Yoan 5:9 - Maaron Saveeŋ Tooni Patabuyaaŋ Tuam

⁹ Rekia mon ve ŋeer tana tiini poia. Tauvene iburig, iput moogh tooni, ibaado, ve ilaagh ila. Eemon saawe tana, ene umbom patabuyaaŋ to Maaron. Is 35:4-6; Yo 9:14

Mutu (Oov)

⁹ Rikia moghon ve ŋgeu tonenen tini poia. Tovenen imundig, iput moogh toni, imbaada, ve ilaagh ila. Eemoghon sawa tonenen, nene umbom patabuaŋ to Maaron. Is 35:4-6; Yo 9:14

Yoan 5:9 Referans Kwoze

Yoan 9:14

Pasaa, saawe tau Yesu igharaat maata, ene umbom patabuyaaŋ to Maaron.

Markus 10:52

Tauvene Yesu isaav pani ighe: “Ula lak! Ghuruuŋ ila tsio, tauta iuul ghom gha matam poia wa.” Rekia mon ŋeer tana maata poia gha ighita nugh. Ra itaghon Yesu ve yesŋa tilaagh taghon eez gha tila. Mt 9:22; Mk 5:34

Markus 5:29

Saawe duduuŋ tana, siŋ imot pani, ve iyamaan tauu ighe tiini poia wa.

Markus 1:42

I isaav tauvene, ve rekia mon kolekole ighau pa ŋeer tana le tiini poia.

Markus 1:31

Tauvene Yesu ila ikis olman tinazi niima, ve iiti iburig, le moroghooŋ tooni isov. Ra olman tinazi ila igharaat lezi aniiŋ.

Yoan 5:14

Murei ra, Yesu ila indeeŋ ŋeer tana izi Rumei Tiina ziige, ve isaav pani ighe: “Ughita. Aazne tinim poia wa. Yau nasaav payo: Ugham sosor muul sov. Isaav ighe unoknok ghamuuŋ sosor, ene aat pataŋani tiina kat igham ghom le iliiv pataŋani tau muuŋ igham ghom.” Yo 8:11; 2Pe 2:20+