Yoan 6:64 - Maaron Saveeŋ Tooni Patabuyaaŋ Tuam

⁶⁴ Eemon tamtamon siriv tau tileep ila yam sosomim na, tighur ila mako.” Yesu isavia saveeŋ tane pasaa, saawe tau i ipaburigin uraat tooni ve ilam ne, i iwatagh yes tau tighur ila tooni mako. Ve ŋeer tau murei pale ighuru ila koiŋa nimazi na paam, Yesu iwataghi.

Mutu (Oov)

⁶⁴ Eemoghon tamtoghon pida to tineep ila lolomim, tighur ila maau.” Yesu isavia saveeŋ tonene pasa, sawa to ye ipamundigin uraat toni ve inim, ye iwatag yes to tighur ila toni maau. Ve ŋgeu to muri ighuri ila koia nimadi ne paam, Yesu iwatagi.

Yoan 6:64 Referans Kwoze

Hibru 4:13

Maaron, i maata malaua. Gabua naol isov tau i ighur zi na, eta iyooŋ pani mako. Gabua isov tau ŋgozaaŋ, ene tigheen ghazooŋa ila i maata. Ve iit tasov pale tayooz ila i naagho, leso tavotia ŋgar tau taghamgham zi na ila tooni, ve igabiiz ghiit. Mbo 33:13+, 139:1+; 2Kor 5:10

2 Timoti 2:19

Eemon Maaron ipayooz lupuuŋ tooni izala rir ariaaŋa ee, ve ibood saveeŋ ziiri ru izala. Ee isaav tauvene: “Maaron iwatagh yes tau timin i le na.” Ve ite isaav ighe: “Tamtamon tisov tau tivotia Yesu eeza tighe i Tiina toozi, ene yes aat tighur murizi pa ŋgar saghati, ve tileep soghan pani.” Saveeŋ ru tane timin ilaal pa Maaron tamtamon tooni. Yo 10:14,27

Rau Tau Paulus Iboode Pa Yes Roma Rom--Romans 8:29

Pasaa, yes ta i tauu isiigh zi pataghaaŋ, tauta ŋgar tooni iyaryaaŋ pazi ighe igham uratoi zi, lee tigham katin ŋgar to Naatu Yesu Krisi. Leso i imin aidaaba, ve imuuŋ pa tazŋa ve livŋa katini tawe. 2Kor 3:18; Ep 1:5; Kol 1:15+; 1Pe 1:2

Yoan 5:42

Eemon yam, yau nawatagh gham wa. Yam aghur lolomim pa Maaron rigta mako.

Uraat To Yes Mbaŋooŋa 15:18

Saveeŋ tane, ene Maaron aliiŋa. I tauu ivotia alok wa.’ ” Is 45:21

Yoan 6:66

Yesu isavia saveeŋ tane le isov, ra tamtamon katini tau muuŋ titaghoni na, timoghaagh pani, ve tilaagh tomania muul mako.

Yoan 6:36

Yau nasaav payam wa. Onoon, yam aghita ghau toman uraat tsiau. Eemon aghur ilam tsiau mako.

Yoan 8:55

Yam awataghi rigta mako. Eemon yau o nawataghi. Tauta naloŋlooŋ aliiŋa, ve nataghoni. Isaav ighe nasaav naghe nawataghi mako, ene aat nagham karom imin yam.

Yoan 8:23

Yesu isaav pazi muul ighe: “Alooŋ. Yam to siiŋa. Ve yau to saaŋa. Yam to taan, tauta ataghon ŋgar to taan. Ve yau to taan mako. Yo 3:31

Matayu 10:4

Simon ite tau iyooz tomania yes Selot, ve Yudas Iskariot tau murei ighur Yesu ila koiŋa nimazi.

Yoan 6:60

Yesu ziŋeera katini tilooŋ saveeŋ tooni tana, le irau lolozi mako. Tauvene tiyau avozi pani tighe: “Wai, saveeŋ tane pataŋani kat! Sei pale ilooŋa ve ighur ila?” Eemon Yesu iwatagh ighe yes tiyau avozi pa aliiŋa tau i isavia na. Tauvene isaav pazi ighe: “Mindai, yam arere ghau pa saveeŋ tsiau tane, tauta aghe apul ghau ne?

Yoan 18:4

Ŋgar isov tau pale ivot pani na, Yesu iwataghi wa. Tauvene ipul oliv loolo tawe, ve ilaagh ŋarui zi ila, ve ighason zi ighe: “Yam ail sei?”