Rau Tau Paulus Iboode Pa Yes Roma Rom--Romans 15:33 - Maaron Saveeŋ Tooni Patabuyaaŋ Tuam

³³ Maaron, i igham ghiit taleep poia toman loloon luuma. I tauu pale ileep tomani gham asov. Onoon.

Mutu (Oov)

³³ Maaron, ye igham ghiit taneep poia toman lolood luuma. Ye tau pale ineep toman gham asob. Onoon.

Rau Tau Paulus Iboode Pa Yes Roma Rom--Romans 15:33 Referans Kwoze

2 Korin 13:11

Yam toŋvetaz, naghe napasov saveeŋ tsiau. Yam asov alooŋ saveeŋ palotiiŋ tsiau tane, ve lolomim poia, agharaat ŋgar tsiam, alup lolomim imin eemon, ve ataghon ŋgar luuma mon. Leso Maaron tau loolo igheen toit ve igham ghiit taleep poia toman loloon luuma na, ileep tomani gham. Ro 15:33; Pil 2:12, 3:1; 1Tes 5:16

Pilipai 4:9

Ve ŋgar isov tau yau nasavia payam ve aghamu ilam tsiau, tomania saveeŋ isov tau alooŋa ila yau avog, ve ŋgar isov tau aghit ghau nagham zi na, matamim kisin zi ve ataghon zi. Leso Maaron toit tau ŋgar luuma puughu na, ileep tomani gham. Ro 15:33; 1Kor 4:16; Pil 3:16+; 2Tes 3:16

1 Tesalonika 5:23

Maaron toit, i ŋgar luuma puughu, ve iŋgin ghiit taleep poia irau saawe. I tauu aat igham gham ataghon ŋgar patabuyaaŋ mon. Ve iŋgin anunumim, lolomim ve ŋgar tsiam, tomania anoŋamim, ve igham gham ataghon ŋgar poia mon le irau muleeŋ to Tiina toit Yesu Krisi. Leso lemim sosor eta ila i maata sov. Ro 15:33; 1Kor 1:8+; 1Tes 3:13; 2Tes 3:16

Hibru 13:20

Tiina toit Yesu Krisi tau imaat ve Maaron ipaburigini pa mateegh na, i ta ŋginiiŋ to sipsip, ve eeza tiina kat. Siŋ tooni imaliŋ, tauta ipariaaŋ saveeŋ mbuaaŋ to eez paaghu to itiŋa Maaron tavalupu ghiit tamin eemon. Eez tawe pale igheen tauvene taghon taghon gha ila. Yo 10:11; Hib 9:15+; 1Pe 2:25, 5:4 Ve Taama Maaron tau igham ghiit taleep poia toman loloon luuma na, pale irei ŋgar popoia maata maata payam, leso yam irau ataghon loolo. Ve ila uraat to Yesu Krisi, i pale ipaburigin lolomim, leso agham ŋgar popoia ila i maata. Tauvene iit aat tapait eeza irau saawe. Onoon. Pil 2:13; 2Tes 2:16+

2 Tesalonika 3:16

Tiina toit Yesu, i ŋgar luuma puughu. Saawe isov, i tauu aat igham gham aleep poi pa gabua naol isov ve aleep toman lolomim luuma. Ve i aat ileep tomani gham asov. Ro 15:33; 1Tes 5:23

Rau Tau Paulus Iboode Pa Yes Roma Rom--Romans 16:20

Maaron toit, i igham ghiit taleep poia toman loloon luuma. Malau mako pale iuul gham, leso atatan Sadan tapiri ve avaghaaza ila aghemim saamba. Gnp 3:15; Syg 12:11 Poia to Tiina toit Yesu Krisi igheen tomani gham.

2 Korin 13:14

Poia to Tiina toit Yesu Krisi izaa to yam asov, ve ŋgar to Tamaan Maaron tau loolo igheen toit kat na igheen tomani gham, ve Avuvu Patabuyaaŋ ilup gham amin eemon. Onoon.

1 Korin 14:33

Pasaa, Maaron toit, i Maaron to ikaukau ŋgar mako. I ighe gabua naol isov ilaan duduuŋ mon. Ve i ighe iit tasov talup ghiit tamin eemon ve tataghon ŋgar luuma. Tamtamon tisov to Krisi titaghon ŋgar tauvene ila lupuuŋ toz toz.

2 Timoti 4:22

Timoti, Tiina toit pale ileep tomani ghom, ve poia tooni izaa to yam asov. Onoon.

Rau Tau Paulus Iboode Pa Yes Roma Rom--Romans 16:23

Gaius paam igham aaz poia tooni ilat payam. I ta igham ghau naleep tomania ila ruum tooni. I iŋgin poghani ghau tomania tamtamon tisov to Krisi tau tiluplup zi pa suŋuuŋ ila ruum tooni na. Ve Erastus tau iŋgin maet to nugh tane, yesuru toŋvetaz toit Kwartus tigham aaz poia toozi payam paam. Mbaŋ 19:29; 1Kor 1:14

Matayu 1:23

“Aghita. Livaa mbiu ee pale aapo, ve ipoop naatu tamoot. Pale tiwaat eeza Imanuel.” Is 7:14

Epesus 6:23

Yam toŋvetaz, Tamaan Maaron yesuru Tiina toit Yesu Krisi aat tiŋgin gham asov aleep poi, ve luuma toozi izaa tsiam. Ve tipalot gham, leso lolomim pa tamtamon ve agham poghani zi, ve aghur ila ariaaŋ.