Titus 3:10 - Maaron Saveeŋ Tooni Patabuyaaŋ Tuam

^10-11 Isaav ighe tamtamon eta ireu lupuuŋ to Krisi, na usaav duduuŋ ila maata, ve utoova to upaduduuŋa. Usaav pani pai ee ma ru, ve ighe ilooŋ ghom mako, na upuli, ve uleep soghan pani. Pasaa, yo uwatagh: Tamtamon tauvene, ŋgar tooni ikau, ve isosor pa eez to Maaron. Ŋgar tau i ighamghamu na, ene ipaghazoŋaini ighe i isosor. Mt 18:15+; Ro 16:17+; 1Tim 6:3+

Mutu (Oov)

^10-11 Ighaze tamtoghon eta ireu lupuuŋ to Krisi, yom usaav kat ila mata, ve utoova pa upasaluŋgani. Usaav pani pa eez ma ru, ve ighaze ilooŋ ghom maau, ghoro upuli ve uneep saguan pani. Pasa, yom uwatag: Tamtoghon tovene, ŋgar toni iwaghamgham, ve iyel pa ataam to Maaron. Ŋgar to ighamghami, nene ipatooŋa ighaze ye isosor. Mt 18:15+; Ro 16:17+; 1Tim 6:3+

Titus 3:10 Referans Kwoze

Rau Tau Paulus Iboode Pa Yes Roma Rom--Romans 16:17

Yam toŋvetaz, ayamaan gham pa yes tau tizorzoor saveeŋ tau tipaduduuŋ gham pani na, ve tireureu lupuuŋ tsiam, ve tighamgham tamtamon titap pa ghuruuŋ ila toozi. Zeran tauvena, aleep soghan pazi. 2Tes 3:14; Tit 3:10; 2Yo 10

2 Yoan 1:10

Isaav ighe tamtamon eta ilat tsiam, ve ivotia saveeŋ tau isapir pa saveeŋ to Krisi tane, yam aghamu ilat ileep tomani gham ila ruum tsiam sov. Ve agham aaz poia pani ve yamŋa asavsaav sov. Aleep soghan pani. Mako pale apaako pa uraat tooni saghati tawe ma vene. Ro 16:17; 2Tes 3:6; Tit 3:10

2 Timoti 3:5

Yes pale tipamir tauzi tighe titaghon Maaron ŋgar tooni. Eemon ŋgar tau tighamghamu, ene pale itotoi zi ighe yes tiwatagh Maaron tapiri rigta mako. Zeran tauvene, yo uleep soghan pazi. Mt 7:21; Tit 1:16

2 Tesalonika 3:14

Saveeŋ tau niboode ila rau tane, isaav ighe tsiam eta itaghoni mako, na yam aghita ve aleep soghan pani. Agharauu sov. Leso ighilaal sosor tooni, ve maaya. Mt 18:17

2 Tesalonika 3:6

Yam toŋvetaz, yei nisaav ariaaŋ payam ila Tiina toit Yesu Krisi eeza tauvene: Ighe toŋvetaz eta to Krisi igham uraat mako ve ilepleep sorok, na agharauu sov. Aleep soghan pani. Pa ŋgar tauvene, ene iduduuŋ pa Maaron aliiŋa tau nisavia payam ne mako. Saveeŋ tane, paaghu mako. Igheen muuŋ ve ilam.

Galesia 5:20

tabees pa maaron karomŋa, ŋgar to ghamuuŋ mur, taghur koi pa tamtamon, tavazorai ghiit, taghita zetaanŋa tau lezi gabua katini na ve ireu loloon, ateen tuuku, takokook, mataan iŋgalŋgal tauun mon, tavarewai ghiit ve taleep soghan soghan, tagham ŋgar taghe lupuuŋ toit mon ta iduduuŋ kat ila Maaron maata,

Galesia 5:12

Yes tau tikau ŋgar tsiam ve tiyaryaaŋ pa ravuuŋ waromim na, yau naghe tipaal tauzi lambezi paam, o poia!

1 Korin 11:19

Ŋgar tsiam tau avavalaghi gham, ene poia mako. Eemon ŋgar tauvene aat ivot. Leso tawatagh: Sei ta Krisi tamtamon tooni ve ŋgar tooni iduduuŋ ila i maata. 1Yo 2:19

2 Korin 13:2

Saawe tau nalat naleep tomani gham imin pai ru, yau nasaav ariaaŋ payam naghe ayamaan gham pa ŋgar tau aghamghamu na. Ve aazne, naleep malau, ve nayol aliŋag muul. Isaav ighe namuul nalat, ve naghita yes tau muuŋ tigham sosor na titoor ŋgar toozi soone, ene irau naghurghur zi mako. Pale naghur pataŋani pazi. Ve yes mon mako. Tamtamon siriv tau aazne tighamgham sosor na paam, irau naghurghur zi mako.

2 Petrus 2:1

Alooŋ. Muuŋ, zeran siriv tau tileep ila yes Israela sosozi na, titoom tighe yes propet to Maaron, ve tikau ŋgar to tamtamon. Ŋgar raraate mon pale ivot payam paam. Tauvene ayamaan gham. Pa zeran siriv tau tileep ila sosomim na, pale tiburig ve tighe tipaghazoŋai gham pa Maaron aliiŋa. Eemon uraat toozi tawe, ŋgara ŋgozaaŋ ighengheen. Yes pale tivotia ŋgar karom tau isapir pa saveeŋ onoon, ve ivaghamunia tamtamon ghuruuŋ ila toozi. Ve Tiina toozi tau ighol sosor toozi atuya leso igham zi timin le na, yes pale tighur murizi pani paam. Tauvene yes pale tighamgham tauvene ila le Maaron ivaghamun zi rekia mon gha tilalez. Mt 7:15, 24:11; Mbaŋ 20:29, Jud 4