Rau Tau Paulus Iboode Pa Yes Roma Rom--Romans 15:25 - Maaron Saveeŋ Tooni Patabuyaaŋ Tuam

²⁵ Eemon yau aat nala Yerusalem muuŋ to nauul Maaron tamtamon tooni ta sewe le isov, o nalat navot tsiam. Mbaŋ 19:21, 24:17

Mutu (Oov)

²⁵ Eemoghon you pale nala Yerusalem muuŋ, ve nauul Maaron tamtoghon toni to tineep tonowe le isob, ghoro nalat navot tiam. Mbaŋ 19:21, 24:17

Rau Tau Paulus Iboode Pa Yes Roma Rom--Romans 15:25 Referans Kwoze

Uraat To Yes Mbaŋooŋa 24:17

“Yau nala naleep irau nugh nugh ndaman siriv wa. Tauta namuul nalam taug nugh tsiau, leso naghita tamtamon tsiau ve naghur uleeŋ siriv pa yes mbolaaŋa. Ve naghe nagham watooŋrau siriv pa Maaron paam. Ro 15:25+; 2Kor 8:1+; Ga 2:10

Uraat To Yes Mbaŋooŋa 19:21

Gabua naol tana tivot le isov, ra Avuvu Patabuyaaŋ ipaburigin Paulus gha loolo ighur ighe ilaagh irau taan sirivu to Masedonia ve Akaia. Le isov, o ila pa Yerusalem. Ve maata iŋgal paam ighe: “Yau nala Yerusalem, mako nala naghita Rom. [Leso navotia vaaru poia izi ta sewe.]” Ro 1:11+, 15:23

Uraat To Yes Mbaŋooŋa 20:22

“Eemon aazne, Avuvu Patabuyaaŋ ipaburigin ghau ighe yau aat nala pa Yerusalem. Ve nakankaan: Pale saa gabua ivot payau izi sewe?

Uraat To Yes Mbaŋooŋa 20:16

Paulus ipasul ighe rekia ila ivot Yerusalem. Leso ighita lupuuŋ tiina to Pentekos izi sewe. Tauvene loolo pa waaŋ iloŋ ila nugh Epesus mako. Pasaa, iroi: Pale tikisi ileep malau muul izi taan sirivu to Asia.

Galesia 2:10

Gabua eemon tau tisaav payei tighe nighamu, ene vene: Yei aat matamai iŋgal tamtamon toozi tau mbolaaŋ igham zi na, ve niyambaar lezi uleeŋ siriv. Yau nalooŋ saveeŋ toozi tawe, ve nayok pani mon. Pasaa, muuŋ ve ilam, ŋgar tsiau iyaryaaŋ naghe nagham tauvene. Mbaŋ 11:29+; Ro 15:25; 2Kor 8:1+

Uraat To Yes Mbaŋooŋa 9:13

Ananias iyol aliiŋa ighe: “Wai Tiina, ŋeer tawe, eval tiina tisavia vaaru gha nalooŋa wa. Tamtamon tsio patabuyaaŋa tau tileep Yerusalem we, i ighamgham ŋgar sasaghati naol pazi. Mbaŋ 8:3

Rau Tau Paulus Iboode Pa Yes Roma Rom--Romans 12:13

Isaav ighe mbolaaŋ igham Maaron tamtamon tooni, na auul zi. Ve isaav ighe loomba tilat, na agham zi toman lolomim poia, ve aŋgin poghani zi. 2Kor 8:7; Hib 13:2; 1Pe 4:9

2 Korin 8:4

Pasaa, ŋgar toozi iyaryaaŋ kat tighe yes paam tighur nimazi pa uleeŋ Maaron tamtamon tooni tau mbolaaŋ igham zi na. Tauta tinoknok ghasoniiŋ ghei le niyok pazi. Mbaŋ 11:29; 2Kor 9:1+

2 Korin 8:6

Uraat to uleeŋ tane, poia to Maaron imin puughu pani, ve Titus ipaburigini ila sosomim wa. Tauta yei nisaav pani to ipalot gham pani le apasovu kat.

Hibru 6:10

Pasaa, i itataghon ŋgar duduuŋa mon. Irau igham ŋgar saghati eta mako. Tauvene i irau loolo iveegh pa uraat tsiam popoia ve uleeŋ tau yam aghamgham pa tamtamon tooni ne mako. Aazne paam, yam auluul zi. Ŋgar tana itotoi ighe lolomim igheen tooni kat. Mt 10:40+, 25:40; 1Kor 15:58

1 Korin 16:4

Ve isaav ighe naghita naghe poia to yau paam nala, ene aat yeŋa nila.