Saveeŋ Yoŋgaaŋ 1:5 - Maaron Saveeŋ Tooni Patabuyaaŋ Tuam

⁵ Yesu Krisi, i loolo eemon, ve ipariaaŋ saveeŋ onoon. Leso tamtamon tighur ila. I ta iburig pa mateegh imin maata. Ve i ta imuuŋ pa gabua naol isov, ve iŋginiir kinik tisov to taan. I loolo igheen toit kat. Tauta siŋ tooni imaliŋ pa sosor toit, ve ipas ghiit tavot pa saghati tapiri. Mbo 89:27; Yo 18:37; 1Kor 15:20; Syg 19:16

Mutu (Oov)

⁵ Yesu Krisi, ye lolo ee moghon, ve ipariaaŋ saveeŋ onoon. Leso tamtoghon tighur ila. Ye to imundig pa mateeŋ muuŋ. Ve ye imuuŋ pa mbeb to naol ne, ve iŋgin kinik tisob to taan. Ye lolo pait kat. Tauto siŋ toni imaliŋ ve imaat pa sosor toit, ve ipas ghiit tavot pa samia tapiri. Mbo 89:27; Yo 18:37; 1Kor 15:20; Syg 19:16

Saveeŋ Yoŋgaaŋ 1:5 Referans Kwoze

Hibru 9:14

Ighe tauvene, Krisi siŋ tooni iliiv kat pa gabua tawe. Pasaa, Avuvu Patabuyaaŋ tau ilepleep irau saawe na, tapiri ipaloti, ve iyoki tauu gha imaat imin watooŋrau pa Maaron leso ireu sosor toit. Watooŋrau tooni tawe, poia le poia kat. Sosor eta ipaako mako. Tauvene siŋ tooni le tapiri tiina. Irau imin loloon ve tayamaan taghe taŋgalaaŋ kat ila Maaron maata. Ve tapul ŋgar tau ighegherev ghiit pa mateegh na, leso tabees poi pa Maaron maata yaryaare. Tit 2:14; Hib 10:22; 1Yo 1:7

1 Yoan 1:7

Ve isaav ighe laghooŋ toit, tataghon ghazooŋa to Maaron imin i tauu ilepleep ila ghazooŋa tooni loolo, ene aat itiŋa tavalupu ghiit tamin eemon, ve Maaron Naatu Yesu siŋ tooni irewaar sosor toit isov ilale, ve igham ghiit taŋgalaaŋ ila Maaron maata. Ep 1:7; Hib 9:14; Syg 7:14

Saveeŋ Yoŋgaaŋ 17:14

Ve yesŋa gabua saghati pale tilup zi ve tiparav tomania Sipsip to Maaron ve tamtamon tooni. Eemon pale tirao mako. Sipsip to Maaron pale iliiv zi. Pasaa, i tiina iliiv zimaronŋa tisov. Ve i kinik tiina tau iliiv kinik tisov. Tamtamon tooni, ene yes tau i tauu isiigh zi, ve ipoi zi timin i le, ve tikis ghuruuŋ ila toozi ariaaŋ.” 1Tim 6:15; Syg 16:14, 19:19

Kolosi 1:18

I imin daaba pa lupuuŋ tooni ve ighamgham pooz pazi. Ve yes timin i anooŋa. I ta iburig pa mateegh imin maata. Tauta imin puughu pa burigiiŋ to yes mateegha. Gabua naol tane igham Krisi eeza ivot imin tiina le iliiv gabua naol isov. 1Kor 15:20,23; Ep 1:22+

1 Petrus 1:19

Gabua tawe, ene Krisi tauu siŋ tooni tau iliiv kuaz ta naol ne. I, tiravu imaat imin sipsip naatu tau poia le poia kat. Gabuaaŋa eta isaghat mako. Igham 12:5; Yo 1:29+; 1Kor 5:7; Syg 5:9

Uraat To Yes Mbaŋooŋa 26:23

Mesia aat iyamaan yavyavuuŋ ve imaat, ve iburig pa mateegh imin maata. Mako ivotia ghazooŋa to Maaron pa tamtamon. Yes Israela, ve nugh nugh tau Yuda mako na paam.” 1Kor 15:20, 23; Kol 1:18

