1 Korin 2:16 - Mutu (Oov)

¹⁶ Pale tiŋgabiiza vena? Maau. Pasa, saveeŋ ineep pataghaaŋ wa. Ighaze: “Sei iwatag katin ŋgar to Maaron, ve irau ipatooti pa ŋgar pida? Maau.” Ro 11:34 Eemoghon iit, ghoro ŋgar to Krisi ineep toit. Ro 12:2; Ep 4:23

Maaron Saveeŋ Tooni Patabuyaaŋ Tuam

¹⁶ Pale tigabiiza mindai? Mako. Pasaa, saveeŋ igheen pataghaaŋ ighe: “Sei iwatagh katin ŋgar to Maaron, ve irau ipaghazoŋaini pa ŋgar siriv? Mako.” Ro 11:34 Eemon iit, o ŋgar to Krisi igheen toit. Ro 12:2; Ep 4:23

1 Korin 2:16 Referans Kwoze

Rau Tau Paulus Iboode Pa Yes Roma Rom--Romans 11:34

“Pasa, sei iwatag Ŋgeu Tiina ŋgar toni? Ve sei irau iuuli pa ŋgar? Is 40:13; 1Kor 2:16

Yoan 15:15

Mbesooŋa eta iwatag katin uraat to tiina toni ighamghami ne maau. Eemoghon yam, ghoro awatagi. Pasa, saveeŋ isob to nalooŋa ila to Tamaŋ, tauto navotia payam ve alooŋa wa. Tovenen you irau nawaat gham mbesooŋa muul maau. Pale nawaat gham naghaze nditag kat. Mbnp 18:17; Mbaŋ 20:27; Yems 2:23

1 Korin 12:8

Tamtoghon eez, Maaron Avuvu ipaghazoŋani pa Maaron ŋgar toni, leso ivotia ŋgar tonowen pa tamtoghon. Ve ite, Maaron Avuvu igham le ŋgar popoia pida, leso ipatoot tamtoghon pani.