Saveeŋ Yoŋgaaŋ 21:21 - Maaron Saveeŋ Tooni Patabuyaaŋ Tuam

²¹ Didiiŋ atamana saŋavul ve ru, ene tigharaat zi pa gabua saŋavul ve ru imin ŋgool maata tau milmilia kat ve atuyazi tintiina. Ve eez tau itaghon nugh loolo, ene tigharaata pa gol tau poia kat ve ŋgalaaŋa imin galas.

Mutu (Oov)

²¹ Didiiŋ ataama saaŋgul ve ru, tigharaat di pa mbeb saaŋgul ve ru tinimale ŋgool atulu to milmilia kat ve atiadi tintina. Ve ataam to itaghon ndug lolo, tigharaata pa gol to poia kat ve ŋgalaaŋa inimale galas.

Saveeŋ Yoŋgaaŋ 21:21 Referans Kwoze

Saveeŋ Yoŋgaaŋ 21:18

Didiiŋ tana, tigharaata pa maet yaspa. Ve nugh tiina, ene tigharaata pa gol tau milmilia ve ŋgalaaŋa kat imin galas.

Saveeŋ Yoŋgaaŋ 17:4

Livaa tawe inonogh ghi pa nonoghiiŋa poia kat tau ŋgereeta aindan ve siŋsiŋai. Ve itiik tauu pa gabua popoiazi naol imin gol, maet milmilia siriv ve ŋgool maata. I ikis rubruub ee tau tigharaata pa gol. Rubruub tawe, ivon pa ŋgar sasaghati naol, ve ŋgar to ghuruuŋ boog tau livaa tana ighamghamu. Ŋgar tauvene iŋgalaaŋ ila Maaron maata mako. Saghati kat.

Saveeŋ Yoŋgaaŋ 22:2

Yaa tana ireer itaghon bodbodaaŋ to eez tiina tau itaghon nugh loolo na. Ve ai to lepoogh maata yaryaare iyooz ila yaa tana ziige ru. Ndaman tisov, ai tawe iyanooŋ pai saŋavul ve ru. Tauvene anooŋa ivotvot irau kaiyo ta naol ne. Ve raua, ene to igharaat nughmariŋ, leso tileep poia. Gnp 2:9, 3:22; Ezek 47:12; Syg 2:7

Saveeŋ Yoŋgaaŋ 18:16

“Oyai, ukaria taum wa! Aa nugh tiina, ukaria taum gha usaghat kat! Muuŋ, yo unonogh ghom pa nonoghiiŋa popoiazi kat tau ŋgeretazi pisosooŋa, aindan, ve siŋsiŋai. Ve utiik taum pa gabua maata maata tau tigharaat zi pa gol, ŋgool maata, ve maet popoia siriv tau atuyazi tintiina.

Saveeŋ Yoŋgaaŋ 4:6

Ve gabua ite igheen ta sewe paam. Ghitooŋa imin te. Tigharaata pa galas tau ŋgalaaŋa kat. Ve gabua matazi yaryaare paaŋ tiyooz livutin Maaron niia to ghamuuŋ pooz. Gabua paaŋ tawe, matazi katini, irau anoŋazi dodoli. Matazi igheen pa naghozi ve murizi paam. Ezek 1:5+; Is 6:1-3

Saveeŋ Yoŋgaaŋ 21:15

Aŋela tau isavsaav payau na, i le ai milmilia ee to tovaaŋ gabua, leso itoov nugh tawe tomania didiiŋ tau ilivuti na, ve atamana.