Rau Tau Paulus Iboode Pa Yes Roma Rom--Romans 3:7 - Maaron Saveeŋ Tooni Patabuyaaŋ Tuam

⁷ Ve tamtamon ite pale iŋooŋ pa Maaron sorok ighe: “Ŋgar karom tau yau naghamu ne, ene iuul Maaron. Pasaa, ipaghazoŋai ŋgar tooni tau i aavo onoon na ivot ighazooŋ. Ve gabua tane ta igham tamtamon tipait eeza. Ve ighe tauvene, puughu mindai ta i igabiiz ghau ighe yau nagham sosor, ve ighur atuya payau?”

Mutu (Oov)

⁷ Ve tamtoghon ite pale isaav sorok ighaze: “Ŋgar kaarom to you naghami, nene iuul Maaron. Pasa, ipaghazoŋan ŋgar toni to ye avo onoon ivot ighazooŋ. Ve mbeb tonene pale igham tamtoghon tipait iza. Ve ighaze venen, pughu vena to ye iŋgabiiz ghou ighaze you nagham sosor, ve ighur atia payou?”

Rau Tau Paulus Iboode Pa Yes Roma Rom--Romans 3:7 Referans Kwoze

Rau Tau Paulus Iboode Pa Yes Roma Rom--Romans 3:4

Mako kat! Isaav ighe tamtamon tisov tigham karom, tigham karom lak! Eemon Maaron saveeŋ tooni, ene onoon mon, ve i itataghon saveeŋ mbuaaŋ tooni irau saawe. Saveeŋa tiboode pataghaaŋ wa. Tighe: “Maaron, saveeŋ isov tau usasavia na, tamtamon tighilaalo tighe ene iduduuŋ mon. Ve isaav ighe koiamŋa tipayooz ghom pa savsaveeŋ, ene aat uliiv zi.” Mbo 51:4, 116:11

Matayu 26:34

Yesu isaav pani ighe: “Aa Petrus, yau nasaav payo kat. Mboŋ aazne, yo aat upaisamun ghau pai tol le isov, o tatareek itaŋ.” Mt 26:69+

Uraat To Yes Mbaŋooŋa 2:23

Ŋgar tau ivot pa Yesu na, Maaron igham ŋgar pani alok wa. I ighur Yesu ila nimamim itaghon tauu ŋgar tooni. Tauta akisi ve aghuru ila yes Roma tau tikankaan pa tutuuŋ tooni na nimazi, ve anazi tiravu izala ai pambarooŋ gha imaat. Is 53:10; Mbaŋ 4:28