Saveeŋ Yoŋgaaŋ 14:14 - Maaron Saveeŋ Tooni Patabuyaaŋ Tuam

¹⁴ Ra matag ila le naghita taitai pisosooŋa, ve ŋeer ee mboole izala paavo. Ŋeer tawe, naagho imin Tamtamon Naatu, ve moghar ndamoonda to kinik igheen ila daaba. Moghar tawe, tigharaata pa gol. Ve i ikis mbuzaagh kooka ee tau maata kat. Ezek 1:26; Dan 7:13; Mk 13:26+

Mutu (Oov)

¹⁴ Ghoro matag ila le naghita yaghur tae pisosooŋa, ve ŋgeu eez mbole izala pogho. Ŋgeu tonowen, nagho inimale Tamtoghon Natu, ve moghar to kinik ineep ila daba. Moghar tonowen, tigharaata pa gol. Ve ye ikis buza kooka eez to mata kat. Ezek 1:26; Dan 7:13; Mk 13:26

Saveeŋ Yoŋgaaŋ 14:14 Referans Kwoze

Saveeŋ Yoŋgaaŋ 1:13

ve ŋeer ee iyooz ila bodbodaaŋ to lam aiazi tawe. Naagho imin Tamtamon Naatu. I inonogh ghi pa nonoghiiŋa malaua tau ipoon avaara le ila ipas aaghe puughu. Ve gabua milmilia tau tigharaata pa gol na ilivut gargari.

Hibru 2:9

Eemon Yesu, o iit taghita. I iparav ariaaŋ le iliiv. Tauta aazne, Maaron ipakuru, ve igham eeza ivot imin tiina kat. Saawe tuuku tau Yesu ileep izi taan, Maaron itatan eeza ve ighuru izi rig pa yes aŋela. Pasaa, i ighe igham poghani ghiit ve igham mulin ghiit pa mateegh. Tauta Yesu igham iit tasov niaan, ve igham yavyavuuŋ tiina, ve imaat. Pil 2:7+; 1Yo 2:2; Syg 5:9

Lukas 21:27

Mako tamtamon matazi izala le tighita Tamtamon Naatu ileep ila taitai loolo, ve izilam toman tapiri ve mbonari tiina kat. Dan 7:13; Mt 26:64; 1Tes 4:16+

Matayu 17:5

Petrus isavsaav soone, ve taitai tau milmilia, izi le ikau zi. Ra tilooŋ Maaron aliiŋa ivot ila taitai tawe loolo ighe: “Ena yau taug natug tau lolog igheen tooni, ve igham ghau lolog poia kat. Alooŋ aliiŋa ve ataghoni.” Igham 40:34+; Mbo 2:7; Mt 3:17

Saveeŋ Yoŋgaaŋ 6:2

Ve matag ila le naghita hos pisosooŋa ee. Ŋeer tau ilandoova na ikis paneegh, ve tigham le moghar ndamoonda ee. Pasaa, i iparav ariaaŋ toman koiŋa siriv ve iliiv zi wa. Tauta ila ighe iparav muul. Sek 1:8+; Syg 19:11

Saveeŋ Yoŋgaaŋ 1:7

Aghita. I pale ileep ila taitai ve ilam, ve tamtamon tisov tighita pa matazi. Yes tau tiravu imaat na, pale tisov tighita paam. Tauvene nughmariŋ to taan pale tighita, ve titaŋ tiina. Onoon kat. Gabua tane pale ivot. Dan 7:13; Sek 12:10; Mt 24:30

Saveeŋ Yoŋgaaŋ 20:11

Ra matag ila le naghita Maaron ileep ila niia to ghamuuŋ pooz. Niia tawe, pisosooŋa ve tiina kat. Ve taan tomania gabua naol isov to sambam saamba tighe tighau pa i maata. Eemon lezi nugh eta to tiyooŋ pani mako. Mt 25:31+; 2Pe 3:7,10+

Saveeŋ Yoŋgaaŋ 19:12

Maata imin yav yaama. Ve moghar ndamoonda katini to kinik tighenaar ila daaba. Ve tibood eeza ila tiini pataghaaŋ wa. Eeza tawe, tamtamon ite paam iwatagh puughu mako. I tauu mon ta iwataghi. Dan 10:6; Syg 1:14, 2:18

Saveeŋ Yoŋgaaŋ 11:17

“O Maaron, Tiina tsiei, yo saksakim ve uŋgin gabua naol isov. Yo uleep muuŋ geeg ve ilam. Yei lolomai poia payo, ve nipait ghom. Pasaa, tapirim tiina tomania pooz tsio, tauta utotoia ivot ighazooŋ wa. Mbo 93:1, 97:1+, 99:1; Syg 1:4,8

Saveeŋ Yoŋgaaŋ 10:1

Ra matag ila le naghita aŋela ariaaŋa ite tau ileep sambam ve izilam. Taitai ikauu imin nonoghiiŋa tooni, ve taliŋbuuz igheen izala daaba paavo. Naagho isul imin aaz maata. Ve aaghe ru, ene imin rir tintiina tau yav ighanghan ila. Ezek 1:28; Mt 17:2; Syg 1:15+

Markus 4:29

Saawe tau wit imatuugh, ŋeer tana rekia mon ila toman mbuzaagh, ve irav motmotin zi. Pasaa, saawe to mariri, tauta ivot wa.” Syg 14:15+

Matayu 13:30

Apul zi tigheen tomania wit tauu le saawe to mariri ivot, o nasaav pa uraata tsiau to tila tikuruv wit olia tawe, ve tiyau zi tila tilup zi, leso tisik zi tila yav. Mako tindou poghania wit tauu anoŋazi, ve tighur zi iloŋ ila ruum tsiau to aniiŋ.’ ” Mt 3:12