Yoan 19:24 - Maaron Saveeŋ Tooni Patabuyaaŋ Tuam

²⁴ Tauvene zaaba tana tivasavo zi tighe: “Nonoghiiŋa to ŋgoaaŋ tane, taraŋgati sov. Igheen tauvene, ve tapayooz mbuur ve taghita: Sei pale ighamu?” Tauvene Maaron aliiŋa ziiri ee tau tiboode na, ighur anooŋa. Isaav tauvene: “Yes tirei nonoghiiŋa tsiau tomania gabua siriv irau zi. Ve nonoghiiŋa tsiau to ŋgoaaŋ, ene tipayooz mbuur pani. Leso tighita sei ta pale ighamu.” Mbo 22:18 Ŋgar tau zaaba tighamu na, ene iduduuŋ pa saveeŋ tane.

Mutu (Oov)

²⁴ Tovenen ndaaba tonenen tiwasavon di tighaze: “Nonogiiŋa to moŋeŋaaŋ tonene, tareepa malep. Ineep tovene ve taŋgozŋgooz ve taghita: Sei pale ighami?” Tovenen Maaron aliŋa waaro eez to timbooda, anoŋa ivot. Isaav tovene: “Yes tirei nonogiiŋa tiou toman mbeb pida irau di. Ve nonogiiŋa tiou to moŋeŋaaŋ, nene tigham mogheraaŋ eez pani. Leso tighita sei to pale ighami.” Mbo 22:18 Ŋgar to ndaaba tighami, nene deŋia pa saveeŋ tonene.

Yoan 19:24 Referans Kwoze

Yoan 19:28

Yesu isavsaav pa tiina ve mbiwa tooni tana le isov, ra iwatagh ighe i ipasovuur uraat tooni naol isov wa. Tauvene isaav ighe: “Yau murun ghau!” Saveeŋ tane, i isavia leso Maaron aliiŋa tau tiboode na ighur anooŋa.

Uraat To Yes Mbaŋooŋa 13:27

Eemon eval tiina to Yerusalem tomania yes daaba toozi tighilaal Yesu mako. Onoon, umbom patabuyaaŋ isov, yes tiwatwaat saveeŋ to yes propet. Eemon tighilaal saveeŋ tawe puughu mako. Yesu, i le puughu eta to imaat pani ne mako. Eemon saawe tau yes daaba titiir saveeŋ tooni, tighita tighe i igham sosor tiina, ve tighason Piladus to iravu imaat. Ŋgar tau tighamu, ene iduduuŋ pa Maaron aliiŋa tau muuŋ yes propet tivotia. Saveeŋ toozi tawe, aazne anooŋa ivot wa. Mt 27:20+; Lu 23:18+; Mbaŋ 3:14+

Matayu 27:35

Yes tirav Yesu izala ai pambarooŋ, ra tigham nonoghiiŋa tooni tomania gabua tooni siriv, tighe tirei irau zi. Tauvene tipayooz mbuur, leso itotoi sei ta pale igham saa gabua. Mbo 22:18

Markus 15:24

Yes tiravu izala ai pambarooŋ, ra tigham Yesu nonoghiiŋa tooni tomania gabua tooni siriv, ve tighe tirei zi irau zi. Tauvene tipayooz mbuur, leso itotoi sei tau pale igham saa gabua. Mbo 22:18

Lukas 23:34

Tituktuuk, ve Yesu isaav ighe: “O Tamaŋ, ureu sosor toozi. Pa ŋgar tau tighamu ne, yes tighilaalo mako.” Ra zaaba tigham nonoghiiŋa to Yesu tomania gabua tooni siriv tighe tireii irau zi. Tauvene tipayooz mbuur, leso itotoi sei tau pale igham saa gabua. Mbo 22:18; Mt 5:44; Mbaŋ 3:17, 7:60

Yoan 13:18

“Saveeŋ tane, yau nasavia izaa to yam asov mako. Yam tau nasiigh gham amin leg na, yau nawatagh katin gham. Tamtamon tsiam ee, i ipaak ghau mako. Pasaa, Maaron aliiŋa tau tiboode na, aat ighur anooŋa. Saveeŋ tauvene: ‘Etag ite tau yeiru lupuuŋ tsiei eemon ve niluplup ghei pa ghanghaniiŋ, tauta imin koiag.’ Mbo 41:9