Yoan 4:19 - Maaron Saveeŋ Tooni Patabuyaaŋ Tuam

¹⁹ Livaa tana ilooŋ saveeŋ tane, ve ŋgar tooni pakia. Tauvene isaav pa Yesu ighe: “Olman, ŋgarig gha naghilaal ghom. Yo aat propet ee to Maaron. Lu 7:16; Yo 6:14

Mutu (Oov)

¹⁹ Liva tonenen ilooŋ saveeŋ tonene, ve ŋgar toni pakia. Tovenen isaav pa Yesu ighaze: “Olman, ghara naghilaal ghom. Yom avaat propet eez to Maaron. Lu 7:16; Yo 6:14

Yoan 4:19 Referans Kwoze

Yoan 6:14

Eval tiina tighita gabua ŋgereeta tau Yesu ighamu to itotoi tauu pazi na, le tivasavo zi tighe: “Onoon kat, propet tiina tau tisavia tighe Maaron pale imbaaŋo izilam taan, tauta ene!” Lo 18:15-22; Yo 1:21

Lukas 7:39

Ŋeer tutuuŋa tau isain Yesu pa ghanghaniiŋ na, ighita ŋgar tau livaa tana ighamu, ve igham ŋgar ila loolo ighe: “Wai, isaav ighe onoon ŋeer tane propet tauu to Maaron, kanaŋ ighilaal ighe livaa tau ikiskisi ne, i livaa to sosor.”

Yoan 9:17

Tauvene tighason ŋeer tau Yesu igharaat maata na muul tighe: “Laak, yo tau i igharaat matam na, ugham ŋgar pani mindai?” I iyol aliŋazi ighe: “I aat propet ee to Maaron.”

Lukas 7:16

Tamtamon tighita gabua tana, le roiŋ tiina igham zi tisov, ve tipait Maaron eeza pa tapiri ve poia tooni tighe: “Onoon kat, aazne propet tiina ee ilam ileep tomani ghiit wa. Maaron maata iŋgal tamtamon tooni, tauta ilam to iuul zi!” Lu 1:68, 76, 24:19

Yoan 7:40

Eval tiina tilooŋ Yesu aliiŋa tana, ve tamtamon siriv tiburig ve tisaav tighe: “Onoon kat, propet tiina tau tasasaŋani ne, tauta ene!” Lo 18:15+; Yo 6:14

Matayu 21:11

Ve eval tiina tau tilaagh tomania Yesu na, tiyol aliŋazi tighe: “Ene Yesu, propet to nugh Nasaret tau igheen izi Galilaia.”

Lukas 24:19

Tauvene i ighason zi muul ighe: “Saa gabua?” Yesuru tiyol aliiŋa tighe: “Yei nisavsaav pa ŋgar tau tigham pa Yesu to Nasaret na. Eval tiina tighita tighe i propet tiina ee ila Maaron maata. Pa saveeŋ ve uraat tooni, ene toman tapiri. Mt 21:11; Yo 6:14; Mbaŋ 2:22

Yoan 4:29

“Ou, yam alam tala aghita ŋeer ee tau ilepleep we. Ŋgar isov tau naghamgham zi muuŋ ve ilam aazne, i ivoti zi payau le tisov. I aat Mesia taa?”

Yoan 4:18

Eemon yo uvai zitamoot liim wa. Ve ŋeer tau aazne yo uleep tomania na, ena yo azuwam tauu mako. Tauvene aliŋam tana, ena onoon.”