Yakobus 2:21 - Maaron Saveeŋ Tooni Patabuyaaŋ Tuam

²¹ Matam iŋgal ŋgar tau muuŋ timbuun Abaram ighamu. I ighur naatu Isak izala artaal, ve ighe iravu imaat imin watooŋrau. Ŋgar tooni tawe, tauta Maaron ighita ighe i ŋeer duduuŋa. Gnp 22:1+; Hib 11:17+

Mutu (Oov)

²¹ Matam iŋgal ŋgar to muuŋ timbuud Abaram ighami. Ye ighur natu Isak izala artaal, ve ighaze irabi imaat inim watooŋrau. Ŋgar toni tonowen, tauto Maaron ighita ighaze ye ŋgeu deŋia. Mbnp 22:1+; Hib 11:17+

Yakobus 2:21 Referans Kwoze

Yoan 8:39

Yes tiyol aliiŋa tighe: “Yei timbumai ta Abaram.” Tauvene Yesu isaav pazi ighe: “Imin ta yam Abaram paaghu tooni duduuŋ, kanaŋ ataghon ŋgar tau muuŋ i ighamghamu. Ro 2:28; Ga 3:7, 29

Rau Tau Paulus Iboode Pa Yes Roma Rom--Romans 4:16

Tauta Maaron igham poghani ghiit, ve ighur leen eez ite to taghita saveeŋ mbuaaŋ tooni anooŋa. Ene ghuruuŋ ila toit. Pasaa, ŋgar tooni iyaryaaŋ ighe le saveeŋ mbuaaŋ tooni ighur anooŋa pa Abaram paaghu tooni tisov. Yes Yuda tau titaghon tutuuŋ to Mose na, ve yes tau Yuda mako tau titaghon Abaram pa ghuruuŋ ila tooni na paam. Pasaa, iit tasov tau taghur ila to Krisi na, Abaram imin tamaan. Ro 3:24, 15:8; Ga 3:7,22

Matayu 12:37

Tauvene saveeŋ to yo taum pale imin puughu payo. Isaav ighe saveeŋ tsio poia, ene pale Maaron ighit ghom ighe yo ududuuŋ ila maata. Ve isaav ighe saveeŋ tsio poia mako, ene pale i ighit ghom ighe yo ŋeer saghatim, ve ighur atuya payo.” Yems 3:2

Yakobus 2:24

Aghita wa? Isaav ighe taghur ila mon, ene irao mako. Iit aat taghur ila, ve tagham ŋgar poia itaghon ghuruuŋ ila toit ŋgara, o taduduuŋ ila Maaron maata.

Yakobus 2:18

Yau nawatagh: Tamtamon eta pale iburig ve izoor saveeŋ tsiau ighe: “Tamtamon siriv tiyooz ariaaŋ pa eez to ghuruuŋ ila, ve siriv tigham ŋgar ve uraat popoia, leso tiduduuŋ ila Maaron maata.” Eemon yau aat nayol saveeŋ tana tauvene: Isaav ighe yo ughur ila, eemon ughamgham ŋgar poia mako, ene pale naghilaal ghuruuŋ ila tsio mindai? Utotoia ivot, o nawataghi. Pasaa, yau naghita naghe ŋgar popoia tau naghamgham zi ne, tauta itotoi ghuruuŋ ila tsiau.

Rau Tau Paulus Iboode Pa Yes Roma Rom--Romans 4:12

Ve yes tau tirav warozi na paam. Ighe titaghon ŋgar to tamaan Abaram, ve tighur ila to Maaron imin Abaram ighur ila tooni indeeŋ saawe tau tirav waaro soone, ene pale timin Abaram paaghu tooni.

Rau Tau Paulus Iboode Pa Yes Roma Rom--Romans 4:1

Aiyo, iit mataan iŋgal ila pa Abaram tau yei Yuda nivot ila tooni na. Pale tasaav mindai pani?

Rau Tau Paulus Iboode Pa Yes Roma Rom--Romans 3:20

Tauvene ŋgar to taghoniiŋ tutuuŋ, ene irau imin eez pa tamtamon eta to iduduuŋ ila Maaron maata ne mako. Mako le mako kat. Tutuuŋ igheen to ipaburigin ŋgar toit, leso taghilaal sosor toit. Mbo 143:2; Ro 7:7; Ga 2:16, 3:11

Uraat To Yes Mbaŋooŋa 7:2

Stepanus iyol aliiŋa ighe: “Yam tamaŋŋa ve toŋvetaz tsiau, alooŋ saveeŋ tsiau tane ve agham ŋgar pani poi. Muuŋ kat, saawe tau timbuun Abaram ila ileep izi nugh Aran soone, ve ilepleep izi taan sirivu to Mesopotamia na, Maaron toit tau eeza tiina pa tapiri ve poia tooni na ivot tooni, Gnp 11:31

Yoan 8:53

Timbumai Abaram, i imaat wa. Ve yes propet paam timataar wa. Yo saa ŋeer? Yo ughe uliiv Abaram? Usavia taum poi!”

Lukas 16:30

“Kuaz tauu isaav pani muul ighe: ‘Tamaŋ Abaram, ŋgar tsio tana poia. Eemon irau ighur mako. Ve isaav ighe mateegha eta iburig gha ila ivot toozi ve ipaes pazi, ene aat tighur ila saveeŋ tooni, ve titoor ŋgar toozi.’

Lukas 16:24

Tauvene iboob ila pa Abaram ighe: ‘Oyai, tamaŋ Abaram, lolom raa, isaghatin ghau ve umbaaŋ Lasarus ilam. Leso izeev niima ŋguruuŋa izila yaa, ve ipaluum yamag rigta. Pasaa, yau naleep ila yav tane loolo, ve yavyavuuŋ tiina kat igham ghau.’ Mk 9:48

Matayu 3:9

Yam aghe Abaram paaghu tooni yam. Eemon anumeer tana sov. Pa yau nasaav payam: Maaron, i irau isaav pa maet tane, ve tiburig timin Abaram paaghu tooni. Yo 8:33, 39; Ro 2:28+; Ga 3:7

Hibru 11:17

Abaram ighur ila to Maaron. Tauta saawe tau Maaron itoova ve isaav pani ighe irav naatu eemon Isak imaat imin watooŋrau, i ighe igham tauvene itaghon Maaron aliiŋa. Onoon, muuŋ Maaron imbu saveeŋ pani ighe: “Paaghu tsio duduuŋ pale tivot ila to natum Isak.” Eemon Abaram iŋguruut naatu tawe mako. Gnp 21:12, 22:1+; Yems 2:21+