Rau Tau Paulus Iboode Pa Yes Roma Rom--Romans 16:22 - Maaron Saveeŋ Tooni Patabuyaaŋ Tuam

²² Ve yau Tertius paam, nagham aaz poia tsiau ilat payam ila Tiina toit eeza. Paulus isavsaav, ve yau nabodbood saveeŋ tooni ila rau tane.

Mutu (Oov)

²² Ve you Tertius paam nagham ndag poia tiou ilat payam ila Tiina toit iza. Paulus isavsaav, ve you nambodbood saveeŋ toni ila rau tonene.

Rau Tau Paulus Iboode Pa Yes Roma Rom--Romans 16:22 Referans Kwoze

Galesia 6:11

Aghita bodeeŋ tintiina tau taug nimag nabood zi ne.

1 Korin 16:21

Ene yau Paulus. Nabood aaz poia tane ilat payam pa taug nimag. Kol 4:18; 2Tes 3:17

Rau Tau Paulus Iboode Pa Yes Roma Rom--Romans 16:8

Agham aaz poia tsiau ila pa Ampliatus paam. Pa Tiina toit ilup ghei, tauta lolog igheen tooni kat.

Kolosi 3:17

Saveeŋ tsiam toman uraat tsiam, ve saa ŋgar ite paam tau ighe aghamu, yam aat aghamu ila Tiina toit Yesu eeza to apaiti. Ve lolomim poia pa Tamaan Maaron paam, ve apaiti pa poia tooni ila Yesu eeza. 1Kor 10:31; 1Tes 5:18; Hib 13:15

Kolosi 4:18

Yau Paulus, taug nabood aaz poia tsiau tane. Lolomim iveegh payau sov. Pa aazne naleep ila ruum to yavyavuuŋ loolo ve tikau ghau pa sen. 1Kor 16:21; 2Tes 3:17 Poia to Maaron igheen tomani gham. Onoon.

2 Tesalonika 3:17

Yau Paulus, taug nimag ve nabood aaz poia tsiau tane ilat payam. Yau napasov rau tsiau ta naol ne tauvene, leso tamtamon tighilaal tighe taug ta nabood zi. Ene yau bodeeŋ tsiau tauvene.

Pilemon 1:19

Ene taug nimag ta nabood saveeŋ tane. Onoon kat, yau aat nayat bun tooni isov ilat tsio. Eemon yo aat matam iŋgal bun tsio tiina ee, ta yau nagham uratoi ghom gha ugham lepoogh poia ila to Krisi na. Eemon irau avog ila pa gabua tane mako.