Yoan 16:33 - Maaron Saveeŋ Tooni Patabuyaaŋ Tuam

³³ Saveeŋ tane, yau nasavia payam, leso apaak tuŋia ilam tsiau, ve luuma tsiau igheen tomani gham. Onoon, saawe tau aleep izi taan, pataŋani pale igham gham. Eemon aroi sov. Lolomim poia ve ayooz ariaaŋ! Pa taan tapiri, yau natatani wa.” Yo 14:27; Ro 8:35+; 1Yo 4:4, 5:4

Mutu (Oov)

³³ Saveeŋ tonene, you nasavia payam, leso aneep tuŋia inim tiou, ve luuma tiou ineep toman gham. Onoon, sawa to aneep izi taan, pataŋani pale igham gham. Eemoghon amatughez malep. Lolomim poia ve ayoon ariaŋa! Pasa taan tapiri, you natatani wa.” Yo 14:27; Ro 8:35+; 1Yo 4:4, 5:4

Yoan 16:33 Referans Kwoze

Yoan 14:27

“Yau aat napul gham tane. Tauvene naghe napul luuma tsiau igheen tomani gham, leso aleep poia toman lolomim luuma. Lepoogh poia tau naghe nagham payam, ene raraate imin lepoogh poia tau tamtamon to taan tighamghamu ne mako. Tauvene lolomim bubu sov, ve aroi sov. Yo 16:33; Ro 5:1; Pil 4:7; Kol 3:15

1 Yoan 5:4

Tamtamon tisov tau Maaron igham zi timin natŋa, yes titatan ŋgar to taan. Ve eez to tatatan ŋgar to taan, ene vene: Tayooz ariaaŋ ve takis ghuruuŋ ila toit tuŋia. Yo 16:33; Ep 6:16; Syg 12:11

2 Tesalonika 3:16

Tiina toit Yesu, i ŋgar luuma puughu. Saawe isov, i tauu aat igham gham aleep poi pa gabua naol isov ve aleep toman lolomim luuma. Ve i aat ileep tomani gham asov. Ro 15:33; 1Tes 5:23

1 Yoan 4:4

Eemon natugŋa, yam tamtamon to Maaron. Ve yam atatan zeran karomŋa tawe gha aliiv zi wa. Pasaa, Maaron Avuvu tau ilepleep ila lolomim na, tapiri iliiv i tau ipapazaagh tamtamon gha titaghon ŋgar to taan na. Yo 16:33; 1Yo 5:4+

Pilipai 4:7

Leso luuma to Maaron imin sigheu pa lolomim ve ŋgar tsiam, ve ikis gham aleep tuŋia ila to Yesu Krisi toman lolomim poia. Luuma tooni, ene iliiv kat pa iit tasov ŋgar toit. Yo 14:27; Kol 3:15

1 Petrus 5:9

Tauvene akis ghuruuŋ ila tsiam tuŋia, ve aparav ariaaŋ, leso atatani. Pa yam awatagh: Toŋvetaz tsiam to Krisi tau tileep irau nugh nugh na, tibadbaad pataŋani raraate imin yam. Ep 4:27, 6:11+; 1Tes 5:6; Yems 4:7

Yoan 14:1

Yesu isaav pa mbiwa tooni ighe: “Lolomim ipataŋan ve agham ŋgar naol sov. Aghur ila to Maaron, ve aghur ilam tsiau paam. Mbo 42:5; Mt 6:25; Pil 4:6+; 1Pe 5:7

2 Timoti 3:12

Onoon kat, tamtamon tisov tau tipaak Yesu Krisi ve titaghon duduŋai Maaron ŋgar tooni na, tamtamon pale tighur pataŋani pazi. Yo 15:18+; Mbaŋ 14:22; 1Tes 3:3

Uraat To Yes Mbaŋooŋa 14:22

Yesuru tipapalot Yesu ziŋeera, ve avozi iyaryaaŋ pazi tighe tikis ghuruuŋ ila toozi tuŋia. Ve tisavsaav pazi tighe: “Iit aat tabaad pataŋani naol, o tataghon pooz to Maaron ve taloŋ tala nugh tooni sambam.” Mt 7:14, 16:24; 1Tes 3:3+; 2Tim 3:12

Saveeŋ Yoŋgaaŋ 3:21

‘Isaav ighe tamtamon eta iyooz ariaaŋ ve iliiv tovaaŋ, ene aat yau nayok pani to yeiru nileep ila niag to ghamuuŋ pooz, imin yau nayooz ariaaŋ ve naliiv tovaaŋ, tauta yeiru Tamaŋ nileep ila niia to ghamuuŋ pooz. 2Tim 2:12; 1Kor 6:2

Hibru 11:25

I irau itaghon yes Isipa ve yesŋa tigham ŋgar sasaghati naol to uliin tau igham loloon poia rigmon ve isov. Eemon i loolo pa ŋgar tawe mako. I ighita ighe poia pa ila ipaak Maaron tamtamon tooni, ve yesŋa tibaad pataŋani.

