Yoan 9:26 - Maaron Saveeŋ Tooni Patabuyaaŋ Tuam

²⁶ Tauvene tighasoni muul tighe: “I igham mindai payo? Igharaat matam mindai?”

Mutu (Oov)

²⁶ Tovenen tighasoni muul tighaze: “Ye igham vena payom? Igharaat matam vena?”

Yoan 9:26 Referans Kwoze

Yoan 9:25

Ŋeer tana iyol aliŋazi ighe: “I ŋeer to ghamuuŋ sosor, ma ŋeer poia, yau nawatagh tana mako. Ve gabua eemon tau yau nawataghi, ene vene: Muuŋ, matag ikumkuum. Ve aazne, matag poia gha naghita nugh.”

Yoan 9:27

I iyol aliŋazi ighe: “Wai, saveeŋ ta nasavia payam wa. Eemon yam alooŋ ghau mako. Puughu mindai ta anoknok ghasoniiŋ ghau pa gabua tane? Yam paam aghe le amin ziŋeera?”

Lukas 6:7

Ŋgara siriv to tutuuŋ tomania zeran tutuuŋa siriv tilepleep tomani zi paam. Yes tighe tipayooz Yesu pa savsaveeŋ. Tauvene timarari tighe tighita: Pale i igharaat moroghooŋa eta ila saawe to umbom patabuyaaŋ, ma mako?

Yoan 9:10

Tauvene tighasoni tighe: “Wai, mindai ta matam poia gha ughita nugh?”

Yoan 9:15

Tauvene zeran tutuuŋa tawe anazi tighason ŋeer tana tighe: “Saa gabua ivot payo, ta matam poia ne?” I isaav pazi ighe: “Ŋeer tau eeza Yesu na, ikep taan tomania ŋazuuva, ve imusu ila matag, ra nala namini. Tauta aazne, matag poia gha naghita nugh.”