Rau Tau Paulus Iboode Pa Yes Roma Rom--Romans 6:14 - Maaron Saveeŋ Tooni Patabuyaaŋ Tuam

¹⁴ Pasaa, yam aleep ila tutuuŋ saamba muul mako. Yam aleep ila poia to Maaron saamba. Tauvene ŋgar saghati irau igham pooz payam muul mako. Ro 7:4+; Ga 5:18; 1Yo 3:6

Mutu (Oov)

¹⁴ Pasa, yam aneep ila tutuuŋ samba muul maau. Yam aneep ila poia to Maaron samba. Tovenen samia irau igham pooz payam muul maau. Ro 7:4+; Ga 5:18; 1Yo 3:6

Rau Tau Paulus Iboode Pa Yes Roma Rom--Romans 6:14 Referans Kwoze

Galesia 5:18

Eemon isaav ighe ataghon pooz to Maaron Avuvu, ene aat aleep ila tutuuŋ saamba muul mako. Ro 6:14, 8:2,14

Hibru 8:10

Eez paaghu tau pale naghuru pazi, ene vene: Murei, yau taug pale naghur tutuuŋ tsiau igheen ariaaŋ ila ŋgar toozi, ve naboode ila lolozi paam. Ve yau pale namin Maaron toozi, ve yes timin tamtamon tsiau. Ezek 36:25+; 2Kor 3:3; Hib 10:16

Rau Tau Paulus Iboode Pa Yes Roma Rom--Romans 6:12

Yam awatagh: Murei, yam pale amaat. Tauvene apul ŋgar saghati igham pooz payam sov. Pale igherev gham ve ataghon ŋgar saghati tau lolomim ighaar pani na. Mbo 119:133

Yoan 8:36

Tauvene isaav ighe Maaron Naatu ipas gham avot pa saghati tapiri, i aat ipas gham kat. Leso saghati iŋgin gham muul sov. Hib 2:14+; 1Yo 3:6,9

Yoan 1:17

Onoon, Maaron ivotia tutuuŋ tooni pait ila Mose aavo. Eemon Yesu Krisi, tauta imin eez pa poia to Maaron izaa toit, ve ipaghazoŋai ghiit pa saveeŋ onoon.

Galesia 3:23

Muuŋ, saawe tau taleep ila tutuuŋ saamba, lepoogh toit imin yes tau tileep ila ruum to yavyavuuŋ loolo. Pasaa, tutuuŋ iŋgin ghiit pa gabua naol isov. Taleep tauvene le Maaron ipaghazoŋai eez to ghuruuŋ ila ivot ighazooŋ. Ga 4:3; Hib 9:10

Rau Tau Paulus Iboode Pa Yes Roma Rom--Romans 8:12

Tauvene yam toŋvetaz to Krisi, yam lemim puughu eta to ataghon ŋgar to lolomim muŋgaana muul mako. Yam aat ataghon ŋgar to Avuvu Patabuyaaŋ. Ro 6:14

Matayu 1:21

I pale ipoop tamoot. Ve yo aat uwaat eeza Yesu. Pa i pale igham mulin tamtamon tooni pa pataŋani to sosor toozi.” Lu 1:31, 2:21; Yo 1:29; Mbaŋ 4:12

Titus 2:14

Yesu Krisi igham niaan gha imaat, leso ireu sosor toit isov ilale, ve ipas ghiit tavot pa saghati tapiri, ve igham ghiit taŋgalaaŋ ila Maaron maata. I igham tauvene, leso tamin i tauu le, ve tazuari ghiit pa ghamuuŋ uraat ve ŋgar popoia maata maata. Ga 1:4; Ep 2:10; 1Pe 2:9

Galesia 4:21

Yam tau aghe aleep ila tutuuŋ saamba na, asaav payau lak. Yam alooŋ saveeŋ to tutuuŋ, ma mako?

Rau Tau Paulus Iboode Pa Yes Roma Rom--Romans 11:6

Zeran tawe, Maaron igham zi timin le itaghon uraat ve ŋgar popoia tau tighamgham zi ne mako. I itaghon tauu loolo ve poia tooni, ve igham zi. Ve imin ta i igham zi timin le itaghon uraat ve ŋgar toozi popoia, kanaŋ poia tooni tawe, imin poia tauu mako. Ro 4:4+, Ro 9:15+; Ep 2:8

Rau Tau Paulus Iboode Pa Yes Roma Rom--Romans 4:16

Tauta Maaron igham poghani ghiit, ve ighur leen eez ite to taghita saveeŋ mbuaaŋ tooni anooŋa. Ene ghuruuŋ ila toit. Pasaa, ŋgar tooni iyaryaaŋ ighe le saveeŋ mbuaaŋ tooni ighur anooŋa pa Abaram paaghu tooni tisov. Yes Yuda tau titaghon tutuuŋ to Mose na, ve yes tau Yuda mako tau titaghon Abaram pa ghuruuŋ ila tooni na paam. Pasaa, iit tasov tau taghur ila to Krisi na, Abaram imin tamaan. Ro 3:24, 15:8; Ga 3:7,22

Rau Tau Paulus Iboode Pa Yes Roma Rom--Romans 6:15

Mindai? Isaav ighe iit taleep ila tutuuŋ saamba muul mako, ve taleep ila poia to Maaron saamba, pale mataan sorok pa ghamuuŋ ŋgar saghati? Mako kat! Ro 6:1; 1Pe 2:16; 1Yo 3:9

Yoan 1:14

Aghita. Ŋeer tau ipaghazoŋai saveeŋ onoon ve ŋgar to Maaron pait, tauta imin tamtamon ve ilam gha ileep ila sosoon. I itotoi Maaron tapiri ve poia tooni ivot ighazooŋ, ve yei nighita pa matamai. Tauta nighilaalo nighe i Maaron tauu Naatu eemon tau ileep to Taama Maaron ve ilam. Poia to Maaron tomania ŋgar tooni tau isasavia saveeŋ onoon mon, ene ivon ila to Naatu tawe. Pil 2:6+; Kol 2:9; 1Tim 3:16; Hib 2:14; 1Yo 1:1+

Rau Tau Paulus Iboode Pa Yes Roma Rom--Romans 5:17

Tauvene muuŋ, Adam izoor Maaron aliiŋa, tauta imin puughu pa tamtamon tisov tileep ila mateegh saamba ve timatmaat. Eemon poia to Maaron, ene tiina le tiina kat. Ve ŋeer eemon ta imin eez pait tauta poia to Maaron izaa toit, ene Yesu Krisi. Tauvene yes tau tigham poia to Maaron ila tooni, ve i igham zi tiduduuŋ ila Maaron maata, ene aat tigham lepoogh poia ila tooni, ve tigham pooz imin kinik le alok. Yo 1:16, 10:10; Syg 22:5

Rau Tau Paulus Iboode Pa Yes Roma Rom--Romans 5:18

Tauvene onoon, Adam, i tamtamon eemon. Ve saawe tau izoor Maaron aliiŋa, ve imalaaŋ pa tutuuŋ tooni, sosor tooni tawe, tauta imin puughu pa Maaron ighur atuya pa tamtamon tisov. Krisi tauvene paam. I ŋeer eemon. Ve itaghon katin ŋgar duduuŋa, tauta igham eval tiina tiduduuŋ ila Maaron maata, ve tigham lepoogh poia ila tooni. Ro 6:23; Pil 2:8; Hib 5:8+; 1Yo 2:2