Rau Tau Paulus Iboode Pa Yes Roma Rom--Romans 15:26 - Maaron Saveeŋ Tooni Patabuyaaŋ Tuam

²⁶ Pasaa, yes to Masedonia ve Akaia lolozi ipazaagh zi gha tigoog maet siriv imin abuzi, ve tighuru ila nimag wa. Tighe naghamu nala, ve nagham pa Maaron tamtamon tooni tau tileep toman mbolaaŋ izi Yerusalem na. 1Kor 16:1+; 2Kor 8:1, 9:2,12; Ga 2:9

Mutu (Oov)

²⁶ Pasa, yes to Masedonia ve Akaia lolodi ipamundigin di, ve tiŋgoog yaam pida inim nimadi, ve tighuri inim nimag wa. Tighaze naghami nala, ve nagham pa Maaron tamtoghon toni to tineep toman mbolaaŋ izi Yerusalem. 1Kor 16:1+; 2Kor 8:1, 9:2,12; Ga 2:9

Rau Tau Paulus Iboode Pa Yes Roma Rom--Romans 15:26 Referans Kwoze

2 Korin 9:12

Uraat tane, yam aghamu imin besooŋ tsiam ila pa Maaron. Uleeŋ tsiam pale ipasov mbolaaŋ to tamtamon tooni. Ve tane mon mako. Pale igham eval tiina lolozi poia pa Maaron, ve tipaiti kat pa poia tooni paam. 2Kor 4:15, 8:14

Pilemon 1:5

Pasaa, naloŋlooŋ varum tighe yo ughur ila to Tiina toit Yesu ariaaŋ, ve lolom igheen to Maaron tamtamon tooni patabuyaaŋa tisov, ve ughamgham poghani zi. Kol 1:4

1 Korin 16:15

Yam awatagh: Stepanas ve yes tau tileep tomania ila ruum tooni na, timuuŋ pa yam Akaia asov, ve tighur ila to Krisi imin maata. Ve yes tirei tauzi kat pa uraat to Tiina toit, ve tibesbees poi pa tamtamon tooni. Zeran tauvene, tomania tamtamon tisov tau tiuluul zi ve tipul tauzi kat pa uraat to Maaron na, naghe napalot gham to aleep ila sambazi, ve alooŋ aliŋazi. 1Kor 1:16; Pil 2:29; 1Tim 5:17; Hib 13:17

Uraat To Yes Mbaŋooŋa 18:12

Ighamgham tauvene le saawe tau Galio iŋgin taan sirivu to Akaia, ra yes Yuda tilup lolozi imin eemon ve tighe tiŋgalsekin Paulus pa savsaveeŋ tau i ivovotia na. Tauvene tighamu tila nugh to gharatooŋ saveeŋ, ve tipayooze ila Galio naagho,

Uraat To Yes Mbaŋooŋa 16:9

Ve mboŋ, tandaghiiŋ ee ivot pa Paulus. I ighita ŋeer ee to Masedonia iyozyooz, ve ipoipoi ighe: “Paulus, uraav ulam uvool pa Masedonia, leso uul ghei.”

Lukas 14:13

Tauvene isaav ighe yo ugham ghanghaniiŋ, na upoi yes tau irau tigham ghanghaniiŋ mako na, imin yes mbolaaŋa, yes narapeŋa, ve yes tau matazi kumkuuma na. Leso poia to Maaron izaa tsio, ve saawe tau i ipaburigin tamtamon duduŋazi pa mateegh, ene pale i tauu iyol nimam, ve igham lem atuya poia.” Lo 14:29; Yo 5:29

Lukas 6:20

Yesu maata ila pa mbiwa tooni, ve isaav pazi ighe: “Yam mbolaaŋa, tintinmim pa poia to Maaron tau izaa tsiam. Pasaa, yam aleep ila Maaron pooz tooni loolo wa. Mt 25:34; Yems 2:5

Matayu 26:11

Yes mbolaaŋa pale yamŋa alepleep irau saawe. Eemon yau, malau mako pale napul gham, ve irau naleep tomani gham muul mako.

