Titus 2:12 - Maaron Saveeŋ Tooni Patabuyaaŋ Tuam

¹² Poia tooni tau izaa toit, ene ipaduduuŋ ghiit, leso tataghon ŋgar tauvene: Ŋgar isov tau itaghon Maaron ŋgar tooni mako, tomania ŋgar sasaghati naol to taan tau loloon ighaar pazi ne, iit aat taghur muriin pazi, ve tapul zi tileplez. Ve saawe tau taleep izi taan, iit aat taŋgin tauun poi, tagham ŋgar duduuŋa, ve tataghon Maaron ŋgar tooni. Ep 1:4; 1Pe 1:15; 1Yo 2:15+

Mutu (Oov)

¹² Poia toni to iza toit, nene ipatooŋ ghiit, leso tataghon ŋgar tovene: Ŋgar isob to itaghon Maaron ŋgar toni maau, toman ŋgar samsamia naol to taan to lolood igham padi, iit irau taghur muriid padi ve tapul di tineepledi. Ve sawa to taneep izi taan, iit irau taŋgin tauud pooi, tagham ŋgar deŋia, ve tataghon Maaron ŋgar toni. Ep 1:4; 1Pe 1:15; 1Yo 2:15+

Titus 2:12 Referans Kwoze

Matayu 16:24

Ra Yesu isaav pa mbiwa tooni tauvene: “Isaav ighe tamtamon eta ighe imin leg ve itaghon eez tsiau, i aat itatan tauu, ibaad ai pambarooŋ tooni, ve ilam itaghon ghau. Mt 10:38; Lu 14:27

Rau Tau Paulus Iboode Pa Yes Roma Rom--Romans 6:19

Aazne, nasavia eez to Krisi izaa to ŋgar tau yes besooŋa tighamghamu na, leso iraurau payam to agham ŋgar pani. Aghita. Muuŋ, yam apul anoŋamim siriv siriv timin besooŋa pa ŋgar saghati. Tauta amalaaŋ pa tutuuŋ to Maaron, ve agham ŋgar naol tau iŋgalaaŋ mako. Ve aazne, yam aat ataghon ŋgar raraate, ve apul anoŋamim siriv siriv tisov timin besooŋa pa ŋgar duduuŋa to Maaron. Leso amin i le kat, ve ataghon ŋgar patabuyaaŋ mon. Ro 12:1

2 Petrus 2:9

Gabua naol tane ipaghazoŋai ghiit ighe yes tau matazi iŋgal Maaron ve titaghon eez tooni na, isaav ighe tovaaŋ eta ivot pazi, ene Maaron iwatagh eez to igham mulin zi pa tovaaŋ tana. Eemon tamtamon tau titaghon ŋgar duduuŋa mako na, yes irau tipasalia tauzi pa Maaron aatyavyav tooni mako. Pasaa, i iwatagh eez to ighur atuya pazi ta aazne, ve ila ila le saawe to Mboŋ Murei, mako tizaa pa atuya toozi duduuŋ. Mbo 34:17+; Ro 1:18; 1Kor 10:13

1 Yoan 2:6

Tauvene isaav ighe tamtamon eta isaav ighe: “Yau namin Maaron le ve naleep tuŋia ila tooni,” na i aat itaghon Krisi aaghe niia irau saawe. Mt 11:29; Yo 13:15; 1Pe 2:21

2 Timoti 3:12

Onoon kat, tamtamon tisov tau tipaak Yesu Krisi ve titaghon duduŋai Maaron ŋgar tooni na, tamtamon pale tighur pataŋani pazi. Yo 15:18+; Mbaŋ 14:22; 1Tes 3:3

Saveeŋ Yoŋgaaŋ 14:12

Tauvene Maaron tamtamon tooni patabuyaaŋa aat tiyooz ariaaŋ pa badooŋ pataŋani. Ene yes tau titaghon tutuuŋ to Maaron, ve tighur ila to Yesu ariaaŋ.”

