Yoan 18:38 - Maaron Saveeŋ Tooni Patabuyaaŋ Tuam

³⁸ Tauta Piladus ighasoni muul ighe: “Saveeŋ onoon, ene saa?” Yo 14:6 Piladus isavsaav tomania Yesu le isov, ra ivot ila pa muuri muul, ve isaav pa yes Yuda ighe: “Yau naghita naghe ŋeer tane, i le sosor eta mako.

Mutu (Oov)

³⁸ Tauto Piladus ighasoni muul ighaze: “Saveeŋ onoon, nene sa?” Yo 14:6 Piladus isavsaav toman Yesu le isob, ghoro ivot ila pumuri muul, ve isaav pa yes Yuda ighaze: “You naghita naghaze ŋgeu tonene, ye le sosor eta maau.

Yoan 18:38 Referans Kwoze

Yoan 19:4

Tighamgham tauvene, ve Piladus ivot ila muuri, ve isaav pa eval tiina ighe: “Aghita. Yau aat nagham ŋeer tawe ivot ilam payam. Leso awatagh aghe yau naghita naghe i le sosor eta mako.”

Yoan 19:6

Yes daaba to watooŋrau tomania uraata siriv to Rumei Tiina tighita Yesu, ve tiboob tighe: “Uravu izala ai pambarooŋ! Uravu izala ai pambarooŋ!” Eemon Piladus isaav pazi ighe: “Yam taumim aghamu ala, ve aravu izala ai pambarooŋ. Pa yau naghita naghe i le sosor eta mako.” Mbaŋ 3:13+

Lukas 23:4

Tauvene Piladus isaav pa yes daaba to watooŋrau tomania eval tiina ighe: “Yau naghita naghe ŋeer tane, i le sosor eta mako.”

Uraat To Yes Mbaŋooŋa 17:32

Saawe tau tilooŋ Paulus aavo ila pa burigiiŋ to Yesu pa mateegh, tamtamon toozi siriv tiŋiŋ, ve tisik saveeŋ veleghiiŋ pani. Eemon siriv tisaav pani tighe: “Yei nighe saawe ite paam, o usavia saveeŋ tane payei gha nilooŋa muul.”

1 Petrus 1:19

Gabua tawe, ene Krisi tauu siŋ tooni tau iliiv kuaz ta naol ne. I, tiravu imaat imin sipsip naatu tau poia le poia kat. Gabuaaŋa eta isaghat mako. Igham 12:5; Yo 1:29+; 1Kor 5:7; Syg 5:9

Markus 15:14

Tauvene Piladus ighason zi muul ighe: “Pasaa? I igham saa sosor?” Eemon tinoknok bobaaŋ tighe: “Uravu izala ai pambarooŋ!”

Matayu 27:24

Piladus ighilaal ighe yes irau tilooŋ aliiŋa mako. Ve iroi ighe malau mako pale malmal tiina iburig. Tauvene igham yaa, ve imin niima ila eval tiina matazi. Ra isaav pazi ighe: “Aghita. Ŋeer tane, ighe siŋ tooni imaliŋ gha imaat, ene yam ta amin puughu pa mateegh tooni. Yau mako.” Lo 21:6+; Mt 27:4

Yoan 18:33

Tauvene Piladus imuul iloŋ ila ruum loolo, ve isaav gha tigham Yesu iloŋ ila tooni. Ra ighasoni ighe: “Mindai, yo tane, kinik to yes Yuda?” Mt 2:2