Yoan 12:29 - Maaron Saveeŋ Tooni Patabuyaaŋ Tuam

²⁹ Eval tiina tau yesŋa Yesu tilepleep na, tilooŋ saveeŋ tane, ve siriv tighe pa lalaav luutu. Ve siriv tighe: “Mako. Aŋela eta aat isavsaav pani.”

Mutu (Oov)

²⁹ Ival tiina to yesŋa Yesu tinepneep ne, tilooŋ saveeŋ tonene, ve pida tighaze pa lalaav avolutu. Ve pida tighaze: “Maau. Aŋela eta avaat isavsaav pani.”

Yoan 12:29 Referans Kwoze

Saveeŋ Yoŋgaaŋ 14:2

Malau mako ve nalooŋ eval tiina aliŋazi sambam ve izilam. Luutu tiina kat imin yaa katini tiyatyaat tizizi, ma lalaav lutluutu. Ve nalooŋ gabua luutu poia kat imin tamtamon tirav gita ma vene.

Saveeŋ Yoŋgaaŋ 11:19

Tisavsaav le isov, ra ataman to Rumei Tiina tau igheen izi sambam na ikaak, ve Bokis to Saveeŋ Mbuaaŋ igheen mataghare. Mako nugh ighani milia, lalaav luutu guruŋguruŋia, yogyoog itok, ve ais paatu tintiina titaptap sambam ve tizizi. Igham 9:24, 19:16; Hib 9:4; Syg 8:5

Saveeŋ Yoŋgaaŋ 8:5

Ra aŋela igham oon tawe ve ipavoni pa yav to artaal le ivon, ve isiki izilam pa taan. Mako nugh ighani milia, ve lalaav guruŋguruŋia, ve yogyoog itok.

Saveeŋ Yoŋgaaŋ 6:1

Ra yau naghita Sipsip to Maaron igham rau tau bagil liim ve ru tigheen ila na, ve iwalaav bagil ee imin maata. Ve nalooŋ gabua matazi yaryaare paaŋ, toozi ee iboob aliiŋa tiina kat imin lalaav luutu ighe: “Ulam!”

Uraat To Yes Mbaŋooŋa 9:7

Yes tau tilaagh tomania Saul na, tiyooz ve avozi ikaak. Pasaa, tiloŋlooŋ ŋeer ee aliiŋa, eemon tighita tamtamon eta mako.