Matayu 25:40

“Ve kinik tana pale iyol aliŋazi ighe: ‘Yau nasaav payam kat tauvene: Saa ŋgar poia tau muuŋ yam agham pa tazigŋa, yau naghita naghe yam agham payau paam. Yes tau lezi ezazi mako kat paam. Isaav ighe muuŋ auul toozi eta, yau naghita naghe yam agham ŋgar tana payau paam.’ Mt 10:42; Mk 9:41; Hib 6:10

Uraat To Yes Mbaŋooŋa 9:13

Ananias iyol aliiŋa ighe: “Wai Tiina, ŋeer tawe, eval tiina tisavia vaaru gha nalooŋa wa. Tamtamon tsio patabuyaaŋa tau tileep Yerusalem we, i ighamgham ŋgar sasaghati naol pazi. Mbaŋ 8:3

Uraat To Yes Mbaŋooŋa 16:12

Ra nilaagh taan, ve niloŋ nila pa Pilipai. Pilipai, ene nugh tiina ee to taan sirivu to Masedonia. Yes Roma tipaburigin nugh tawe ila taan to yes Grika. Nila nivot ta sewe, ve nileep irau mboŋ siriv le isov,

Uraat To Yes Mbaŋooŋa 19:21

Gabua naol tana tivot le isov, ra Avuvu Patabuyaaŋ ipaburigin Paulus gha loolo ighur ighe ilaagh irau taan sirivu to Masedonia ve Akaia. Le isov, o ila pa Yerusalem. Ve maata iŋgal paam ighe: “Yau nala Yerusalem, mako nala naghita Rom. [Leso navotia vaaru poia izi ta sewe.]” Ro 1:11+, 15:23

1 Korin 16:5

Yau nagham ŋgar naghe nala naghita zetaanŋa siriv tau tileep irau taan sirivu to Masedonia. Tauvene yau aat nala naghit zi muuŋ. Le isov, o nalat naghit gham.

2 Korin 2:13

Eemon lolog ipataŋan, ve nagham ŋgar naol. Pasaa, naghe pa naghita etag Titus izi ta sewe. Eemon mako. Tauvene yeŋa yes Troasa nivakisi nimamai le isov, ra napul zi, ve naburig gha nala pa taan sirivu to Masedonia. Leso nail Titus izi ta sewe. 2Kor 7:5+

2 Korin 7:5

Saawe tau nila nivot taan sirivu to Masedonia, yei lemai sooso eta to mariaoŋ mako. Pasaa, pataŋani maata maata iŋarui ghei. Yeŋa tamtamon nivavazorai ghei. Ve nigham ŋgar naol ila lolomai ve roiŋ tiina igham ghei. Mbaŋ 20:1

2 Korin 9:4

Yau naghur ila ariaaŋ naghe yam pale agharaat gabua imin abumim ve isaŋan. Eemon isaav ighe yeŋa tamtamon siriv to Masedonia nilat, ve tighit gham agharaat gabua soone, ene pale mayag pa aliŋag tau nasavia to napait gham na, ve yam paam pale mayamim.

2 Korin 11:9

Saawe tau itiŋa talepleep ve mbolaaŋ igham ghau, yau naghason gham pa uleeŋ eta mako. Pasaa, toŋvetaz siriv to Masedonia tilam, ve tiuul ghau pa saa gabua tau nambool pani na. Ve lolog pa nagham pataŋani eta payam mako. Tauta nayai ghau, ve naghason gham pa uleeŋ eta mako. Ve aazne ve taghon gha ila paam, pale nataghon ŋgar raraate mon. 2Kor 12:13; Pil 4:15+; 1Tes 2:9

Pilipai 4:15

Yam to Pilipai awatagh: Yau napaburigin uraat to vaaru poia izi nugh tsiam, ve murei, ra napul taan sirivu to Masedonia ve nala. Saawe tana, lupuuŋ tsiam mon ta auluul ghau pa uraat tsiau, ve aghamgham leg maet ma gabua siriv. Lupuuŋ siriv tigham tauvene mako. 2Kor 11:9

1 Tesalonika 1:7

Tauvene yam amin totoyaaŋ poia ee pa tamtamon tisov to Masedonia ve Akaia tau tighur ila to Krisi na. 1Tes 4:10

1 Tesalonika 1:8

Yam amin belo tau tiseŋi gha luutu irau nugh. Pasaa, yam agham saveeŋ to Tiina toit, ve asakia ila irau taan sirivu to Masedonia ve Akaia. Ve tane mon mako. Ghuruuŋ ila tsiam tau iŋarui Maaron na, ene vaaru ilaan irau nugh tisov. Tauvene lemai saveeŋ eta to nisavia pazi muul mako. Pasaa, varumim ta tilooŋa wa. Ro 1:8

1 Timoti 1:3

Saawe tau naghe napul ghom ve nala pa taan sirivu to Masedonia, avog iyaryaaŋ payo naghe uleep izi nugh Epesus, ve usaav ariaaŋ pa yes zeran karomŋa siriv, leso tikau ŋgar to tamtamon muul sov. Saveeŋ to zeran tana, ene raraate pa saveeŋ to Krisi tau iit tapaduduuŋ tamtamon pani ne mako. Ve aazne, nayol mulin aliŋag, leso matam iŋgal uraat tsio tana, ve ugham uratoini. 1Tim 6:3+