Rau Tau Paulus Iboode Pa Yes Roma Rom--Romans 14:23 - Maaron Saveeŋ Tooni Patabuyaaŋ Tuam

²³ Eemon isaav ighe tamtamon eta loolo ruru pa gabua eta ve ighani, ene i igham sosor. Pasaa, i ighur ila ve igham ŋgar tana mako. Ve saa ŋgar tau iit taghamu itaghon ghuruuŋ ila toit mako, ene iso sor.

Mutu (Oov)

²³ Eemoghon ighaze tamtoghon eta lolo ru pa mbeb eta ve ighani, nene ye igham sosor. Pasa, ye ighur ila ve igham ŋgar tonenen maau. Ve sa ŋgar to iit taghami itaghon ghurla toit maau, nene isosor.

Rau Tau Paulus Iboode Pa Yes Roma Rom--Romans 14:23 Referans Kwoze

Hibru 11:6

Eemon isaav ighe taghur ila to Maaron mako, ene irau i loolo poia pait mako. Pasaa, tamtamon tau ighe ila igharau Maaron, i aat ighur ila ighe Maaron ilepleep ve ighamgham atuya popoia pa yes tau tizuari zi pani.

Titus 1:15

Yes tau ŋgar toozi ŋgalaaŋa na, ŋgar ma gabua eta to muuri irau igham zi tisaghat ila Maaron maata ne mako. Eemon yes tau ŋgar toozi iŋgalaaŋ mako, ve tighur ila mako na, saa ŋgar tau ighe tighamu, ene irau iŋgalaaŋ ila Maaron maata mako. Pasaa, ŋgar toozi tomania lolozi, ene isaghat wa. Tauta yes irau tighilaal sosor toozi mako. Mk 7:19; Mbaŋ 10:15; Ro 14:14,20

1 Korin 8:7

Eemon tamtamon siriv tau ghuruuŋ ila toozi iyaryaaŋ soone na, tighilaal gabua tane mako. Pasaa, muuŋ ve ilam, tibesbees pa maaron karomŋa. Tauvene aazne, isaav ighe tighan gabua eta tau tighamu imin watooŋrau pa maaron karom eta, ene tiyamaan tauzi tighe tigham sosor ve tisaghat ila Maaron maata. Ro 14:23; 1Kor 10:28+

Rau Tau Paulus Iboode Pa Yes Roma Rom--Romans 14:5

Ve tamtamon siriv, yes tighita tighe saawe ee to suŋuuŋ, ene patabuyaaŋ iliiv saawe siriv. Ve tamtamon siriv tighita tighe saawe ta naol ne, ene raratezi mon ila Maaron maata. Ene poia. Tamtamon eŋaeŋa irau tigham ŋgar poi pa gabua tane, ve saa ŋgar tau tighita tighe ene iduduuŋ, o titaghoni.

Rau Tau Paulus Iboode Pa Yes Roma Rom--Romans 13:2

Tauvene isaav ighe tamtamon eta izoor yes pooza to taan, ene i izoor Maaron. Pasaa, Maaron ta ighur zi pa uraat toozi. Tauvene isaav ighe tamtamon eta izoor zi, i aat igham atuya pa ŋgar tooni tana.