Saveeŋ Yoŋgaaŋ 19:16

Ŋeer tana, tibood eeza ila nonoghiiŋa tooni ve ila ŋgoi paam tauvene: ‘Kinik Tau Iliiv Kinik Tisov,’ ve ‘Maaron Tiina Tau Iliiv Zimaronŋa Tisov.’ 1Tim 6:15; Syg 17:14

1 Yoan 4:10

Ŋgar to loloon pa Maaron ve tamtamon, iit tataghoni irao mako. Eemon Maaron, i loolo pait kat. Aghita. I imbaaŋ Naatu anooŋa eemon izilam taan, ve imaat imin watooŋrau to ireu sosor toit ve itatan aatyavyav to Maaron. 1Yo 2:2

Yoan 18:37

Piladus ilooŋ saveeŋ tooni, ve ighasoni muul ighe: “Ighe tauvene, na yo aat kinik taa?” Yesu iyol aliiŋa ighe: “Ene onoon. Saveeŋ tauta taum usavia na. Eemon yau kinik imin yo ugham ŋgar pani ne mako. Yau nazilam taan to napariaaŋ tamtamon to tighur ila saveeŋ onoon. Tinaŋ ipoop ghau pa puughu tane. Tauvene tamtamon tisov tau lolozi pa taghoniiŋ saveeŋ onoon, ene aat tilooŋ aliŋag ve titaghoni.” Yo 8:47

Saveeŋ Yoŋgaaŋ 3:14

“Aŋela tau iŋgin lupuuŋ tsiau tau tileep izi nugh Laodisia na, ubood saveeŋ ila pani tauvene: ‘Ene saveeŋ to ŋeer tau ighe: “Onoon” pa saveeŋ mbuaaŋ naol isov to Maaron, ve igham anoŋazi ivot ila uraat tooni. I iyooz ariaaŋ ve ipariaaŋ saveeŋ onoon toman loolo eemon. Ve i imin puughu pa gabua naol isov tau Maaron ighur zi na. Aliiŋa ilat payo ighe: Yo 1:3+; 2Kor 1:20; Kol 1:15+

Saveeŋ Yoŋgaaŋ 7:14

Yau nayol aliiŋa naghe: “Tiina, yo uwatagh zi.” Ra i isaav payau muul ighe: “Saawe tau tighur pataŋani tiina pa Maaron tamtamon tooni, zeran tawe tiyooz ariaaŋ, ve tiliiv tovaaŋ tau ivot pazi na. Yes timin nonoghiiŋa toozi pa Sipsip to Maaron siŋ tooni, tauta tiŋgalaaŋ ve tipisosooŋ kat. Is 1:18; Mk 13:19+; Hib 9:14; 1Yo 1:7

Matayu 28:18

Tauvene Yesu iŋarui zi ila, ve isaav pazi ighe: “Tamaŋ Maaron ighur gabua naol isov to sambam ve taan ila yau sambag wa, ve yau ezag pa ŋginiiŋ zi. Dan 7:13-14; Yo 13:3; Ep 1:20+

1 Timoti 6:15

Muleeŋ tooni pale ivot ila saawe tau Maaron tauu ighuru. Maaron toit, i poia puughu. Ve i mon tau tapiri tiina ve ighamgham pooz. I kinik tiina kat tau iŋgin kinik tisov, ve iliiv zimaronŋa tisov. 1Tim 1:17; Syg 17:14, 19:16

Epesus 2:4

Saawe tana, iit taleep imin yes mateegha. Leen ŋgar pa Maaron mako, ve irau tagham ŋgar poia eta mako. Saawe isov, tamamalaaŋ pa Maaron tutuuŋ tooni. Eemon Maaron, i poia puughu, ve loolo isaghatin ghiit. Ve loolo igheen toit kat ve ighe igham poghani ghiit. Tauta igham mulin ghiit itaghon tauu loolo ve poia tooni, ve ipaburigin ghiit tomania Krisi gha tagham lepoogh paaghu ila tooni. Yo 3:16; Kol 2:12+; Tit 3:4+