Lukas 1:75

ve tataghon ŋgar tau patabuyaaŋ ve iduduuŋ mon ila i maata, le irau saawe toit to taan isov.” Ep 4:24; Tit 2:12; 1Pe 1:15

1 Tesalonika 4:7

Maaron ipoi ghiit tamin le to tagham ŋgar saghati mako. I ighe tataghon ŋgar ŋgalaaŋa ve ŋgar patabuyaaŋ imin i tauu. 1Pe 1:15+

Titus 3:3

Pa muuŋ, iit paam takankaan pa Maaron ve taghamgham ŋgar imin borauŋa. Tazorzoor Maaron aliiŋa, ve taghur ila ŋgar karom naol tau ipaghau ghiit pa eez tooni. Saawe tana, iit tamin besooŋa pa ŋgar sasaghati naol to uliin tau loloon ighaar pani na. Ve mataan iŋgalŋgal ŋgar sasaghati naol pa tamtamon, ve taghurghur koi pa zetaanŋa tau lezi gabua katini na, ve tavaghuru koi pa tauun. Ep 2:1+; 1Pe 4:3

1 Tesalonika 4:9

Ve ŋgar to loloon pa toŋvetaz to Krisi, lemai saveeŋ eta to niboode payam mako. Pasaa, Maaron tauu ipaghazoŋai gham pa ŋgar tane gha aghazooŋ pani wa. Tauta lolomim igheen to toŋvetaz tisov to Krisi tau tileep irau taan sirivu to Masedonia na. Eemon nighe nipalot gham pani muul, leso ŋgar tane ivot imin tiina kat ila sosomim. Yo 15:12; Ep 5:2; 1Yo 3:11+

Epesus 2:2

Saawe tana, laghooŋ tsiam, yam ataghon ŋgar to taan, ve aloŋlooŋ Sadan aliiŋa. I daaba to yes avuvu sasaghati tau tilepleep izi sambam saamba, ve ipapazaagh yes tau tizorzoor Maaron aliiŋa. Yo 8:44; Ep 6:12; Kol 3:6+

Rau Tau Paulus Iboode Pa Yes Roma Rom--Romans 12:2

Yes tau titaghon taan ŋgara na, yam apaak zi pa ŋgar toozi muul sov. Apul Maaron itoor ŋgar tsiam ve gabuamim imin paaghu kat. Leso aghilaal ŋgar tau Maaron loolo pani na. Ene ŋgar tau poia kat, ve iduduuŋ mon, ve ighamu loolo poia. Ep 4:23, 5:17; 1Yo 2:15+

Rau Tau Paulus Iboode Pa Yes Roma Rom--Romans 6:12

Yam awatagh: Murei, yam pale amaat. Tauvene apul ŋgar saghati igham pooz payam sov. Pale igherev gham ve ataghon ŋgar saghati tau lolomim ighaar pani na. Mbo 119:133

1 Yoan 2:27

Eemon yam, Krisi igham tauu Avuvu payam, ve Avuvu tana ilepleep tomani gham irau saawe. Tauvene yes tau tizoornugh tighe tipaghazoŋai gham pa Maaron aliiŋa na, lezi uraat eta payam mako. Pasaa, Maaron Avuvu tauu ipaghazoŋai gham pa gabua naol isov. Ve ŋgar tau i ipaghazoŋai gham pani na, ene karom mako. Ene onoon mon. Tauvene yam aat ataghon ŋgar tana, leso aleep tuŋia ila to Krisi irau saawe. Yo 14:26, 16:13+; Hib 8:10+

2 Petrus 3:11

Tauvene murei, Maaron pale ipasov gabua naol isov gha tilalez. Ighe tauvene, na saa ŋgar ta pale ataghoni? Yam aat agham ŋgar patabuyaaŋ mon, matamim iŋgal Maaron ve ataghon eez tooni, asaŋan saawe tana, ve tinimim ibees pa uraat to votiaaŋ vaaru poia. Leso apasulai saawe tana gha ivot rekia. Saawe tana ighe ivot, ene pale yav iyaryaar ve ighan sambam saamba, ve igham gabua naol isov tau tigheen ila sambam saamba na, tireer gha tilalez. Lu 12:36; Tit 2:13

Hibru 8:11

Saawe tana ighe ivot, tamtamon eta irau ipaduduuŋ zeetŋa pa saveeŋ tsiau muul mako. Ve tamtamon eta irau isaav pa toŋvetaz tooni ighe: ‘Oyai, yam awatagh Maaron, o poi!’ vene mako. Pasaa, yes tisov pale tiwatagh katin ghau. Yes tau lezi ezazi mako, ve yes tau ezazi tintiina na paam. Is 54:13; Yo 6:45

