Yoan 6:44 - Maaron Saveeŋ Tooni Patabuyaaŋ Tuam

⁴⁴ Tamtamon eta irau ilam tsiau sorok ne mako. Tamaŋ tau imbaaŋ ghau nalam ne, i aat ipazaagh loolo ve igherevu, o ilam tsiau. Tamtamon tauvene, saawe to Mboŋ Murei, yau aat napaburigini pa mateegh. Yer 31:3; Yo 12:32; Mbaŋ 13:48; 1Kor 2:14

Mutu (Oov)

⁴⁴ Tamtoghon eta irau inim tiou sorok ne maau. Tamaŋ to imbaaŋ ghou nanim ne, irau ipazaagh tamtoghon lolodi ve ighereb ŋgar todi iŋarua ghou, ghoro tinim tiou. Tamtoghon tovene, sawa to Mboŋ Muri, you pale napamundigini pa mateeŋ ve ineep mata iyaryaar. Yer 31:3; Yo 12:32; Mbaŋ 13:48; 1Kor 2:14

Yoan 6:44 Referans Kwoze

Yoan 6:65

Yesu iseeŋ saveeŋ tooni muul ighe: “Puughu tane, ta yau nasaav payam pataghaaŋ naghe: ‘Tamtamon eta irau ilam tsiau sorok ne mako. Tamaŋ Maaron aat iuule ve igherevu, o ilam tsiau.’ ” Yo 6:44

Yoan 12:32

Aazne, yau naleep izi taan. Eemon murei, saawe tau tiit ghau nazaa, ene pale nagherev tamtamon tisov tilam tsiau.” Yo 3:14, 8:28; Ro 5:18

Matayu 16:17

Yesu iyol Petrus aliiŋa ighe: “Simon, Yona naatu, tintinim pa poia to Maaron tau izaa tsio! Pa saveeŋ tau ŋgarig usavia ne, tamtamon eta to taan ipaghazoŋaini payo mako. Tamaŋ tau ileep sambam ipaghazoŋaini payo, tauta usavia ivot. Ga 1:15

Yoan 6:45

“Saveeŋ tau yes propet tiboode na, ziiri ee igheen. Isaav ighe: ‘Maaron pale ipaghazoŋai tamtamon tisov pa ŋgar tooni.’ Is 54:13; Yer 31:34; Hib 8:10; 1Yo 2:27 Tamtamon tisov tau tiloŋlooŋ Tamaŋ aliiŋa ve tighamgham ŋgar ila tooni, ene aat tilam tsiau.

Yoan 5:44

Pale irau aghur ila to Maaron mindai? Mako. Pasaa, monmon yam azuzuari gham aghe le zeetmimŋa tipait gham. Eemon paitooŋ tauu tau ilam pa Maaron na, yam azuari gham pani mako. Mt 23:5+; Yo 12:43; Ro 2:29

Kolosi 2:12

Ŋgara tauvene: Saawe tau agham yaa, yam apaak Krisi pa mateegh tooni, ve titavi gham tomania Krisi. Ve Maaron igham gham apaak Krisi pa burigiiŋ tooni paam, tauta agham lepoogh paaghu ila tooni. Pasaa, yam aghur ila Maaron tapiri tau ipaburigin Krisi pa mateegh. Ro 6:3+; Ep 2:6, 3:7; Kol 3:1+

Pilipai 1:29

Pasaa, Krisi ndaamo payam, tauta Maaron igham poghani gham, ve igham gham aghur ila to Krisi ve amin i le. Ve tane mon mako. I ipait gham, ve igham gham abaad pataŋani paam pa Krisi eeza. Mbaŋ 5:41+

Yoan 8:43

Mindai ta ŋgar tsiam ivot pa saveeŋ tsiau soone? Taliŋamim aat ivool wa. Tauta yam irau to alooŋ saveeŋ tsiau mako. Ro 8:7; 1Kor 2:14

Matayu 12:34

Yam tane, moot saghati natŋa! Lolomim ivon pa ŋgar sasaghati naol. Tauta saveeŋ poia eta irau ivot ila avomim mako. Pasaa, ŋgar tau loloon ivon pani, tauta ivotvot ila avoon. Mt 3:7, 15:18

Yoan 6:43

Tauvene Yesu iyol aliŋazi ighe: “Yam lolomim ŋurŋuria pasaa?