Yoan 19:28 - Maaron Saveeŋ Tooni Patabuyaaŋ Tuam

²⁸ Yesu isavsaav pa tiina ve mbiwa tooni tana le isov, ra iwatagh ighe i ipasovuur uraat tooni naol isov wa. Tauvene isaav ighe: “Yau murun ghau!” Saveeŋ tane, i isavia leso Maaron aliiŋa tau tiboode na ighur anooŋa.

Mutu (Oov)

²⁸ Yesu isavsaav pa tina ve taghoniiŋa toni tonenen le isob, ghoro iwatag ighaze ye ipasob uraat toni isob wa. Tovenen isaav ighaze: “You murun ghou!” Saveeŋ tonene, ye isavia leso Maaron aliŋa to timbooda ne anoŋa ivot.

Yoan 19:28 Referans Kwoze

Yoan 19:30

Yesu igholoom vaen tana le isov, ve isaav ighe: “Uraat tsiau, ene isov tane.” Ra iŋgoor luua, ipul avuvu ila, ve imaat.

Lukas 22:37

Pasaa, Maaron aliiŋa ziiri ee tau tiboode na isaav ighe: ‘Yes tighita tighe i tamtamon saghati ee tau imalaaŋ pa tutuuŋ.’ Mboŋ aazne, saveeŋ tane aat ighur anooŋa ivot payau itaghon Maaron ŋgar tooni. Pasaa, saveeŋ naol tau tiboode izaa tsiau na, anooŋa ighe ivot tane.” Is 53:12; Lu 24:26+

Yoan 19:24

Tauvene zaaba tana tivasavo zi tighe: “Nonoghiiŋa to ŋgoaaŋ tane, taraŋgati sov. Igheen tauvene, ve tapayooz mbuur ve taghita: Sei pale ighamu?” Tauvene Maaron aliiŋa ziiri ee tau tiboode na, ighur anooŋa. Isaav tauvene: “Yes tirei nonoghiiŋa tsiau tomania gabua siriv irau zi. Ve nonoghiiŋa tsiau to ŋgoaaŋ, ene tipayooz mbuur pani. Leso tighita sei ta pale ighamu.” Mbo 22:18 Ŋgar tau zaaba tighamu na, ene iduduuŋ pa saveeŋ tane.

Lukas 18:31

Ra Yesu ipet mbiwa tooni saŋavul ve ru tila soghan, ve isaav pazi ighe: “Alooŋ. Iit taghe tala pa Yerusalem tane. Ve saveeŋ isov tau yes propet tiboode izaa to Tamtamon Naatu na, ene pale anooŋa ivot. Mbo 22; Is 53:3-7

Yoan 18:4

Ŋgar isov tau pale ivot pani na, Yesu iwataghi wa. Tauvene ipul oliv loolo tawe, ve ilaagh ŋarui zi ila, ve ighason zi ighe: “Yam ail sei?”

Yoan 13:1

Saawe to lupuuŋ tiina to Pasova igharau ighe ivot. Yesu iwatagh: Saawe tooni to ipul taan ve imuul izala pa Taama, ene ilam igharau wa. Muuŋ ve ilam, i ighur loolo kat pa tamtamon tooni tau tileep izi taan. Ŋgar tawe, i itaghoni ila ila le saawe to mateegh tooni, ra itotoia ivot ighazooŋ kat. 1Yo 3:16

Uraat To Yes Mbaŋooŋa 13:29

Saveeŋ tau yes propet tiboode izaa to Yesu na, yes Yuda titaghon suvinia le isov, ra tamtamon siriv tighamu izi pa ai pambarooŋ, ve tigham paata tila gha tighuru iloŋ ila maet puura tau tigharaata pataghaaŋ imin naal pa mateegha. Lu 23:50+, 24:44; Yo 19:36+

Lukas 12:50

Eemon pataŋani tiina aat igham ghau imin maata. Le isov, o gabua tana ivot. Tauvene yau aat naleep toman lolog ipataŋan ve napasov uraat tana le isov. Mk 10:38+; Yo 12:27

Yoan 4:34

Yesu isaav pazi muul ighe: “Alooŋ. Yau aat nataghon Ŋeer tau imbaaŋ ghau nalam ne loolo, ve naparwai uraat tooni le isov kat. Aniiŋ tsiau, tauta ene. Yo 6:38, 17:4

Yoan 17:4

Uraat naol isov tau ughur zi ila nimag na, yau napasovuur zi tisov wa. Tauta napaghazoŋai ezam tiina tomania tapirim ve poia tsio izi taan. Yo 4:34, 13:31

Yoan 19:36

Gabua tane tivot pa Yesu, leso Maaron aliiŋa ziiri ee tau tiboode na ighur anooŋa. Saveeŋ tauvene: “Irau tuua eta ipol mako.” Igham 12:46; Mbo 34:20