Rau Tau Paulus Iboode Pa Yes Roma Rom--Romans 16:13 - Maaron Saveeŋ Tooni Patabuyaaŋ Tuam

¹³ Agham aaz poia tsiau ila pa Rupus yesuru tiina paam. Rupus, Tiina toit Krisi isiigho imin le wa. Ve naghita tiina imin yau tinaŋ paam. Mk 15:21

Mutu (Oov)

¹³ Agham ndag poia tiou ila pa Rupus yesuru tina paam. Rupus, Tiina toit Krisi isia inim le wa. Ve naghita tina inimale you tinaŋ paam. Mk 15:21

Rau Tau Paulus Iboode Pa Yes Roma Rom--Romans 16:13 Referans Kwoze

2 Yoan 1:1

Yau ŋginiiŋ to lupuuŋ to Krisi. Nabood rau tane pa yo olman tinazi tau Maaron isiigh ghom umin le na, tomania natumŋa. Saveeŋ onoon ilup ghiit, tauta lolog igheen tsiam kat. Ve yau mon mako. Tamtamon tisov tau tiwatagh saveeŋ onoon na, lolozi igheen tsiam paam.

1 Timoti 5:2

Ve zolman tinazi, ugham ŋgar pazi raraate imin tau ughamgham pa tinam na. Ve yes zilivaa paghpaaghu paam, ugham ŋgar ŋgalaaŋa mon pazi imin tau ughamgham pa livumŋa.

Markus 15:21

Yes tipul nugh tiina Yerusalem, ve tilaagh taghon eez tila, le tizaa to ŋeer ee to nugh Sairini, eeza Simon. I Aleksander ve Rupus tamazi. I ileep Yerusalem ziige, ve ighe iloŋ ila pa nugh tiina. Yes zaaba tighita, ve tikisi ve tighur ai pambarooŋ to Yesu izala avaara gha aana ibaado, ve tila tivot nugh ee, eeza ‘Golgata.’ (‘Golgata’ puughu tauvene: Nugh tau ghitooŋa imin tamtamon daaba rubruuba.)

Yoan 15:16

Yam taumim lolomim ve alam ataghon ghau mako. Yau taug ta nasiigh gham amin leg, ve naghur gham to ala ve agham uraat. Uraat tau aghamu, ene pale ighur anooŋa, ve anooŋa tana igheen taghon gha ila. Isaav ighe yam agham tauvene, ve aghason Tamaŋ pa gabua eta ila yau ezag, i pale ilooŋ gham ve igham payam. Mt 28:19; Yo 14:13; Ep 1:4

2 Tesalonika 2:13

Yam toŋvetaz, saawe isov, yei irau lolomai poia pa Maaron ve nipaiti pa ŋgar tau i igham payam. I loolo igheen tsiam kat. Aghita. Muuŋ geeg, i isiigh gham ila tamtamon sosozi, leso igham mulin gham. Ve Avuvu Patabuyaaŋ igham uratoi gham, tauta aghur ila saveeŋ onoon, ve ataghon ŋgar patabuyaaŋ. Ila eez tane, yam amin aniiŋ maata tau tamtamon tigham pa Maaron imin paitooŋ. Ep 1:4; 1Tes 1:4, 5:9

Epesus 1:4

Aghita. Iit tau tapaak Krisi ve taleep ila tooni na, muuŋ kat, saawe tau Maaron ighur sambam ve taan soone, i isiigh ghiit ighe igham ghiit tamin i le. Leso tamin tamtamon tooni patabuyaaŋa, ve leen sosor eta ila i maata mako. Ro 8:28+; Kol 1:22; 2Tes 2:13; 2Tim 1:9

Yoan 19:27

Ve isaav pa mbiwa tooni ighe: “Ughita. Ena yo tinam.” Tauta saawe tana ve ila, mbiwa tana igham Yesu tiina ila ruum tooni, ve iŋgini.

Markus 3:35

Pa sei tau ighe itaghon Maaron loolo, ene imin yau tazig, livug, ve tinaŋ.” Yo 15:14; Ro 8:29; Hib 2:11+

Matayu 20:16

Ra Yesu iparwai saveeŋ tooni ighe: “Tauvene yes tau timuuŋ, ene pale tizi tileep murei geeg. Ve yes tau tileep murei geeg, ene pale tila timuuŋ.”

Rau Tau Paulus Iboode Pa Yes Roma Rom--Romans 16:12

Agham aaz poia tsiau ila pa Tripena yesuru Triposa. Pa zilivaa ru tana, yesuru tirav tauzi kat pa uraat to Tiina toit. Ve aaz poia tsiau ila pa Persis paam. I livaa ite tau igham uraat maata maata pa Tiina toit. Tauta lolog igheen tooni kat.

Rau Tau Paulus Iboode Pa Yes Roma Rom--Romans 16:14

Ve agham aaz poia tsiau ila pa Asinkritus, Pelegon, Ermes, Patorobas, Ermas, ve toŋvetaz siriv to Krisi tau yesŋa tilepleep na paam.