1 Timoti 6:17

Yes tau lezi kuaz ma gabua katini to taan na, avom iyaryaaŋ pazi ughe tipakur tauzi sov, ve tinumeer maet ve gabua toozi sov. Pa kuaz toozi tawe, gabua tauu mako. Igheen rigmon, ve isov. Yes irau tinumeer Maaron mon. Pasaa, i ta ighamgham gabua katini pait, leso taleep poi toman tintiniin. Mbo 62:10; Lu 12:15+

1 Timoti 4:12

Onoon, yo ŋeer paghum. Eemon tamtamon matazi tatanin ghom sov. Yo irau umin totoyaaŋ poia ee pa yes tau tighur ila to Krisi na. Saveeŋ tsio tomania gabuam isov aat iduduuŋ mon. Tauvene lolom pa tamtamon ve ugham poghani zi, utotoi ghuruuŋ ila tsio ivot ighazooŋ, ve ugham ŋgar ŋgalaaŋa mon. Leso tamtamon tighita ŋgar tau yo ughamghamu na, ve titaghon ghom. 1Kor 16:10+; Tit 2:7,15; 1Pe 5:3

Kolosi 1:22

Eemon aazne, i ipasov koi tana, ve yamŋa avalupu gham amin eemon wa. Pasaa, i ipul Naatu izilam taan, ve iyamaan yavyavuuŋ ila tiini gha imaat. Tauta ireu sosor tsiam. Leso saawe tau igham gham ala ayooz ila Maaron naagho, Maaron pale ighit gham ighe yam tamtamon tooni patabuyaaŋa. Lemim sosor eta mako, ve lemim saveeŋ eta mako. Ep 1:4, 2:14+; Jud 24

Galesia 5:24

Yes tau timin Yesu Krisi le na, tigham lolozi muŋgaana tomania ŋgar sasaghati naol tau lolozi muŋgaana tawe ipapaghaar zi pani na, ve tiravu izala ai pambarooŋ gha imaat wa. Ro 6:6; Ga 2:20; Kol 3:5

Galesia 1:4

Krisi iyoki tauu gha imaat itaghon Tamaan Maaron loolo, leso ireu sosor toit, ve ipas ghiit pa saghati tapiri tau aazne igheen irau taan. Mk 10:45

2 Korin 7:1

Yam zeran tsiei, lolomai igheen tsiam kat. Aghita. Maaron igham leen saveeŋ mbuaaŋ popoia naol tane. Tauvene ŋgar isov tau ivaghamunia anoŋaan ma anunuun, ve igham ghiit tasaghat ila Maaron maata na, tapuliir zi tileplez. Ve taroi pa Maaron, ve taghur tauun tamin i le kat, ve tataghon ŋgar patabuyaaŋ mon imin i tauu. 1Tes 4:7; Hib 10:22; 1Pe 1:15; 1Yo 3:3

2 Korin 1:12

Gabua tiina ee tau yei nipakur ghei pani, ene vene: Niyamaan ila lolomai nighe: Ŋgar tau nighamghamu irau nugh nugh ne, nitaghon ŋgar tau tamtamon to taan tipaiti ne mako. Poia to Maaron, tauta ipapaburigin ghei gha nibesbees pani toman lolomai eemon, ve nighamgham ŋgar tau iŋgalaaŋ ila i maata. Ve ŋgar tane, yei nitotoi katini payam. 1Kor 1:17, 2:4, 13; 2Kor 2:17; 1Tes 2:10

Rau Tau Paulus Iboode Pa Yes Roma Rom--Romans 8:13

Pa ighe ataghon ŋgar to lolomim muŋgaana, ene pale amatmaat gha alalemim. Ve isaav ighe agham tapirimim ila to Avuvu Patabuyaaŋ ve aravrav matin ŋgar sasaghati to lolomim muŋgaana, ene pale agham lepoogh poia ila to Maaron. Ro 6:23; Ga 5:24, 6:8; Kol 3:5+

Uraat To Yes Mbaŋooŋa 24:25

Paulus ipaghazoŋai Feliks pa ŋgar duduuŋa, ŋgar to ŋginiiŋ tauun poi, ve gabizooŋ ve ghuruuŋ atuya tau pale Mboŋ Murei ivot. Feliks ilooŋ saveeŋ tana le iroi. Tauvene irav motin saveeŋ ighe: “Poia. Imuul ta sene. Umuul ula, ve naghita saawe poia eta, o nambaaŋ payo umuul ulam, ve tavasavo ghiit muul.”

