Rau Tau Paulus Iboode Pa Yes Roma Rom--Romans 12:19 - Maaron Saveeŋ Tooni Patabuyaaŋ Tuam

¹⁹ Yam zeran tsiau, lolog igheen tsiam kat. Nayol saveeŋ tsiau muul. Ŋgar saghati tau tamtamon tigham payam na, ayatu sov. Apuli ila Maaron niima. I tauu pale ighur pataŋani iŋarui zi. Pasaa, Maaron aliiŋa tau tiboode na, isaav ighe: “Yau leg uraat to naghur atuya pa ŋgar saghati. Taug pale nayatu.” Lo 32:35; Mbo 94:1; Hib 10:30

Mutu (Oov)

¹⁹ Yam ndiran tiou, lolog payam kat. Nayol aliŋag muul. Ŋgar samia to tamtoghon tigham payam, yam ayati malep. Apuli ila Maaron nima. Ye tau pale ighur pataŋani iŋarua di. Pasa, Maaron aliŋa to timbooda, isaav ighaze: “You leg uraat pa naghur atia pa ŋgar samia. Taug pale nayati.” Lo 32:35; Mbo 94:1; Hib 10:30

Rau Tau Paulus Iboode Pa Yes Roma Rom--Romans 12:19 Referans Kwoze

Hibru 10:30

Iit tawatagh Ŋeer tau isaav ighe: “Uraat to yatuuŋ ŋgar sasaghati to tamtamon, ene yau uraat tsiau. Yau taug pale naghur atuya pazi.” Lo 32:35; Ro 12:19 Ve saveeŋ tooni ziiri ite isaav tauvene: “Ŋeer Tiina pale igabiiz tamtamon tooni ve ighur atuya pazi.” Mbo 50:4, 135:14

Rau Tau Paulus Iboode Pa Yes Roma Rom--Romans 12:17

Isaav ighe tamtamon tigham ŋgar saghati payam, na ayatu pa ŋgar saghati sov. Atoova to ataghon ŋgar tau iduduuŋ mon ila eval tiina matazi. Mt 5:39; 2Kor 8:21; 1Tes 5:15

1 Tesalonika 4:6

Aghita. Isaav ighe aghur boog pa toŋvetaz tsiam azuwazŋa, yam agham sosor pa toŋvetaz tsiam tana, ve agham karom pazi. Tamtamon tisov tau ighe tigham sosor tauvene, Tiina toit pale ighur atuya pazi. Saveeŋa, yei nisavia payam gha alooŋa wa. Pa muuŋ, nisaav ariaaŋ payam pa ŋgar tane. Igham 20:14; Hib 13:4

Rau Tau Paulus Iboode Pa Yes Roma Rom--Romans 12:14

Isaav ighe tamtamon tighur pataŋani payam pasaa, ataghon Krisi, na yam aghur saghati izaa toozi sov. Asuŋ Maaron to igham poghani zi. Mt 5:44+; 1Kor 4:12; 1Pe 3:9

Matayu 5:39

Eemon yau nasaav payam tauvene: Ŋgar saghati tau tamtamon tigham payam, na ayatu sov. Ayokia taumim mon. Tauvene isaav ighe ŋeer eta iposai paŋam ila pa tapir, na uyol niima sov. Utoor ghom, ve iposai paŋam ite paam. Ro 12:17,21; 1Tes 5:15

Rau Tau Paulus Iboode Pa Yes Roma Rom--Romans 13:4

Pasaa, pooza to taan, ene yes besooŋa to Maaron. Yes tileep to tiuul ghom, leso uleep poi. Eemon isaav ighe yo ughamgham ŋgar saghati, na uyamaan ghom. Pa yes tikis mbuzaagh sorok mako. Yes ezazi pa ghuruuŋ atuya pa tamtamon tau tighamgham ŋgar saghati na, leso titotoi aatyavyav to Maaron pazi. Ve yes irau tileleel ghom mako.

Epesus 4:27

Aghur sooso pa Ŋeer Saghati sov. Ep 6:11; Yems 4:7; 1Pe 5:9

2 Timoti 4:14

Aleksander tau ŋeer to gharatooŋ gabua pa mbaras ve ain na, i igham ŋgar saghati tau ivaghamun ghau kat. Ŋgar tau ighamu na, murei Maaron tauu aat iyatu.