1 Korin 1:16 - Mutu (Oov)

¹⁶ O, ŋgaramus matag iŋgal. You nagham ya pa Stepanas ve yes to tineep tomani ila ruum toni ne paam. Ve yam pida, lolog imaagh. Nagham ya payam, ma maau? 1Kor 16:15

Maaron Saveeŋ Tooni Patabuyaaŋ Tuam

¹⁶ O, ŋgarig gha matag iŋgal. Yau nagham yaa pa Stepanas ve yes tau tileep tomania ila ruum tooni na paam. Ve yam siriv, lolog iveegh. Nagham yaa payam, ma mako? 1Kor 16:15

1 Korin 1:16 Referans Kwoze

1 Korin 16:15

Yam awatag: Stepanas ve yes to tineep tomani ila ruum toni, timuuŋ pa yam Akaia asob, ve tighur ila to Krisi muuŋ. Ve yes tirei taudi pa uraat to Tiina toit, ve timbesmbees kat pa tamtoghon toni. Ndiran tovene, toman tamtoghon tisob to tiuluul di ve tipul taudi kat pa uraat to Maaron, you naghaze napalot gham pa aneep ila sambadi, ve alooŋ aliŋadi. 1Kor 1:16; Pil 2:29; 1Tim 5:17; Hib 13:17

1 Korin 16:17

Sawa to Stepanas toman Portunatus ve Akaikus tinim tivot tiou, yes tigham lolog poia kat. Onoon, yam ival irau anim maau. Eemoghon yes tigham naghomim ve tinim tivot, ve tiuul ghou pa mbeb pida.

Uraat To Yes Mbaŋooŋa 16:33

Mboŋ ee moghon tonenen, ye igham yesuru tila, ve imen mbotadi. Le isob, ghoro rikia moghon ye toman yes to tineep tomani ila ruum toni, tisob tigham ya. Mbaŋ 2:41, 16:15, 18:8

Uraat To Yes Mbaŋooŋa 16:15

Tovenen ye tau ve yes to tineep tomani ila ruum toni, tigham ya. Le isob, ghoro ye isaav payei tovene: “Ighaze yam aghita ghou aghaze you naghur ila kat to Tiina toit, ghoro anim ruum tiou, ve aneep toman ghou.” Ye izoorndug payei, tovenen nilooŋ aliŋa, ve nila ruum toni. Mbaŋ 16:33, 18:8; 1Kor 1:16

Uraat To Yes Mbaŋooŋa 11:14

Ye pale isavia lem savsaveeŋ pida to pale inim ataam payom pa Maaron igham mulin ghom ve uneep pooi. Ve yom moghon maau. Tamtoghon tisob to tineep toman ghom ila ruum tiom ne paam, Maaron pale igham mulin di.’

1 Korin 1:15

Tovenen tamtoghon eta irau isaav ighaze: “Yei tonene nigham ya ila Paulus iza,” ne maau.