Yoan 5:22 - Maaron Saveeŋ Tooni Patabuyaaŋ Tuam

²² Uraat to gabizooŋ tamtamon tauvene paam. Taama Maaron igabiiz tamtamon eta ve ighur atuya pani mako. Uraat tana, i ipuli isov ila Naatu niima. Mt 25:31; Mbaŋ 10:42, 17:31

Mutu (Oov)

²² Uraat to gabizooŋ tamtoghon, tovene paam. Tama Maaron iŋgabiiz tamtoghon eta ve ighur atia pani maau. Uraat tonenen, ye ipuli isob ila Natu nima. Mt 25:31; Mbaŋ 10:42, 17:31

Yoan 5:22 Referans Kwoze

Yoan 5:27

Ve Taama ighur uraat to gabizooŋ tamtamon ve ghuruuŋ atuya pazi ila Naatu niima paam. Pasaa, i Tamtamon Naatu. Hib 4:15-16

Uraat To Yes Mbaŋooŋa 17:31

Pasaa, i tauu ighur saawe ee pataghaaŋ wa. Saawe tana ighe ivot, i pale igabiiz tamtamon tisov to taan, ve ighur atuya pazi. Ve gabizooŋ tooni, ene pale iduduuŋ mon. Uraat to gabizooŋ tawe, i ipuli ila ŋeer ee niima. Ŋeer tawe, Maaron ipaburigini pa mateegh wa. Leso iit tawatagh taghe i eeza pa uraat tana.” Mbo 9:8, 96:13; Yo 5:22; Mbaŋ 10:42

2 Korin 5:10

Pa murei, iit tasov aat tayooz ila Krisi naagho. Leso igabiiz ghiit, ve ighur atuya pa iit eŋaeŋa itaghon ŋgar tau taghamu izi taan na. Ŋgar popoia, ve ŋgar sasaghati paam. Mt 25:31+; Mbaŋ 17:31; Ro 2:16; Syg 20:12

Matayu 28:18

Tauvene Yesu iŋarui zi ila, ve isaav pazi ighe: “Tamaŋ Maaron ighur gabua naol isov to sambam ve taan ila yau sambag wa, ve yau ezag pa ŋginiiŋ zi. Dan 7:13-14; Yo 13:3; Ep 1:20+

Uraat To Yes Mbaŋooŋa 10:42

Ve ighur uraat payei to nivotia saveeŋ pa tamtamon tauvene: I ighur Yesu to igabiiz tamtamon tisov, ve ighur atuya pazi. Yes tau matazi yaryaare, ve yes mateegha paam. Mbaŋ 17:31; Ro 14:9+; 2Kor 5:10

Yoan 9:39

Yesu isaav muul ighe: “Yau nazilam taan to napaghazoŋai tamtamon, leso tighilaal tauzi. Yes tau tighilaal tighe matazi ikumkuum ve tikankaan pa Maaron ŋgar tooni, ene pale matazi pakia ve tighazooŋ pani. Ve yes tau tinumeer sorok tighe matazi pakia ve tighazooŋ pa Maaron, ene pale matazi ikumkuum ve ndoroom ikau zi le tisaghat kat.” Mt 13:11+; Yo 3:19

2 Timoti 4:1

Tiina toit Yesu Krisi, pale imuul ilam, ve itotoi pooz tooni ivot ighazooŋ, ve igabiiz tamtamon tisov ve ighur atuya pazi. Yes tau tileep matazi yaryaare, ve yes mateegha paam. Yau avog iyaryaaŋ payo ila yesuru Taama Maaron matazi naghe: Mbaŋ 10:42; 1Pe 4:5

Rau Tau Paulus Iboode Pa Yes Roma Rom--Romans 2:16

Vaaru poia tau yau navovotia na, isaav tauvene: Saawe to Mboŋ Murei, Yesu Krisi pale igham uraat to gabizooŋ tau Taama Maaron ighuru ila niima na. Saawe tana, ŋgar ŋgozaaŋa isov to tamtamon pale ivot ighazooŋ, ve i ighur atuya pazi. Mbaŋ 10:42, 17:31; 2Kor 5:10

Yoan 17:2

Yo ughur tamtamon tisov tileep ila Natum saamba wa. Leso yes tau yo ughur zi timin i le na, tisov tigham lepoogh poia ila tooni taghon taghon gha ila. Dan 7:14; Mt 28:18; Yo 6:39

1 Petrus 4:5

Eemon murei, yes pale tiyooz ila Ŋeer Tiina naagho, ve tivotia ŋgar tau tighamu izi taan na pani. I igharaat ghi, ve isasaŋan saawe to igabiiz tamtamon tisov ve ighur atuya pazi. Yes tau tileep matazi yaryaare, ve yes mateegha paam. Mbaŋ 10:42; 2Tim 4:1; Yems 5:9

Matayu 16:27

Saawe to Tamtamon Naatu imuul ilam tomania aŋela tooni, ve itotoi Taama Maaron mbonari ve tapiri ivot ighazooŋ, i pale ighur atuya pa tamtamon eŋaeŋa tisov itaghon ŋgar toozi tau muuŋ tighamghamu izi taan. Mt 25:31; Ro 2:6; 2Kor 5:10; Syg 22:12

Yoan 3:35

Taama Maaron loolo igheen to Naatu kat, ve ipul gabua naol isov ila i niima wa. Mt 11:27, 28:18; Hib 2:8

Matayu 11:27

Ra Yesu isaav muul ighe: “Tamaŋ Maaron ighur gabua naol isov ila nimag wa. Ve i mon ta iwatagh katin tauu Naatu. Tamtamon ite paam mako. Ve Taama Maaron tauvene paam. Tamtamon eta iwataghi kat mako. Naatu mon, ve yes tau Naatu ipaghazoŋai zi pani. Yes mon ta tiwataghi.” Mt 28:18; Yo 3:35, 17:2