Yakobus 2:6 - Maaron Saveeŋ Tooni Patabuyaaŋ Tuam

⁶ Eemon yam, o agham mayaŋa pa yes mbolaaŋa. Laak. Naghason gham: Savunugha ta titatan gham, ve tighegherev gham ala to tipayooz gham pa savsaveeŋ? Ene yes kuaz tauŋa.

Mutu (Oov)

⁶ Eemoghon yam, ghoro agham mayaŋiiŋa pa yes mbolaaŋa. Laak, naghason gham: Sa ndiran to titatan gham, ve tiweuweu gham ala pa savsaveeŋ? Nene yes mbaliiŋ taudi.

Yakobus 2:6 Referans Kwoze

1 Korin 11:22

Mindai, irau aghan ve aghun izi taumim ruum tsiam mako? Ma aghe avelegh lupuuŋ to Maaron ve apamayaŋin zeetmimŋa siriv tau mbolaaŋa na? Pale nasaav mindai payam? Aghe napait gham pa ŋgar tsiam tana? Mako kat! Yems 2:5+

Yakobus 5:4

Aghita! Yes uraata tau tighamgham uratoi uum tsiam, ve tiluplup aniiŋ tsiam na, yam avatombanoi zi, ve aghol poghani zi mako. Atuya toozi sirivu tau atatani izi igheen na, tomania taŋiiz toozi, ene iboboob izala pa Maaron Saksaki Tau Iŋgin Gabua Naol Isov Na gha ilooŋa wa. Ve i pale iyat ŋgar saghati tau yam agham pazi na. Lo 24:14+

Yakobus 2:3

Ŋeer tau nonoghiiŋa tooni paghuuna kat na, yam apakuru ve asaav pani aghe: “Olman, ulam mbolem izi nugh poia ene.” Eemon ŋeer mbolaaŋa, yam asaav pani aghe: “Ai, yo ula uyooz sewe”, ma “Ulam mbolem izi taan ta agheg puughu ne.”

Uraat To Yes Mbaŋooŋa 17:6

Eemon tiil zi le mako. Tauvene tigham Yason tomania toŋvetaz siriv to Krisi, ve tisasaar zi tila, ve tipayooz zi ila yes daaba to nugh naghozi. Ra tiboob tighe: “Zeran tau Yason igham zi tila tileep ruum tooni na, tilaghlaagh irau taan isov, ve tipapazaagh tamtamon pa ghamuuŋ ŋgar sasaghati naol. Ve aazne, tilam tivot toit wa. Zeran tawe tizorzoor kinik tiina to Rom tutuuŋ tooni. Pasaa, tisavsaav tighe kinik ite ilepleep, eeza Yesu.” Lu 23:2; Yo 19:12; Mbaŋ 16:20

Uraat To Yes Mbaŋooŋa 13:50

Eemon yes Yuda tiŋgarum yes daaba to nugh tana tomania zilivaa siriv tau ezazi tintiina ve titaghon yes Yuda pa suŋuuŋ toozi na lolozi. Tauvene yes daaba ve zilivaa tawe anazi tipazaagh eval tiina, ve tighur pataŋani pa yesuru, ve tinaan zi tighau pa nugh toozi. 2Tim 3:11

Uraat To Yes Mbaŋooŋa 8:3

Eemon Saul ighe ivaghamunia lupuuŋ to Krisi ve ipasov zi kat. Tauvene ilaghlaagh taghon ruum aavo aavo, ve isasaar Krisi tamtamon tooni, ve ighurghur zi tiloŋ tila ruum to yavyavuuŋ. Yes zitamoot ve zilivaa paam. 1Kor 15:9; Ga 1:13,23; Pil 3:6; 1Tim 1:13

Yakobus 5:6

Yes zeran duduŋazi tau lezi sosor eta mako na, yam apapayooz zi pa savsaveeŋ, ve arav zi timatmaat. Ve yes tipamuul malmal payam mako. Mt 5:39

Uraat To Yes Mbaŋooŋa 18:12

Ighamgham tauvene le saawe tau Galio iŋgin taan sirivu to Akaia, ra yes Yuda tilup lolozi imin eemon ve tighe tiŋgalsekin Paulus pa savsaveeŋ tau i ivovotia na. Tauvene tighamu tila nugh to gharatooŋ saveeŋ, ve tipayooze ila Galio naagho,

Yoan 8:49

Yesu iyol aliŋazi ighe: “Yau, avuvu saghati eta izeev ghau mako. Ŋgar tau yau naghamghamu, ene to napait Tamaŋ Maaron eeza. Eemon yam avelegh ghau.