Yoan 17:15 - Maaron Saveeŋ Tooni Patabuyaaŋ Tuam

¹⁵ Yau naghason ghom to upas zi tivot soghan pa yes tau titaghon taan ŋgara ne mako. Yau naghe umin sigheu pazi, ve upoon zi pa Ŋeer Saghati. Mt 6:13; 1Yo 5:18

Mutu (Oov)

¹⁵ You naghason ghom pa upas di tivot saguan pa yes to titaghon ŋgar to taan ne maau. You naghaze unum sigeu padi, ve upoon di pa Ŋgeu Samia. Mt 6:13; 1Yo 5:18

Yoan 17:15 Referans Kwoze

1 Yoan 5:18

Iit tawatagh: Tamtamon tisov tau Maaron igham zi timin paaghu na, yes tinoknok ghamuuŋ ŋgar saghati mako. Pasaa, Maaron Naatu maata pazi ve iŋginŋgin zi. Tauvene Ŋeer Saghati irau ivaghamun zi mako. 1Yo 3:9

2 Tesalonika 3:3

Eemon Tiina toit itataghon saveeŋ tooni irau saawe. Tauvene iit irau tanumeera. I tauu aat ipalot gham, ve ipoon gham pa Ŋeer Saghati. Yo 17:15; 1Kor 10:13; 1Tes 5:24; 2Pe 2:9

Galesia 1:4

Krisi iyoki tauu gha imaat itaghon Tamaan Maaron loolo, leso ireu sosor toit, ve ipas ghiit pa saghati tapiri tau aazne igheen irau taan. Mk 10:45

Matayu 6:13

Upul tovaaŋ ivot payei sov. Uvool tsiei ve upaghau ghei pa gabua sasaghati naol isov.’ Lu 22:40; Yo 17:15; 2Tes 3:3; 2Pe 2:9

Lukas 11:4

Upul sosor tsiei. Pasaa, tamtamon tisov tau tigham sosor payei na, yei nipul sosor toozi paam. Upul tovaaŋ ivot payei sov.’ ” Mt 18:21+; Yo 17:15; Ep 4:32; 2Tes 3:3

2 Timoti 4:8

Tauvene atuya poia to yes tau tiparav ariaaŋ gha tiliiv na, tauta isasaŋan ghau. Atuya tawe, ene vene: Saawe to Mboŋ Murei, Tiina toit tau gabizooŋ tooni duduuŋa na, pale ighit ghau ighe yau ŋeer duduŋag. Ve yau mon mako. Tamtamon tisov tau lolozi pani, ve tighe le tighita muleeŋ tooni, ene i pale igham ŋgar raraate mon pazi. Yems 1:12; 1Pe 5:4; Syg 2:10

Matayu 5:37

Yam irau asaav mon aghe: ‘Vee’ o ‘Mako.’ Ene irau. Pa isaav ighe yam awaat gabua siriv ezazi to apariaaŋ saveeŋ tsiam, ene ŋgar tauvene ilam pa Ŋeer Saghati. Yems 5:12

Lukas 22:32

Eemon yau naghur ghom ila suŋuuŋ tsiau wa: Leso utap pa ghuruuŋ ila tsio sov. Ve saawe tau yo utoor ŋgar tsio ve umuul, yo aat upalot toŋvetaz tsio.” Yo 17:9+, 21:15+

1 Yoan 5:19

Ve iit tawatagh: Iit tamtamon to Maaron. Eemon eval tiina to taan, yes tileep ila Ŋeer Saghati niima, ve i ighamgham pooz pazi.