Yakobus 4:3 - Maaron Saveeŋ Tooni Patabuyaaŋ Tuam

³ Ve isaav ighe aghason Maaron pa gabua eta, i irau igham payam mako. Pasaa, ŋgar tsiam iduduuŋ mako, ve aghasoni pa gabua soroksorok to ipabees tinimim mon. Mbo 66:18; 1Yo 3:22

Mutu (Oov)

³ Ve ighaze aghason Maaron pa mbeb eta, ye irau igham payam maau. Pasa, ŋgar tiam deŋia maau, ve aghasoni pa mbeb soroksorok pa ipambees tinimim moghon. Mbo 66:18; 1Yo 3:22

Yakobus 4:3 Referans Kwoze

1 Yoan 5:14

Tauvene iit taroi pa ghasoniiŋ Maaron pa leen gabua sov. Pa ighe taghasoni pa gabua eta itaghon i loolo ve ŋgar tooni, i aat ilooŋ ghiit ve igham gabua tana pait.

1 Yoan 3:22

Ve isaav ighe taghasoni pa gabua eta, i pale ilooŋ ghiit ve igham pait. Pasaa, mataan kisin tutuuŋ tooni ve tataghon zi, ve taghamgham ŋgar tau ighamu loolo poia. Mbo 34:15; Mt 7:7+, 21:22; Yo 9:31, 14:13

Yakobus 4:1

Puughu mindai ta kokaaŋ ve malmal ivotvot ila sosomim? Lolomim ighaar pa ŋgar sasaghati naol. Tauta ŋgar naol tana ipaparav ila lolomim, ve ipapazaagh gham pa ghamuuŋ ŋgar saghati tauvene. 1Pe 2:11

Lukas 15:13

“Saawe siriv ilam ila, ra naatu muria iyau gabua tooni naol isov, ve iburig tomania gha ila pa nugh malau. Ila ivot ta sewe, ra isuruuv maet tooni pa gabua soroksorok naol le maet isov. Malau mako ve pitool tiina ivot izi nugh tawe. Tauta mbolaaŋ igham ŋeer tana le lepoogha poia mako.

Markus 10:38

Yesu iyol aliŋazi ighe: “Gabua tau yamru aghason ghau pani na, yam awatagh pataŋani tooni mako. Aghita. Rubruub tau yau aat naghun ila ne, yamru irau aghun ila paam? Ve pataŋani tiina tau pale igham ghau ne, yamru irau aghamu paam?” Mk 14:36; Lu 12:50

Matayu 20:22

Yesu iyol saveeŋ to tinazi ighe: “Gabua tau yamru aghason ghau pani na, awatagh pataŋani tooni mako. Aghita. Rubruub tau yau aat naghun ila ne, yamru irau aghun ila paam?” Mt 26:39+; Yo 18:11

Lukas 15:30

Ve natum tawe, i ila ve yesŋa zilivaa to eez tivaghamunia gabua tsio le isov. Eemon saawe tau imuul ilam, yo urav makau naatu poia tau taghuru pa ghanghaniiŋ na pani!’

Lukas 11:10

“Pasaa, tamtamon tisov tau tighason, ene aat tighamu. Ve isaav ighe tiilo, ene aat tindeeŋa. Ve ighe tiseŋseŋ ataman, ene aat ataman ikaak pazi.