Uraat To Yes Mbaŋooŋa 20:28

“Matamim imomoos poi pa taumim, ve aŋgin poghania sipsip tisov to Maaron tau Avuvu Patabuyaaŋ ighur gham amin ŋginiiŋ pazi na. Yam irau aŋgin poghania lupuuŋ to Maaron. Pa siŋ to tauu Naatu imaliŋ pazi, ve i igham zi timin le wa. 1Tim 4:16; 1Pe 1:18+, 5:2+; Syg 5:9

Galesia 2:20

Tauvene lepoogh tsiau tau aazne naghamu izi taan, ene taug naŋgini muul mako. Krisi tau ilepleep ila lolog ne, tauta iŋgin lepoogh tsiau. Tauvene yau naghur ila to Maaron Naatu tau ighur loolo payau kat, ve ipul tauu gha imaat payau. Ghuruuŋ ila tsiau tane, tauta aazne ighamgham pooz payau pa lepoghag to taan. Ro 6:6,11, 7:6; 2Kor 5:15

Saveeŋ Yoŋgaaŋ 11:15

Mako aŋela imin liim ve ru, aana iviv tavuur tooni, ve nalooŋ eval tiina tau tileep izi sambam we tisaav toman aliŋazi tiina tighe: “Aa ŋgarig gha ŋgar saghati tau muuŋ ighamgham pooz pa taan na tapiri isov, ve gabua naol isov titaghon pooz to Maaron toit ve Mesia tooni. Ve i aat ighamgham pooz tauvene irau saawe!” Igham 15:18; Mbo 10:16; Syg 10:7

1 Timoti 6:13

Maaron, i imin puughu pa gabua naol isov tau tileep matazi yaryaare. Ve Yesu Krisi, i iroi mako, ve ivotia tauu ighazooŋ ila Pontius Piladus naagho. Yau avog iyaryaaŋ payo ila yesuru matazi tauvene: Ugham ŋgar saghati eta tau irau igham tamtamon tiyau avozi pa lupuuŋ to Krisi sov. Tutuuŋ tau nasavia payo ne, matam kisini ve utaghon duduŋaini lee irau saawe tau Tiina toit Yesu Krisi imuul ilam, ve itotoi tauu ivot ighazooŋ.

1 Korin 6:11

Muuŋ, yam siriv ataghon ŋgar tauvene paam. Eemon aazne, ila uraat to Yesu Krisi, Maaron Avuvu igham uratoi gham. Tauta Maaron igham gham aŋgalaaŋ, ve amin tamtamon tooni patabuyaaŋa, ve aduduuŋ ila i maata wa. 1Kor 1:2; Ep 2:1+; Kol 3:7+; Tit 3:3+

Yoan 15:9

Yau lolog igheen tsiam raraate imin Tamaŋ loolo igheen tsiau. Matamim kisin ŋgar tsiau tane, ve aleep iloŋ ila irau saawe.

Yoan 13:1

Saawe to lupuuŋ tiina to Pasova igharau ighe ivot. Yesu iwatagh: Saawe tooni to ipul taan ve imuul izala pa Taama, ene ilam igharau wa. Muuŋ ve ilam, i ighur loolo kat pa tamtamon tooni tau tileep izi taan. Ŋgar tawe, i itaghoni ila ila le saawe to mateegh tooni, ra itotoia ivot ighazooŋ kat. 1Yo 3:16

Rau Tau Paulus Iboode Pa Yes Roma Rom--Romans 8:37

Eemon pataŋani naol tane irau tivaghamun ghiit mako. Pasaa, Krisi loolo igheen toit kat, ve igham ghiit taliiv zi. Yo 16:33; 1Kor 15:57; 2Kor 2:14; 1Yo 4:4; Syg 12:11

Yoan 13:34

Alooŋ. Aazne, yau nasavia tutuuŋ paaghu payam tauvene: Lolomim pa taumim ve avaghamu poghani gham. Lolomim pa taumim kat, imin yau lolog igheen tsiam. Mk 12:31; Yo 15:12+; 1Pe 1:22; 1Yo 3:11

