Rau Tau Paulus Iboode Pa Yes Roma Rom--Romans 8:14 - Maaron Saveeŋ Tooni Patabuyaaŋ Tuam

¹⁴ Pasaa, tamtamon tisov tau titaghon pooz to Maaron Avuvu, ta timin Maaron natŋa.

Mutu (Oov)

¹⁴ Pasa, tamtoghon tisob to titaghon pooz to Maaron Avuvu, to tinim Maaron ndinatu.

Rau Tau Paulus Iboode Pa Yes Roma Rom--Romans 8:14 Referans Kwoze

Galesia 5:18

Eemon isaav ighe ataghon pooz to Maaron Avuvu, ene aat aleep ila tutuuŋ saamba muul mako. Ro 6:14, 8:2,14

Yoan 1:12

Eemon tamtamon tisov tau tighur ila tooni ve tighamu imin Tiina toozi, ene i igham lezi ezazi to timin Maaron natŋa. Yo 3:15; Ro 8:14+; Ga 3:26; 1Yo 3:1+

Galesia 3:26

Yam asov tau ghuruuŋ ila tsiam isaghav Yesu Krisi na, Maaron natŋa yam. Yo 1:12; Ro 8:14+

Galesia 5:16

Tauvene yau nasaav payam: Laghooŋ tsiam, yam aat ataghon ŋgar to Maaron Avuvu. Ighe agham tauvene, ene irau ataghon lolomim muŋgaana muul mako. Ro 8:4+, 13:14; 1Pe 2:11

Saveeŋ Yoŋgaaŋ 21:7

Tamtamon tau ighe iyooz ariaaŋ ve iliiv tovaaŋ, i aat eeza pa ghamuuŋ gabua popoia naol tau nasavi zi ne. Ve yau aat namin Maaron tooni, ve i imin natug. 2Kor 6:18; Hib 8:10

1 Yoan 3:1

Aghita. Tamaan Maaron loolo igheen toit ve ipakur ghiit kat. Pasaa, i ipoi ghiit ighe tauu natŋa iit. Ve saveeŋ tane, ene iduduuŋ. Aazne, Maaron igham ghiit tamin i natŋa. Eemon yes tau titaghon taan ŋgara na, tighilaal ghiit mako. Pasaa, yes tighilaal Maaron mako. Yo 1:12, 16:2+; Ro 8:15+

2 Korin 6:18

Ve yau namin tamamim, ve yam amin natugŋa ve natug livaŋa. Saveeŋ tane, ene Maaron saksaki tauu aliiŋa.” Ro 8:14; Syg 21:7

Galesia 4:6

Ve yam paam, amin Maaron natŋa wa. Tauta Maaron imbaaŋ Naatu Avuvu ila lolomim. Avuvu tawe igham ghiit tapoipoi Maaron taghe: “Abba, tamaŋ”

Rau Tau Paulus Iboode Pa Yes Roma Rom--Romans 8:5

Tamtamon tau titaghon lolozi muŋgaana na, matazi iŋgalŋgal ŋgar sasaghati to lolozi muŋgaana mon. Eemon yes tau titaghon pooz to Maaron Avuvu na, matazi iŋgalŋgal gabua ve ŋgar to Maaron Avuvu. Yo 3:6; 1Kor 2:14+; Ga 5:19+

Rau Tau Paulus Iboode Pa Yes Roma Rom--Romans 8:9

Eemon yam ataghon ŋgar to lolomim muŋgaana muul mako. Pa isaav ighe onoon Maaron Avuvu ileep ila lolomim, i pale igham pooz payam. Ve tamtamon tau ighe Krisi Avuvu ileep ila loolo mako, ene i tamtamon to Krisi mako. 1Kor 3:16, 6:19; Ga 5:22+

Epesus 5:9

Ghazooŋa to Krisi, anooŋa tauvene: ŋgar popoia maata maata, tomania ŋgar duduuŋa, ve saveeŋ onoon. Ro 13:12; 1Yo 1:7+, 2:9+

Rau Tau Paulus Iboode Pa Yes Roma Rom--Romans 8:19

Aazne, gabua naol isov tau Maaron ighur zi na, tipasawal ve tighurghur matazi pa Maaron tighe le rekia mon ve tighit katin saawe to i ipavotvotin natŋa tivot mataghare. Kol 3:4; 1Yo 3:2

Rau Tau Paulus Iboode Pa Yes Roma Rom--Romans 9:8

Saveeŋ tane, ŋgara tauvene: Yes tau tivot ila siŋ to Abaram na, tisov timin Maaron natŋa mako. Yes tau tivot itaghon saveeŋ mbuaaŋ tooni, ene yes mon ta i ighit zi ighe i natŋa. Ga 3:29, 4:23,28

Epesus 1:5

Tauvene muuŋ kat, Maaron loolo igheen toit, ve maata iŋgal ighe igham ghiit tamin i natŋa ila uraat to Yesu Krisi. Ene i itaghon tauu loolo ve poia tooni. Yo 1:12; Ga 4:5

Rau Tau Paulus Iboode Pa Yes Roma Rom--Romans 9:26

Ve nugh tau muuŋ tamtamon tileep pani, ve Maaron isaav pazi ighe: ‘Yam tamtamon tsiau mako,’ nugh tawe tamtamona, ta pale tiwaat zi tighe Maaron maata yaryaare natŋa.” Hos 1:10

Matayu 5:9

Yes tau tighamgham uraat pa ravuuŋ motin malmal ve tilup tamtamon timin eemon, ene yes irau tintinizi pa poia to Maaron tau izaa toozi. Pasaa, Maaron pale iwaat zi ighe tauu natŋa. Ro 12:18; Yems 3:18

Galesia 4:5

I ilam to igham mulin yei tau nileep ila tutuuŋ saamba. Leso nimin besooŋa sorok pa tutuuŋ muul sov, ve nimin Maaron natŋa. Yo 1:12; Ro 8:14+; Ga 3:13; 1Pe 1:18+

1 Yoan 3:24

Tamtamon tisov tau matazi kisin tutuuŋ tooni ve titaghon zi na, yes pale tileep tuŋia ila to Maaron, ve Maaron ileep tuŋia ila toozi, ve tivalupu zi timin eemon. Ve Avuvu tau Maaron igham pait na, tauta igham ghiit taghilaal taghe Maaron ilepleep tomani ghiit irau saawe. Yo 14:23, 15:10; Ro 8:9