Hib 13:15

2 Korin 13:3

Aazne, ŋgar tiam iyaryaaŋ aghaze le aghita mbeb eta inim ghilalooŋ payam. Leso awatag aghaze you navotia Krisi aliŋa payam. Tovenen yam pale aghita. Eemoghon Krisi tapiri ineep saguan payam maau. Ye ighamgham uraat ila lolomim toman tapiri tiina. Ve yam aghilaala maau.

Yoan 20:23

Ighaze yam apul sosor to tamtoghon eta, nene Maaron paam ireu sosor toni. Ve tamtoghon to ighaze apul sosor toni maau, nene Maaron paam, irau ireu sosor toni maau.” Mt 16:19+, 18:18

2 Tesalonika 3:6

Yam toŋvetaz, yei nisaav ariaŋa payam ila Tiina toit Yesu Krisi iza tovene: Ighaze toŋvetaz eta to Krisi igham uraat maau, ve inepneep sorok, yam agharaui malep. Aneep saguan pani. Pasa ŋgar tovene, nene deŋia pa Maaron aliŋa to nisavia payam ne maau. Saveeŋ tonene, paghu maau. Ineep muuŋ ve inim.

Matayu 16:19

You pale naghur ghom pa uŋgin ataam to ndug sambam. Leso unum ataam pa tamtoghon tilooŋ tila lupuuŋ tiou ve titaghon pooz to ndug sambam. Ighaze yom uŋgalsek pa ŋgar eta izi taan, nene pale ŋgalsekiiŋ raraate tovene ivot izi ndug sambam. Ve ighaze uyok pa ŋgar eta izi taan, nene pale yokiiŋ raraate tovene ivot izi ndug sambam paam.” Mt 18:18; Yo 20:23

Epesus 5:20

Ve sa mbeb to ighaze ivot payam, poia payam ma ipataŋan payam, nene lolomim poia pa Tamaan Maaron, ve apaiti ila Tiina toit Yesu Krisi iza irau sawa isob. Kol 3:17; 1Tes 5:18; Hib 13:15

2 Korin 13:10

Saveeŋ tonene, aazne naneep saguan ve nambooda ilat tiam. Pasa, lolog pa nalat ve nagham saveeŋ ariaŋa payam maau. Onoon, Tiina toit ighur gham ila sambag. Eemoghon ye lolo pa nawaghamun tamtoghon malep. Ye ighur ghou pa uraat tonene, leso napalot tamtoghon, ve ghurla todi ivot inim tiina ve iyaryaaŋ. 1Kor 4:21; 2Kor 2:3, 10:2,8

Uraat To Yes Mbaŋooŋa 16:18

Ndag to naol ne, ye inoknok bobaaŋ moghon le Paulus tini imum pani kat. Tauto sawa eez, itoora, ve iyaan avuvu samia tonowen ighaze: “Ai! You nasaav ariaŋa payom ila Yesu Krisi iza: Upul liva tonanan, ve ughau ula!” Sawa tonenen kat, avuvu samia ipul liva tonowen, ve ighau. Mk 16:17; Mbaŋ 5:16, 8:7

Uraat To Yes Mbaŋooŋa 3:6

Eemoghon Petrus isaav pani ighaze: “You leg yaam silva ma gol eta maau. Eemoghon mbeb to ineep tiou ne, tauto pale nagham payom. You nasaav payom: Ila Yesu Krisi to Nasaret iza, umundig ve ulaagh!” Mbaŋ 14:10

Matayu 28:18

Tovenen Yesu iŋarua di ila, ve isaav padi ighaze: “Tamaŋ Maaron ighur mbeb to sambam ve taan tisob tineep ila you sambag wa, ve you izag pa naŋgin di. Dan 7:13-14; Yo 13:3; Ep 1:20+

Matayu 18:20

Pasa ighaze tamtoghon ruta, ma tolta tilup di ila you izag, you pale naneep toman di.” Mt 28:20; Yo 14:23

Uraat To Yes Mbaŋooŋa 4:30

Upatooŋ tapirim ivot ighazooŋ, ve ugharaat yes moroghooŋa le tinidi popoia, ve ugham mbeb gharatooŋadi tintina tivot ila mbesooŋa tiom patabuaŋ Yesu iza, leso tinim ghilalooŋ pa tamtoghon, ve tighur ila toni.”

2 Korin 2:6

Pataŋani to yam ival aghuri pani pa aŋgal mata, nene iraua.