Rau Tau Paulus Iboode Pa Yes Roma Rom--Romans 9:14 - Maaron Saveeŋ Tooni Patabuyaaŋ Tuam

¹⁴ Ighe tauvene, pale tasaav mindai? Maaron ŋgar tooni iduduuŋ mako? Tagham ŋgar tauvene sov. Lo 32:4; Mbo 92:15

Mutu (Oov)

¹⁴ Ighaze tovene, pale tasaav vena? Maaron ŋgar toni deŋia maau? Tagham ŋgar tovene malep. Lo 32:4; Mbo 92:15

Rau Tau Paulus Iboode Pa Yes Roma Rom--Romans 9:14 Referans Kwoze

Saveeŋ Yoŋgaaŋ 16:7

Ve nalooŋ saveeŋ ivot pa artaal ve ilam ighe: “Onoon kat. Maaron, Tiina tsiei, yo saksakim ve uŋgin gabua naol isov. Gabizooŋ tsio ve atuya tau ughuru pa tamtamon, ene iduduuŋ ve onoon mon.”

Rau Tau Paulus Iboode Pa Yes Roma Rom--Romans 3:1

Saveeŋ tsiau tane aat ipaburigin ghasoniiŋ tauvene: Mindai, yes Yuda lezi gabua eta to igham zi tiliiv tamtamon siriv, ma mako? Ve uraat to ravuuŋ warozi paam, iuul zi mindai?

Rau Tau Paulus Iboode Pa Yes Roma Rom--Romans 2:5

Eemon ŋgar tsio iyaryaaŋ kat, ve lolom pa utoora mako. Ŋgar tau yo ughamghamu na, ene imin undoundou lem atuya pa saghati tsio. Mboŋ Murei, Maaron pale itotoi aatyavyav tooni ivot ighazooŋ, ve ighur atuya iyat duduŋai tamtamon eŋaeŋa sosor toozi. Saawe tana, aatyavyav tooni pale iŋarui ghom pa sosor tsio. Ro 1:18; Syg 6:17

Lukas 20:16

I aat ilam ve irav zi tisov timataar, ve ighur uum vaen tooni ila zeran siriv nimazi, leso tiŋgini.” Eval tiina tilooŋ saveeŋ tane, ve tisaav tighe: “Wai, usaav vene sov!” Mbaŋ 13:46, 28:28

Rau Tau Paulus Iboode Pa Yes Roma Rom--Romans 2:11

Pasaa, Maaron ivool to tamtamon eta mako. I ighamgham ŋgar raraate mon pa tamtamon tisov. Ep 6:9; Kol 3:25; 1Pe 1:17

Rau Tau Paulus Iboode Pa Yes Roma Rom--Romans 9:30

Tauvene pale tasaav mindai? Nugh nugh tau muuŋ tizuari zi to tiduduuŋ ila Maaron maata mako, tauta aazne tighur ila to Krisi, ve i igham zi tiduduuŋ ila Maaron maata wa. Ro 1:16+, 3:22, 4:5; Ga 2:16; Pil 3:9