Rau Tau Paulus Iboode Pa Yes Roma Rom--Romans 2:5 - Maaron Saveeŋ Tooni Patabuyaaŋ Tuam

⁵ Eemon ŋgar tsio iyaryaaŋ kat, ve lolom pa utoora mako. Ŋgar tau yo ughamghamu na, ene imin undoundou lem atuya pa saghati tsio. Mboŋ Murei, Maaron pale itotoi aatyavyav tooni ivot ighazooŋ, ve ighur atuya iyat duduŋai tamtamon eŋaeŋa sosor toozi. Saawe tana, aatyavyav tooni pale iŋarui ghom pa sosor tsio. Ro 1:18; Syg 6:17

Mutu (Oov)

⁵ Eemoghon ŋgar tiom iyaryaaŋ kat, ve lolom pa utoor ŋgar tiom maau. Ŋgar to ughamghami, nene inimale undoundou lem atia pa samia tiom. Mboŋ Muri, Maaron pale ipatooŋ mbalmbali toni ivot ighazooŋ, ve ighur atia deŋia iyat tamtoghon eŋaeŋa sosor todi. Sawa tonenen, mbalmbali toni pale iŋarua ghom pa sosor tiom. Ro 1:18; Syg 6:17

Rau Tau Paulus Iboode Pa Yes Roma Rom--Romans 2:5 Referans Kwoze

Rau Tau Paulus Iboode Pa Yes Roma Rom--Romans 1:18

Tamtamon tisov tau matazi iŋgal Maaron mako, ve tighamgham ŋgar sasaghati tau iduduuŋ mako, ve titatan saveeŋ onoon, ene Maaron tau ileep sambam na, itotoi aatyavyav tooni pazi, ve ighurghur atuya izaa toozi. Mbo 7:11; Yo 3:36; Ep 5:6; Kol 3:6

Rau Tau Jud Iboode Jut--Jude 1:6

Ve agham ŋgar pa yes aŋela tau muuŋ geeg tizoor Maaron aliiŋa na. Uraat tau Maaron ighuru ila nimazi ve ezazi pani, tomania niazi to lepoogh tau i igham pazi na, yes tirere pani, ve tipuli. Tauta Maaron iziir zi tighau pa niazi, ve ikau zi pa ravraav ariaŋazi tau pale igheen irau saawe, ve ighur zi tileep ila ndoroom tiina loolo. Leso tileep ta sewe, ve tisaŋan saawe tiina to Mboŋ Murei, mako i igabiiz zi ve ighur atuya pazi. 2Pe 2:4; Syg 20:10

2 Petrus 3:7

Ve aazne, saveeŋ eemon tana ikis sambam ve taan, tauta tigheen toman niazi. Ve i pale iŋgin zi poi tauvene ila ila le saawe to Mboŋ Murei, mako yav tiina ighan zi. Saawe tana, i pale igabiiz ghiit. Ve tamtamon tisov tau titaghon eez tooni mako na, i pale ighur atuya pazi gha tilalez. Mt 25:41; 2Tes 1:7+

Hibru 3:15

Saveeŋa, Maaron isavia muuŋ wa. Ighe: “Aazne, isaav ighe yam alooŋ Maaron aliiŋa, na apoon lolomim pani imin timbumimŋa tau muuŋ tizoor Maaron aliiŋa izi nugh ŋginaaŋa na sov.” Mbo 95:7+; Hib 4:7

2 Petrus 2:9

Gabua naol tane ipaghazoŋai ghiit ighe yes tau matazi iŋgal Maaron ve titaghon eez tooni na, isaav ighe tovaaŋ eta ivot pazi, ene Maaron iwatagh eez to igham mulin zi pa tovaaŋ tana. Eemon tamtamon tau titaghon ŋgar duduuŋa mako na, yes irau tipasalia tauzi pa Maaron aatyavyav tooni mako. Pasaa, i iwatagh eez to ighur atuya pazi ta aazne, ve ila ila le saawe to Mboŋ Murei, mako tizaa pa atuya toozi duduuŋ. Mbo 34:17+; Ro 1:18; 1Kor 10:13

Hibru 4:7

Tauta Maaron ighur saawe ite to tamtamon tooni tigham mariaoŋ tauu ila tooni. Saawe tana, tauta aazne tazaa pani wa. Aghita. Ndaman katini ilam ila, ve murei ra, Maaron ivotia mariaoŋ tana saveeŋa ila David aavo ighe: “Aazne, isaav ighe yam alooŋ Maaron aliiŋa, na apoon lolomim pani sov.” Mbo 95:7+

Hibru 3:13

Saawe isov, yam aat avapaloti gham. Mako pale ŋgar saghati itombaan tsiam eta, mako ipoon loolo ve irau ighilaal Maaron muul mako. Uraat to palotiiŋ tana, asakia ila saawe ite paam sov. Aghamu ta aazne. 1Tes 5:11,14; Hib 10:24+

Rau Tau Paulus Iboode Pa Yes Roma Rom--Romans 9:22

Maaron ighamgham tauvene paam. I ighe ipaghazoŋai tamtamon pa tapiri, ve itotoi aatyavyav tooni pa ŋgar saghati. Tauta ighur tamtamon siriv, leso aatyavyav tooni izaa toozi gha tilalez. Eemon i ivaghamun zi rekia mako. I itatan aate, ve isasaŋan zi.

Saveeŋ Yoŋgaaŋ 6:17

Pasaa, saawe tiina to titotoi aatyavyav toozi ighe ivot tane. Sei irau iyooz ve ipaloti?” Mbo 76:7; Yoel 2:11

Yakobus 5:3

Gol ve silva tsiam tau asiir ivaghamunia le isaghat na, ene pale ipavotvotin gham pa sosor tsiam, ve imin puughu pa Maaron ighur atuya iŋarui gham, ve yav ighan gham. Pasaa, aazne, taleep ila saawe to Maaron ipasov gabua naol isov. Eemon yam azuari gham pa ndouŋ lemim kuaz maata maata. Mt 6:19

Rau Tau Paulus Iboode Pa Yes Roma Rom--Romans 11:25

Yam toŋvetaz, yau naghe navotia gabua yoŋgaaŋa ee payam. Leso apakur gham sorok sov. Onoon, aazne Maaron ipul yes Israela siriv titaghon tauzi ŋgar toozi. Tauta ŋgar toozi iyaryaaŋ kat tighe tizoor saveeŋ tooni. Eemon i irau ipul zi tileep tauvene le alok ne mako. Pale tilepleep tauvene le i iyau nugh nugh tamtamonazi tau i isiigh zi pataghaaŋ na tisov timin le, Lu 21:24; Yo 10:16; Syg 7:9

2 Korin 5:10

Pa murei, iit tasov aat tayooz ila Krisi naagho. Leso igabiiz ghiit, ve ighur atuya pa iit eŋaeŋa itaghon ŋgar tau taghamu izi taan na. Ŋgar popoia, ve ŋgar sasaghati paam. Mt 25:31+; Mbaŋ 17:31; Ro 2:16; Syg 20:12

2 Tesalonika 1:5

Onoon, aazne yam abadbaad pataŋani pasaa, ataghon pooz to Maaron. Ŋgar tsiam tana itotoi ighe: Murei, saawe tau Maaron itotoi pooz tooni ivot ighazooŋ, ve igabiiz tamtamon ve ighur atuya pazi, i pale ipait gham ighe yam popoiamim irau to aloŋ ala nugh tooni. Pasaa, Maaron gabizooŋ tooni, ene iduduuŋ mon. Tauvene yes tau tighurghur pataŋani payam na, i pale ighur pataŋani pazi, leso iyat ŋgar toozi tawe.

Saveeŋ Yoŋgaaŋ 2:21

Yau naghur sooso pani naghe itoor ŋgar tooni ve ipul ŋgar tooni to ghuruuŋ boog. Eemon i loolo pa itoor ŋgar tooni ve ipul ŋgar saghati tawe mako. Ro 2:4; Syg 9:20+