Uraat To Yes Mbaŋooŋa 24:16

Tauta saawe isov, yau nazuari ghau naghe le lolog tomania ŋgar tsiau isov iŋgalaaŋ mon ila Maaron maata, ve tamtamon matazi paam. Mbaŋ 23:1; 2Kor 1:12; 2Tim 1:3

1 Yoan 5:19

Ve iit tawatagh: Iit tamtamon to Maaron. Eemon eval tiina to taan, yes tileep ila Ŋeer Saghati niima, ve i ighamgham pooz pazi.

Epesus 1:4

Aghita. Iit tau tapaak Krisi ve taleep ila tooni na, muuŋ kat, saawe tau Maaron ighur sambam ve taan soone, i isiigh ghiit ighe igham ghiit tamin i le. Leso tamin tamtamon tooni patabuyaaŋa, ve leen sosor eta ila i maata mako. Ro 8:28+; Kol 1:22; 2Tes 2:13; 2Tim 1:9

Yoan 14:30

Saveeŋ tau nasasavia payam ne, irau naseeŋga ila malau geeg mako. Pasaa, ŋginiiŋ to taan tane ilam igharau wa. I tapiri irau ghau mako, ve yau naleep ila i saamba mako.

Yoan 6:25

Eval tiina tana tilam tilooŋ yaa naliu ziige ite, ve tindeeŋ Yesu ta sewe. Tauvene tighasoni tighe: “Mos puughu, ulam sene ŋeez?”

Lukas 1:6

Yesuru tamtamon duduŋazi. Lezi sosor eta ila Maaron maata mako. Saawe isov, matazi kisin tutuuŋ to Ŋeer Tiina tomania tutuuŋ ŋgara, ve titaghon duduŋaini.

Rau Tau Jud Iboode Jut--Jude 1:18

Yes tisaav payam tighe: “Saawe murei ighe ivot, ene pale tamtamon matazi iŋgal Maaron mako, ve titaghon ŋgar sasaghati naol tau lolozi ipazaagh zi pani na, ve tivelegh Tiina toit.” Mbaŋ 20:29+; 2Tim 3:1; 2Pe 2:1, 3:2+

2 Timoti 4:10

Pasaa, gabua to taan tane irav Demas maata gha ipul ghau, ve ighau ila pa nugh Tesalonika wa. Ve Kresenes, i ila pa taan sirivu to Galesia, ve Titus paam ila pa taan sirivu to Dalmatia wa. Kol 4:14; 1Yo 2:15

Matayu 12:32

Tauvene isaav ighe ŋeer eta isavia saveeŋ saghati iŋarui Tamtamon Naatu, ene Maaron irau ireu sosor tooni. Eemon isaav ighe ŋeer eta isavia saveeŋ saghati iŋarui Avuvu Patabuyaaŋ tomania uraat tooni, ene sosor tauvene, Maaron aat irau ireua mako. Aazne, ve saawe to Mboŋ Murei paam, i irau ireua mako.”

1 Timoti 6:9

Yes tau ŋgar toozi iyaryaaŋ tighe timin kuaz tauŋa na, ŋgar toozi tawe imin liis pazi, ve imin eez to tovaaŋ naol ivot pazi. Pasaa, ikau ŋgar toozi ve ipazaagh zi pa ghamuuŋ ŋgar naol imin borauŋa, ve tigham ŋgar katini tau ivaghamun tauzi. Tauvene murei pale saghatiiŋ tiina ivot pazi gha tilalez. Mt 13:22; Yems 5:1

Yakobus 1:27

Ve besooŋ tau le sosor eta igheen ila mako, ve iŋgalaaŋ mon ila Tamaan Maaron maata, ene vene: Tala tagig yes parooŋa tomania zinaara, ve tauul zi pa pataŋani toozi, ve taleep soghan pa ŋgar sasaghati to taan tau igham ghiit tasaghat ila Maaron maata. Mt 25:35+; Ro 12:2; 1Yo 2:15