Saveeŋ Yoŋgaaŋ 7:14

Yau nayol aliiŋa naghe: “Tiina, yo uwatagh zi.” Ra i isaav payau muul ighe: “Saawe tau tighur pataŋani tiina pa Maaron tamtamon tooni, zeran tawe tiyooz ariaaŋ, ve tiliiv tovaaŋ tau ivot pazi na. Yes timin nonoghiiŋa toozi pa Sipsip to Maaron siŋ tooni, tauta tiŋgalaaŋ ve tipisosooŋ kat. Is 1:18; Mk 13:19+; Hib 9:14; 1Yo 1:7

1 Tesalonika 3:7

Tauvene yam toŋvetaz, onoon, aazne pataŋani tiina igham ghei, le niil eez kat. Eemon saawe tau nilooŋ varumim tighe yam ayooz tuŋia, ve aghur ila to Tiina toit ariaaŋ, ene ipalot ghei, ve igham ghei lolomai poia kat.

Saveeŋ Yoŋgaaŋ 12:11

Toŋvetaz toit tigham ŋgar pa lepoogh poia to taan mako, ve tiroi pa mateegh mako. Tirei tauzi kat. Ve Sipsip to Maaron siŋ tooni ipalot zi le tiyooz ariaaŋ pa votiaaŋ saveeŋ onoon ila ila le irau mateegh toozi. Tauta tiliiv Ŋeer Saghati wa. Yo 12:25; Ro 16:20; 1Yo 5:4; Syg 7:14

Kolosi 1:20

Koi tau isap Maaron, iit, ve gabua naol isov to sambam ve taan sosoon na, Maaron ighe ipasovu, ve igham ghiit tomania gabua naol isov tawe tamuul tala pa i tauu. Puughu tane ta Naatu siŋ tooni imaliŋ izala ai pambarooŋ ve imaat. Leso ipasov koi tawe le isov kat, ve itiŋa Maaron tavalupu ghiit tamin eemon, ve taleep poia. Ro 5:1,10; 2Kor 5:18+; 1Yo 2:2

2 Korin 1:3

Loloon poia pa Tiina toit Yesu Krisi Taama Maaron, ve tapaiti pa poia tooni. Pasaa, i loolo isasaghatin ghiit ve iuluul ghiit. I Maaron tau iravrav ateen ve ipapalot ghiit irau saawe. Ep 1:3; 1Pe 1:3

2 Korin 13:11

Yam toŋvetaz, naghe napasov saveeŋ tsiau. Yam asov alooŋ saveeŋ palotiiŋ tsiau tane, ve lolomim poia, agharaat ŋgar tsiam, alup lolomim imin eemon, ve ataghon ŋgar luuma mon. Leso Maaron tau loolo igheen toit ve igham ghiit taleep poia toman loloon luuma na, ileep tomani gham. Ro 15:33; Pil 2:12, 3:1; 1Tes 5:16

1 Tesalonika 3:4

Pasaa, saawe tau itiŋa talepleep na, yei nisaav payam pataghaaŋ wa nighe: “Ayamaan gham. Pa tamtamon pale tighur pataŋani pait.” Saveeŋ tsiei tana ighur anooŋa gha aghita wa.

Galesia 6:14

Eemon yau irau napait taug ezag, ma tamtamon ite paam eeza ne mako. Yesu Krisi tau imaat izala ai pambarooŋ, i mon ta igham ghau tintinig ve napait eeza. Yau naghita naghe saawe tau tirav Krisi imaat izala ai pambarooŋ, tirav ghau namaat tomania. Tauta mateegh tooni tapiri irav matin ŋgar to taan tau muuŋ igheen ila lolog na gha imaat wa. Ro 6:6; 1Kor 1:31, 2:2; Pil 3:7+

2 Korin 7:4

Yau nasaav ghazooŋa payam. Lolog ruru payam mako. Yau naghit gham naghe yam arao kat. Tauta agham ghau tintinig. Onoon, pataŋani naol ighamgham ghei. Eemon ŋgar tau yam aghamghamu na, ene ipalot ghau, ve igham ghau lolog poia le poia kat.

Uraat To Yes Mbaŋooŋa 27:25

Ra Paulus iseeŋ saveeŋ tooni muul ighe: “Tauvene yau nasaav payam: Aroi sov. Lolomim poia. Pa yau naghur ila to Maaron naghe gabua aat ivot imin tau i isavia payau ne.

Galesia 1:4

Krisi iyoki tauu gha imaat itaghon Tamaan Maaron loolo, leso ireu sosor toit, ve ipas ghiit pa saghati tapiri tau aazne igheen irau taan. Mk 10:45

Uraat To Yes Mbaŋooŋa 9:31

Tauvene lupuuŋ to Krisi tau tileep irau taan sirivu to Yudea, Galilaia, ve Samaria na, tileep poia. Pataŋani ivot pazi muul mako. Ve Maaron iseeŋ ŋgar toozi pa ŋgar popoia siriv, ve Avuvu Patabuyaaŋ ipapalot zi. Tauta tiroron pa Tiina toit, ve titaghon eez tooni, ve lupuuŋ toozi ivot imin tiina.

