Saveeŋ Yoŋgaaŋ 2:12 - Maaron Saveeŋ Tooni Patabuyaaŋ Tuam

¹² “Aŋela tau iŋgin lupuuŋ tsiau tau tileep izi nugh Pergamum na, ubood saveeŋ ila pani tauvene: ‘Ŋeer tau aliiŋa ilat payo na, mbuzaagh tooni maata kat. Ve mbuzaagh tawe, maata ru. I isaav payo ighe: Syg 1:16

Mutu (Oov)

¹² “Aŋela to iŋgin lupuuŋ tiou to tineep izi ndug Pergamum, umbood saveeŋ ila pani tovene: ‘Ŋgeu to aliŋa ilat payom, buza toni mata kat. Ve buza tonowen, ye mata ru. Ye isaav payom ighaze: Syg 1:16

Saveeŋ Yoŋgaaŋ 2:12 Referans Kwoze

Saveeŋ Yoŋgaaŋ 2:16

Tauvene utoor ŋgar tsio. Ighe mako, yau pale nalat tsio rekia mon, ve naparav tomania zeran tawe pa mbuzaagh tau igheen ila avog ne. Syg 1:16, 19:15,21

Saveeŋ Yoŋgaaŋ 1:16

I ikis pitum liim ve ru ila niima tapir, ve mbuzaagh ee igheen ila aavo. Mbuzaagh tooni, maata kat. Ve mbuzaagh tawe, maata ru. Ŋeer tawe naagho isul imin aaz tau ighaaz kat. Mt 17:2; Ep 6:17; Hib 4:12

Hibru 4:12

Maaron aliiŋa, ene saveeŋ maata yaryaare, ve ighamgham uraat toman tapiri tiina. Ve saveeŋ tooni, ene maata kat. Iliiv mbuzaagh tau maata ru na. Tauta iŋgalŋgal katin loloon, ve ipaghazoŋai ŋgar isov tau igheen ila loloon ne gha ivot ighazooŋ. Leso taghilaal ŋgar sindei ta ivot ila to Maaron Avuvu, ve ŋgar sindei ta ivot ila tauun ŋgar toit mon. Ep 6:17; Syg 1:16

Saveeŋ Yoŋgaaŋ 19:21

Gabua ru tawe zaaba toozi paam, ŋeer tau ileep izala hos pisosooŋa paavo na, irav zi pa mbuzaagh tau igheen ila aavo, le tisov timataar. Ra man tisov tiroov tila, ve timbutur izala pavozi, ve tighan tighan le apozi isuŋ.

Saveeŋ Yoŋgaaŋ 19:15

Ŋeer tau imuuŋ pazi na, mbuzaagh ee tau maata kat igheen ila aavo. Leso irav tamtamon to nugh nugh pani. Ve i aat iŋgin zi ve igham pooz pazi. Ve pooz tooni, ene ariaaŋa kat. Tauvene i aat ivaghaaz zi ila aaghe saamba, ve siŋ toozi ireer imin vaen tau tivaghaaza gha suuru izi. Leso itotoi aatyavyav to Maaron saksaki tau ighamgham pooz pa gabua naol isov na. Syg 1:16, 12:5, 14:19+

Saveeŋ Yoŋgaaŋ 1:11

Isaav ighe: “Gabua tau yo ughit zi ne, ubood zi ila rau, ve uyambaara ila pa lupuuŋ liim ve ru to Krisi tau tileep izi nugh tane: Epesus, Smerna, Pergamum, Tiatira, Sardis, Piladelpia, ve Laodisia.”

Saveeŋ Yoŋgaaŋ 2:1

Ŋeer tawe isaav payau muul ighe: “Aŋela tau iŋgin lupuuŋ tsiau tau tileep izi nugh Epesus na, ubood saveeŋ ila pani tauvene: ‘Ŋeer tau ikis pitum liim ve ru ila niima tapir, ve ilaghlaagh ila lam aia milmilia liim ve ru sosozi na, aliiŋa ilat payo ighe: