Rau Tau Paulus Iboode Pa Yes Roma Rom--Romans 2:15 - Maaron Saveeŋ Tooni Patabuyaaŋ Tuam

¹⁵ Ghilalooŋ toozi tawe itotoi ighe Maaron ibood tutuuŋ tooni ila lolozi wa. Tauta saawe tau tigham ŋgar saghati eta, tauzi tiyamaan tighe tigham sosor. Ve saawe tau tigham ŋgar poia, tiyamaan tighe lezi sosor mako. Yer 31:31+; Hib 8:10

Mutu (Oov)

¹⁵ Ghilalooŋ todi tonowen ipatooŋ di ighaze Maaron imbood tutuuŋ toni ila lolodi wa. Tauto sawa to tigham ŋgar samia eta, taudi tiyamaana ila lolodi tighaze tigham sosor. Ve sawa to tigham ŋgar poia, tiyamaan di tighaze ledi sosor maau. Yer 31:31+; Hib 8:10

Rau Tau Paulus Iboode Pa Yes Roma Rom--Romans 2:15 Referans Kwoze

2 Korin 5:11

Tauvene yei niroi pa Ŋeer Tiina. Tauta nizuari ghei nighe le nigham tamtamon titoor ŋgar toozi ila pani. Lolomai tomania ŋgar tsiei, ene igheen ghazooŋa ila Maaron maata. Ve nighe yam paam aghazooŋ payei, ve aghilaal ila lolomim aghe yei nibesbees pa Maaron toman lolomai. Mbo 139:1+; Hib 10:31; Jud 23

Titus 1:15

Yes tau ŋgar toozi ŋgalaaŋa na, ŋgar ma gabua eta to muuri irau igham zi tisaghat ila Maaron maata ne mako. Eemon yes tau ŋgar toozi iŋgalaaŋ mako, ve tighur ila mako na, saa ŋgar tau ighe tighamu, ene irau iŋgalaaŋ ila Maaron maata mako. Pasaa, ŋgar toozi tomania lolozi, ene isaghat wa. Tauta yes irau tighilaal sosor toozi mako. Mk 7:19; Mbaŋ 10:15; Ro 14:14,20

2 Korin 1:12

Gabua tiina ee tau yei nipakur ghei pani, ene vene: Niyamaan ila lolomai nighe: Ŋgar tau nighamghamu irau nugh nugh ne, nitaghon ŋgar tau tamtamon to taan tipaiti ne mako. Poia to Maaron, tauta ipapaburigin ghei gha nibesbees pani toman lolomai eemon, ve nighamgham ŋgar tau iŋgalaaŋ ila i maata. Ve ŋgar tane, yei nitotoi katini payam. 1Kor 1:17, 2:4, 13; 2Kor 2:17; 1Tes 2:10

1 Timoti 4:2

Zeran karomŋa tana, Ŋeer Saghati igham zi timin le wa. Tauta tiyamaan sosor toozi muul mako, ve tipapamir tauzi pa ghuruuŋ ila toozi.

Rau Tau Paulus Iboode Pa Yes Roma Rom--Romans 9:1

Saveeŋ tau yau naghe nasavia, ene karom mako. Ene saveeŋ onoon, ve nasavia toman lolog. Pasaa, yau tamtamon to Krisi. Ve Avuvu Patabuyaaŋ tau ighamgham pooz payau ne, i igham ghau nayamaan ila lolog naghe saveeŋ tane, ene onoon mon.

Uraat To Yes Mbaŋooŋa 24:16

Tauta saawe isov, yau nazuari ghau naghe le lolog tomania ŋgar tsiau isov iŋgalaaŋ mon ila Maaron maata, ve tamtamon matazi paam. Mbaŋ 23:1; 2Kor 1:12; 2Tim 1:3

Uraat To Yes Mbaŋooŋa 23:1

Paulus maata deŋia pa yes daaba tau tileep ila lupuuŋ tawe, ve isaav pazi ighe: “Yam toŋvetaz, yau nayamaan taug naghe ta muuŋ ve ilam aazne, laghooŋ tsiau, ene nataghon ŋgar ŋgalaaŋa mon ila Maaron maata.” Mbaŋ 24:16; 2Kor 1:12; 2Tim 1:3

Yoan 8:9

Yes tilooŋ saveeŋ tooni, ve eŋaeŋa tipaspas gha tighawaar. Zolmana timuuŋ, ve yes paghpaaghu titaghon zi gha tisov tighau tila. Tauvene livaa tana zigani iyozyooz ila Yesu naagho.

Rau Tau Paulus Iboode Pa Yes Roma Rom--Romans 2:14

Onoon, nugh nugh tau Yuda mako na, tiwatagh tutuuŋ to Mose mako. Eemon muuŋ ve ilam, yes paam lezi ghilalooŋ igheen ila lolozi. Ghilalooŋ toozi tawe ta ighamgham pooz pazi imin tutuuŋ. Mbaŋ 10:35

Rau Tau Paulus Iboode Pa Yes Roma Rom--Romans 2:27

Onoon, tutuuŋ tau tiboode na, yam Yuda awataghi, ve tirav waromim wa. Eemon isaav ighe amamalaaŋ pa tutuuŋ, na ayamaan gham. Pa yes tau tirav warozi mako, eemon matazi kisin tutuuŋ to Maaron ve titaghoni na, yes aat tipaghazoŋai sosor tsiam ivot ighazooŋ, ve Maaron ighur atuya tiina payam. Mt 12:41+