Yoan 12:31

Aazne, tazaa pa saawe to Maaron ipaghazoŋai ŋgar saghati to tamtamon to taan ivot ighazooŋ, ve ighur atuya pazi, ve iziir daaba tau iŋginŋgin taan ne ighau. Yo 16:11; Kol 2:15; Syg 12:9, 20:2+

Lukas 2:14

“Tapait Maaron tau ileep saaŋa le saaŋa kat na eeza pa tapiri ve poia tooni. Mboŋ aazne, luuma to Maaron izilam taan. Tauvene yes tau Maaron loolo poia pazi, ene pale luuma tooni izaa toozi ve tileep poi.” Lu 19:38; Ro 5:1; Ep 2:14; Kol 1:20

Uraat To Yes Mbaŋooŋa 27:22

Eemon tambaaŋo paam. Yau naghe napalot gham tauvene. Yam aroi sov. Pa toit eta irau ilale mako. Waaŋ mon ta pale imbiriis.

Lukas 19:38

“Ŋeer tane, i kinik tau ilam pa Ŋeer Tiina eeza. Poia to Maaron aat izaa tooni ve ipaloti! Aazne, ŋgar luuma ivot ve koi isap itiŋa Maaron to sambam sosoon muul mako. Tapait Maaron tau ileep saaŋa le saaŋa kat na eeza pa tapiri ve poia tooni.” Mbo 118:26; Lu 2:14; Ro 5:1; Ep 2:14

Uraat To Yes Mbaŋooŋa 23:11

Mboŋ tana, Tiina toit Yesu ivot to Paulus, iyooz igharauu, ve isaav pani ighe: “Paulus, uroi sov. Uyooz ariaaŋ. Pa varug tau uvotia izi Yerusalem na, yo aat uvotia izi Rom paam.” Mbaŋ 18:9, 27:23+

Hibru 7:2

Mako Abaram iburig gha ilup gabua isov tau tila tigham malmal ve tiyau zi tilam na, ve ivalagh zi timin ŋgun saŋavul, ve igham ŋgun ee ila pa Melkizedek. Aiyo, Melkizedek eeza puughu tauvene: ‘Kinik to ŋgar duduuŋa.’ Ve i iŋgin nugh Salem. Ve Salem puughu, ene ‘ŋgar luuma.’ Tauvene i kinik to ŋgar duduuŋa ve ŋgar luuma.

Yoan 16:11

Ve uraat to gabizooŋ ve ghuruuŋ atuya pa tamtamon, ene pale ivot. Pasaa, ŋginiiŋ to yes tau titaghon taan ŋgara na, Maaron igabiiza ighe i isosor wa. Tauvene i isasaŋan mon pa saawe to Maaron ighur atuya pani. Yo 12:31

Matayu 9:2

Tila tilooŋ ta sewe, ve malau mako, zeran siriv tibaad ŋeer narape ee izala boor ve tilam tighe Yesu iuule. Ŋeer tawe, aaghe imaat, ve irau ilaagh mako. Yesu ighita zeran tana ghuruuŋ ila toozi iyaryaaŋ kat. Tauvene isaav pa narape tawe ighe: “Tazig, uroi sov. Sosor tsio, yau nareua wa.”

2 Korin 2:14

Ve yau napait Maaron toman lolog poia. Pasaa, saawe isov, i imuŋmuuŋ payei ve ipapalot ghei pa uraat tsiei. Ila uraat to Krisi, yei nimin yes tau tilaagh tomania daaba to zaaba tau iparav ariaaŋ ve iliiv pa malmal tiina. Uraat tsiei, ene eez tau Maaron ipaghazoŋai tamtamon pa Krisi vaaru. Vaaru tawe, ene imin naunauŋ poia ee tau vaazi ila irau nugh.

2 Korin 4:7

Yei mbaŋooŋa nimin uur tau tigharaat zi pa taan ve tighur kuaz popoia izila lolozi. Yei tamtamon sorok to taan, ve tapirimai imbool. Eemon Maaron ighur ghazooŋa tooni ve tapiri izila lolomai, ve ighur uraat tooni ila nimamai. Leso itotoi tapiri ila uraat tsiei. Tapiri tawe, ene tiina le tiina kat. 2Kor 3:5, 12:9

2 Korin 6:4

Ŋgar tsiei isov, ene itotoi ighe yei besooŋa tauu to Maaron. Pasaa, pataŋani maata maata ighamgham ghei, eemon niyooz ariaaŋ pa badooŋ zi. Monmon pataŋani izazaa tsiei, ve saawe siriv, nighita nighe lemai eez muul mako. 2Kor 4:9+

1 Yoan 2:13

Ve yam zolmana, nabood saveeŋ tane payam pasaa, Ŋeer tau ileep muuŋ ve ilam na, yam awatagh katini wa. Ve yam geegeu paghpaaghu, nabood saveeŋ tane payam pasaa, yamŋa Ŋeer Saghati aparav gha aliivo wa.