1 Korin 2:8 - Mutu (Oov)

⁸ Todi eta ighazooŋ pa Maaron ŋgar toni maau. Ve inimale tighazooŋ pani, tone irau tirab Tiina toit Yesu to iza tiina pa tapiri ve poia toni ne izala ai pambarooŋ maau. Lu 23:34; Yo 16:3; Mbaŋ 13:27; 2Kor 3:14

Maaron Saveeŋ Tooni Patabuyaaŋ Tuam

⁸ Toozi eta ighazooŋ pa Maaron ŋgar tooni mako. Ve imin ta tighazooŋ pani, kanaŋ irau tirav Tiina toit Yesu tau eeza tiina pa tapiri ve poia tooni na izala ai pambarooŋ mako. Lu 23:34; Yo 16:3; Mbaŋ 13:27; 2Kor 3:14

1 Korin 2:8 Referans Kwoze

Yakobus 2:1

Yam toŋvetaz, yam aghur ila to Tiina toit Yesu Krisi aghaze ye iza tiina pa tapiri ve poia toni. Tovenen ighaze yam avool to tamtoghon pida ve apakur di, ve matamim izi pa pida ve aveleg di, nene deŋia maau.

Uraat To Yes Mbaŋooŋa 13:27

Eemoghon ival tiina to Yerusalem toman yes daba todi tighilaal Yesu maau. Onoon, umbom patabuaŋ to naol ne, yes tiwatwaat saveeŋ to yes propeta. Eemoghon tighilaal saveeŋ tonowen pughu maau. Yesu igham sosor eta irau to imaat pani ne maau. Eemoghon sawa to yes daba titiir saveeŋ toni, tighita tighaze ye igham sosor tiina, ve tighason Piladus pa irabi imaat. Ŋgar to tighami, nene deŋia pa Maaron aliŋa to muuŋ yes propeta tivotia. Saveeŋ todi tonowen, aazne anoŋa ivot wa. Mt 27:20+; Lu 23:18+; Mbaŋ 3:14+

Uraat To Yes Mbaŋooŋa 7:2

Stepanus ipamuul aliŋa ighaze: “Yam nditamaŋ ve toŋvetaz tiou, alooŋ saveeŋ tiou tonene ve agham ŋgar pani pooi. Muuŋ kat, sawa to timbuud Abaram ila ineep izi ndug Aran sone, ve inepneep izi taan suruvu to Mesopotamia, Maaron toit to iza tiina pa tapiri ve poia toni ne ivot toni,

1 Korin 2:6

Eemoghon yes to ŋgar todi imatu pa Maaron ve saveeŋ toni, yei nisavsaav padi pa ŋgar tiina to Maaron to muuŋ iyooŋ ve aazne ivot ighazooŋ. Muuŋ kat, sawa to sambam ve taan tivot sone, ye igharaat ataam pataghaaŋ wa, leso igham ghiit tala taneep tomani ila ŋguruba lolo. Ŋgar toni tonowen, ite kat pa ŋgar to yes ŋgara to taan tisasavia pa sawa tonene. Ve yes to tighamgham pooz pa sawa tonene tikankaan pani paam. Yes pooza tonowen, muri Maaron pale itatan di tinim mbeb sorok. Ro 16:25+; Ep 3:5,9; Kol 1:26; Yems 3:17

1 Timoti 1:13

Onoon, muuŋ you napiyaav saveeŋ samsamia naol pani, ve naghur pataŋani naol pa tamtoghon toni, ve nawaghamun di le naghodi isami. Pasa, sawa tonenen, you nakankaan pani, ve naghur ila toni maau. Pughu tonene, to Tiina toit Yesu Krisi lolo isamin ghou, ve ireu sosor tiou.

2 Korin 3:14

Eemoghon yes Israela ŋgar todi iyaryaaŋ, tauto tighilaal mbeb tonowen pughu maau. Ve aazne paam, ighaze tiwaat saveeŋ to ataam muŋgina, yes tighilaal pughu maau. Nene inimale uli pida iponpoon matadi sone. Pasa, Krisi moghon to irau igham uli pida tonowen ighau padi. Ro 11:7+,25; 2Kor 4:4

Yoan 16:3

Tamtoghon pale tigham ŋgar tonenen payam pasa, tikankaan pa Tamaŋ Maaron, ve tikankaan payou paam. Yo 15:21; Ro 10:2; 1Tim 1:13

Yoan 8:19

Tauto tighasoni tighaze: “Tamam ineep sine?” Yesu ipamuul aliŋadi ighaze: “Yam awatag ghou maau. Tauto awatag Tamaŋ maau. Ve inimale awatag ghou, tone awatag Tamaŋ paam.” Yo 14:7; 1Yo 2:23

Yoan 7:48

Aghita. Daba toit ma ndiran tutuuŋa, todi eta ighur ila to ŋgeu tonowen? Maau. Yo 12:42; 1Kor 1:26, 2:8

Matayu 11:25

Sawa tonenen, Yesu isuŋ ighaze: “O Tamaŋ, yom Tiina to uŋgin sambam ve taan. You napait ghom toman lolog poia. Pasa, yes to ledi ŋgar tintina ve tighazooŋ pa mbeb naol, yom uŋgooz uraat tiou tonene pughu padi. Ve upaghazoŋani pa yes to tigham ŋgar pa izadi maau ve tinumeer ghom inimale ndipain geegeu tinumeer nditamandi ve nditinandi. 1Kor 1:26+

Lukas 23:34

Timonau, ve Yesu isaav ighaze: “O Tamaŋ, ureu sosor todi. Pasa, ŋgar to tighami ne, yes tighilaala maau.” Ghoro ndaaba tigham nonogiiŋa to Yesu toman mbeb toni pida tighaze tireii irau di. Tovenen tigham mogheraaŋ eez, leso ipatooŋ sei to pale igham sa mbeb. Mbo 22:18; Mt 5:44; Mbaŋ 3:17, 7:60

Matayu 13:22

Ve uuv pida to titaptap ila waar mata mata lolodi, nene iza to tamtoghon to tilooŋ saveeŋ to Maaron. Eemoghon pataŋani naol to taan, toman mbaliiŋ ve mbeb popoiadi naol to taan to tamtoghon lolodi igham pani, nene ighamun ŋgar todi. Tovenen saveeŋ to ineep ila lolodi ne, ighur anoŋa eta ivot maau. 1Tim 6:9-10,17; 2Tim 4:10; Yems 1:27, 4:4

1 Korin 1:20

Ighaze venen, pale tasaav vena pa yes ŋgara to taan, ve yes to ledi ŋgar tintina pa tutuuŋ to Mose, ve yes to aazne tiwazoran di pa savsaveeŋ ma ŋgar? Pale tapait di? Maau. Pasa, ŋgar to tamtoghon to taan tipakur taudi pani, nene Maaron ipatooŋa ighaze nene ŋgar to borouŋa. Lu 10:21; Ro 1:22; 1Kor 3:18