Yoan 3:32

Gabua tau ŋeer to sambam tawe ighita ve ilooŋa, tauta isavia. Eemon tamtamon tighur ila saveeŋ tooni mako. Yo 1:10+, 3:11, 12:37+

Yoan 3:11

Onoon kat, yau nasaav payo. Gabua tau yei nighita pa taumai matamai ve niwatagh katini, tauta nisavia ve nipariaaŋ saveeŋa. Leso tamtamon tighur ila. Eemon yam Yuda aghur ila saveeŋ tsiei mako. Yo 1:11, 12:49

Matayu 20:28

Leso itaghon Tamtamon Naatu ŋgar tooni. Aghita. I ilam to tamtamon tibees pani ne mako. I ilam imin besooŋa to iuul tamtamon, ve iyoki tauu gha imaat pa eval tiina. Leso ighol atuya to sosor toozi, ve ipas zi pa saghati tapiri.” Pil 2:7; 1Tim 2:6

Yoan 3:16

“Pasaa, Maaron loolo igheen kat to tamtamon to taan. Tauta ipul Naatu eemon izilam taan gha imaat pazi. Leso tamtamon tisov tau tighur ila tooni na, tilalez sov, ve tigham lepoogh poia ila to Maaron taghon taghon gha ila. Yo 10:28; Ro 5:8, 8:32; 1Yo 4:9+

Rau Tau Paulus Iboode Pa Yes Roma Rom--Romans 3:25

Maaron ighur Krisi to imaat imin watooŋrau, leso siŋ tooni ireu sosor to tamtamon ve itatan aatyavyav to Maaron. Tauvene yes tau tighur ila tooni na, i aat ireu sosor toozi isov ilale. Yes tau muuŋ tigham sosor na paam, Maaron loolo isaghatin zi, tauta ivaghamun zi mako ve ipul zi tileep. Ŋgar tooni tawe, ene iduduuŋ. Pasaa, i iwatagh ighe murei Naatu pale ibaad sosor toozi atuya. Mbaŋ 13:38+; 2Kor 5:19; Kol 1:20

Hibru 10:29

Laak, isaav ighe ŋgar tauvene ivotvot pa yes tau matazi veleghin tutuuŋ to Mose, ene pale mindai pa tamtamon tau ighe maata veleghin Maaron tauu Naatu? I pale igham atuya tau saghati le saghati kat. Onoon, Krisi siŋ tooni imaliŋ, leso ipariaaŋ saveeŋ mbuaaŋ to eez paaghu, ve igham ŋeer tana imin Maaron le. Eemon ŋeer tana ivelegh siŋ patabuyaaŋ to Krisi imin kaut sorok, ve maata iveleghin Maaron Avuvu tau poia puughu na. Lo 32:35+; Hib 2:2+ 12:25

Saveeŋ Yoŋgaaŋ 2:13

‘Yau nawatagh: Sadan niia to ghamuuŋ pooz igheen izi nugh tau yo uleep pani na, ve i ighamgham uraat toman tapiri tiina ta sena. Muuŋ, tamtamon tsio ee, eeza Antipas, loolo eemon ve ipariaaŋ saveeŋ tsiau. Iroi mako, ve ighur muuri payau mako. Tauta tiravu imaat izi nugh tsiam. Eemon saawe tana, yo upul ghuruuŋ ila tsio mako. Ve aazne paam, yo ukiskis ezag soone.

Saveeŋ Yoŋgaaŋ 19:11

Ra matag ila le naghita sambam ikaak. Ve naghita hos pisosooŋa ee. Ŋeer ee ileep izala paavo. Ŋeer tawe, tiwaato tighe: ‘Ŋeer to ighamgham ŋgar onoon ve itaghon saveeŋ mbuaaŋ tooni.’ Isaav ighe i igabiiz tamtamon ve ighur atuya pazi, ma igham malmal, ene i itataghon ŋgar duduuŋa mon. Mbo 45:3+, 96:13; Syg 1:5, 6:2