Rau Tau Paulus Iboode Pa Yes Roma Rom--Romans 10:8 - Maaron Saveeŋ Tooni Patabuyaaŋ Tuam

⁸ Saveeŋ tane, ŋgara tauvene: “Maaron saveeŋ tooni igheen malau pait mako. Pasaa, igheen ila avoon ve loloon wa.” Lo 30:11-14 Laak, saa saveeŋ? Ene saveeŋ tau yei nivovotia pa eez to ghuruuŋ ila.

Mutu (Oov)

⁸ Saveeŋ tonene, ŋgara tovene: “Maaron saveeŋ toni ineep mala pait maau. Pasa, ineep ila avood ve lolood wa.” Lo 30:11-14 Laak, sa saveeŋ? Nene saveeŋ to yei nivovotia pa ataam to ghurla.

Rau Tau Paulus Iboode Pa Yes Roma Rom--Romans 10:8 Referans Kwoze

1 Timoti 4:6

O Timoti, isaav ighe yo upaesia aliŋag isov tau igheen ila rau tane pa yes toŋvetaz to Krisi, ene aat umin besooŋa poia to Yesu Krisi. Ve saveeŋ poia tau iit taghur ila na, pale ipalot ghom imin aniiŋ poia. Saveeŋ tana, tipaghazoŋai ghom pani ve utaghoni wa.

1 Petrus 1:25

Eemon Ŋeer Tiina aliiŋa, ene ighengheen tauvene irau saawe.” Mbo 103:15, 119:89 Saveeŋ tane, ene vaaru poia tau tivotia payam na. Mt 5:18; 24:35

Galesia 3:2

Aiyo, naghe naghason gham pa gabua ee. Yam agham Maaron Avuvu itaghon saa eez? Eez to taghoniiŋ tutuuŋ, ma eez to alooŋ vaaru poia ve aghur ila? Mbaŋ 2:38; Ro 10:16+; Ep 1:13

Galesia 3:5

Ve puughu mindai ta Maaron irei Avuvu payam, ve ighamgham gabua ŋgeretazi ila sosomim? Yam ataghon duduŋai tutuuŋ tooni, ta ighamgham tauvene payam ne? Mako. Yam alooŋ vaaru poia mon, ve aghur ila.

Rau Tau Paulus Iboode Pa Yes Roma Rom--Romans 10:17

Tauvene Maaron aliiŋa ta taloŋlooŋa, tauta ipaburigin ghiit to taghur ila. Ve saawe tau tivotia Krisi vaaru, tamtamon tilooŋ saveeŋ tooni.

Uraat To Yes Mbaŋooŋa 10:43

Propet tisov tipariaaŋ saveeŋ tooni tighe tamtamon tisov tau tighur ila tooni na, ila i eeza, Maaron pale ireu sosor toozi ilale.” Is 53:5; Ro 10:9; 1Yo 2:2, 12

1 Petrus 1:23

Pasaa, Maaron ivazogh saveeŋ tooni ila lolomim imin aniiŋ uuve poia, ve saveeŋ tana itoor gham amin paaghu wa. Saveeŋ tooni irau isaghat, ma isov ne mako. Pasaa, ene Maaron tauu aliiŋa maata yaryaare tau pale igheen tauvene taghon taghon gha ila. Lu 8:4+; Yo 1:13; Yems 1:18

Uraat To Yes Mbaŋooŋa 16:31

Yesuru tiyol aliiŋa tighe: “Ughur ila to Tiina tsiei Yesu, leso igham mulin ghom tomania yes tau tileep ila ruum tsio na paam.” Yo 3:16, 36, 6:47

Epesus 5:26

leso igham ghiit tamin Maaron tamtamon tooni patabuyaaŋa. Ve irughuuz ghiit pa yaa tomania saveeŋ tooni, tauta taŋgalaaŋ ila Maaron maata wa. Yo 15:3; Ga 1:4; Kol 3:19; 1Pe 3:7