Yoan 20:28 - Maaron Saveeŋ Tooni Patabuyaaŋ Tuam

²⁸ Tomas iyol aliiŋa ighe: “Yo Tiina tsiau, ve Maaron tsiau!”

Mutu (Oov)

²⁸ Tomas isaav pani ighaze: “Yom Tiina tiou, ve Maaron tiou!”

Yoan 20:28 Referans Kwoze

Yoan 1:1

Muuŋ geeg, saawe tau sambam ve taan tivot soone, ŋeer tau ipaghazoŋai ghiit pa saveeŋ ve ŋgar to Maaron na ilepleep. I ileep tomania Maaron, ve i Maaron. Gnp 1:1; Yo 10:30, 17:5; Ro 9:5; Pil 2:6; 1Yo 1:1+; Syg 19:13

1 Timoti 3:16

Ŋgar to Maaron tau iit tataghoni, muuŋ iyooŋ. Ve aazne, ivot ighazooŋ wa. Ŋgar tana, eval tiina tiyok tighe ene puughu tiina kat. Pasaa, isavia Krisi tauvene: I ivot izi taan, ve imin tamtamon raraate imin iit. Saawe tau Maaron Avuvu ipaburigini pa mateegh, ene itotoia ighe i ŋeer duduuŋa. Yes aŋela tighita. Tamtamon tivotia vaaru irau nugh nugh tau Yuda mako na. Ve tamtamon tau tileep irau taan ne, tighur ila tooni. Taama Maaron ighamu imuul izala pa sambam, ve ipaghazoŋaini ighe i eeza tiina. Yo 1:14; Mbaŋ 1:9; Ro 1:4; Ep 1:20, 3:6

Matayu 14:33

Tauvene zetazŋa tau tileep waaŋ paavo na, tiput aghezi pa Yesu ve tipaiti tighe: “Onoon kat, yo Maaron Naatu!” Mt 16:16

Yoan 5:23

Leso tamtamon tisov tighita Naatu tighe i le eeza, ve titandagh pani raraate imin titandagh pa Taama Maaron. Ve isaav ighe tamtamon eta itandagh pa Maaron Naatu mako, ene itandagh pa Maaron mako paam. Pasaa, i ta imbaaŋ Naatu izilam taan. Lu 10:16; Pil 2:10+; 1Yo 2:23

Lukas 24:52

Yes tiput aghezi ve tipakuru le isov, ra timuul tila pa Yerusalem toman lolozi poia kat. Yo 16:22

Yoan 20:16

Tauvene Yesu isaav pani ighe: “Maria.” I isaav tauvene, ra Maria ighilaalo ighe ene Yesu tauta ene. Tauvene itoor ghi naagho ila pani, ve isaav pani ila saveeŋ Hibru ighe: “Raboni!” Saveeŋ tane, puughu vene: ‘Paduduŋaaŋ tsiau.’

Yoan 20:31

Ve saveeŋ isov tau igheen ila rau tane, ene to ipaghazoŋai ŋgar tsiam ve igham gham aghur ila to Yesu aghe i Mesia ve Maaron tauu Naatu. Leso i ndaamo payam ve agham lepoogh poia ila to Maaron. Ro 1:17; 1Yo 5:13

Yoan 20:27

Ra isaav pa Tomas ighe: “Ulam ugharau, ve ughita nimag, uzeev nimam ŋguruuŋa itaghon kiruuŋ niia, ve uzeev nimam iloŋ ila iiz niia tau igheen raŋraŋog saamba ne. Yo lolom ruru irao! Ughur ila!”

Yoan 20:29

Yesu isaav pani muul ighe: “Yo ughit ghau pa taum matam, tauta ughur ilam tsiau. Ve yes tau tighit ghau pa matazi mako, ve tighur ilam tsiau, ene yes aat tintinizi pa poia to Maaron tau pale izaa toozi.” 2Kor 5:7; 1Pe 1:8