Pilipai 3:10 - Maaron Saveeŋ Tooni Patabuyaaŋ Tuam

¹⁰ Tauvene yau naghe le nawatagh katin Krisi ve burigiiŋ tooni tapiri. Ve naghe nayooz tomania Krisi pa badooŋ pataŋani, ve nataghon duduŋai Maaron ŋgar tooni le irau mateegh tsiau, imin Krisi. Ro 8:17; 2Kor 4:10+; 1Pe 4:13

Mutu (Oov)

¹⁰ Tovenen you naghaze le nawatag katin Krisi ve mundigiiŋ toni tapiri. Ve naghaze nayoon toman Krisi pa badooŋ pataŋani, ve nataghon katin Maaron aliŋa le irau mateeŋ tiou. Leso nataghon ŋgar to Krisi ŋgar. Ro 8:17; 2Kor 4:10+; 1Pe 4:13

Pilipai 3:10 Referans Kwoze

Galesia 2:20

Tauvene lepoogh tsiau tau aazne naghamu izi taan, ene taug naŋgini muul mako. Krisi tau ilepleep ila lolog ne, tauta iŋgin lepoogh tsiau. Tauvene yau naghur ila to Maaron Naatu tau ighur loolo payau kat, ve ipul tauu gha imaat payau. Ghuruuŋ ila tsiau tane, tauta aazne ighamgham pooz payau pa lepoghag to taan. Ro 6:6,11, 7:6; 2Kor 5:15

Rau Tau Paulus Iboode Pa Yes Roma Rom--Romans 8:17

Isaav ighe iit Maaron natŋa, ene ezaan pa ghamuuŋ gabua popoiazi naol tau Tamaan Maaron ighe irei zi pa tamtamon tooni. Ve iit mon mako. Itiŋa Krisi pale tagham gabua tawe. Eemon iit aat tabaad pataŋani pa Krisi eeza, o murei itiŋa Krisi taleep poia ila mbonari loolo izi nugh sambam. Ga 3:29, 4:7; Pil 1:29; Syg 21:7

Pilipai 3:8

Ve tane mon mako. Yau naghita naghe gabua popoiazi naol isov to taan paam, ene gabua sorok. Irau to iuul ghau mako. Ve gabua eemon geeg, ta naghita naghe ene gabua tauu, ve gabua poia kat tau iliiv gabua naol isov. Ene ŋgar to nawatagh katin Tiina tsiau Yesu Krisi. Onoon, i imin puughu pa napuliir gabua tsiau naol isov tileplez. Eemon matag ila pa gabua tawe muul mako. Yau naghit zi timin pen. Pasaa, ŋgar tsiau iyaryaaŋ naghe le nagham Krisi imin leg. Lu 9:24; Yo 17:3

1 Yoan 2:3

Isaav ighe mataan kisin Maaron tutuuŋ tooni ve tataghon zi irau saawe, ene irau taghilaal taghe iit tawatagh Maaron. Yo 14:15,21, 15:12

Kolosi 3:1

Maaron ipaburigin gham tomania Krisi ve agham lepoogh paaghu wa. Tauvene yam aat azuari gham pa gabua to sambam. Pa Krisi, i ileep ta sewe ila Maaron niima tapir. Mk 16:19; Ep 1:20, 2:6; Kol 2:12

Kolosi 1:24

Onoon, aazne yau nabaad pataŋani ve nayamaan yavyavuuŋ ila tinig to nauul gham. Eemon lolog poia. Pasaa, pataŋani naol tau Krisi ibaad zi na, tisov soone. Tauta poia pa anag nauule ve nabaad siriv. Ene imin yau abug to nauul lupuuŋ to Krisi. Pasaa, lupuuŋ tooni, ene imin i anooŋa. 1Kor 12:27; 2Kor 1:6+; Ep 3:13; Pil 2:17

2 Korin 1:5

Onoon, iit tau tataghon Krisi ne, tabadbaad pataŋani naol imin i tauu. Eemon isaav ighe tabaad pataŋani tintiina, ene pale i tauu irav ateen, ve tagham palotiiŋ tiina ila tooni. Mbo 94:19; 2Kor 4:10; Kol 1:24

1 Petrus 1:3

Iit tapait Tiina toit Yesu Krisi Taama Maaron pa poia tooni. Pa i loolo isaghatin ghiit ve aate waaro iit kat. Aghita. I ipaburigin Yesu Krisi pa mateegh, ve ila burigiiŋ to Krisi, iit tagham lepoogh paaghu wa. Tauta ezaan pa lepoogh to taleep mataan yaryaare le alok, ve aazne taghurghur mataan pa lepoogh tawe. Yo 3:3; Ep 1:18+; Tit 3:5+ Lepoogh tau isasaŋan ghiit izi nugh sambam, ene poia mon. Ve irau isaghat, ma isov ne mako. Ighengheen tauvene taghon taghon gha ila. Pasaa, Maaron tauu iŋgini pait. Kol 1:5; 2Tim 4:8

2 Korin 13:4

Onoon, saawe tau Krisi imaat izala ai pambarooŋ, tamtamon tighita tighe i le tapiri mako. Eemon Maaron tapiri ipaburigini pa mateegh, ve aazne i ileep maata yaryaare. Yei tauvene paam. Tapirimai imbool. Eemon nipaak Krisi ve nileep ila tooni, tauta Maaron tapiri ipapalot ghei pa uraat tsiei, leso niuul gham. 2Kor 12:9; Pil 2:7+

1 Yoan 2:5

Eemon isaav ighe tamtamon eta maata kisin Maaron aliiŋa ve itaghoni, ene itotoia ighe ŋgar to loloon pa Maaron igheen ariaaŋ ila loolo wa. Tauvene isaav ighe tataghon ŋgar tauvene, ene irau tawatagh taghe iit taleep tuŋia ila to Maaron. Yo 14:23; 1Yo 3:24

Yoan 17:3

Yo mon ta Maaron tauu. Ve lepoogh poia tau tamtamon tighamu ilat tsio, ene ŋgara tauvene: Yes tiwatagh katin ghom, ve Natum Yesu Krisi tau umbaaŋo izilam taan ne. Tamtamon tauvene, ene pale tileep poia ilat tsio taghon taghon gha ila. Yo 3:16; 2Pe 1:2+; 1Yo 5:20

Rau Tau Paulus Iboode Pa Yes Roma Rom--Romans 8:29

Pasaa, yes ta i tauu isiigh zi pataghaaŋ, tauta ŋgar tooni iyaryaaŋ pazi ighe igham uratoi zi, lee tigham katin ŋgar to Naatu Yesu Krisi. Leso i imin aidaaba, ve imuuŋ pa tazŋa ve livŋa katini tawe. 2Kor 3:18; Ep 1:5; Kol 1:15+; 1Pe 1:2

Saveeŋ Yoŋgaaŋ 1:18

Yau naleep matag yaryaare irau saawe. Muuŋ, yau namaat. Eemon ughita. Aazne, naleep matag yaryaare. Ve yau aat naleep tauvene le alok. Yau ta naŋgin mateegh ve nugh to yes mateegha.

Kolosi 2:13

Muuŋ, yam amamalaaŋ pa tutuuŋ to Maaron, ve ataghon ŋgar to lolomim muŋgaana. Pasaa, saawe tana, Krisi irav motin ŋgar to lolomim muŋgaana soone. Tauvene lepoogh tsiam, ene imin yes mateegha. Lemim ghilalooŋ pa Maaron mako, ve irau agham ŋgar poia eta mako. Eemon aazne, Maaron ipaburigin gham tomania Krisi, ve agham lepoogh paaghu ila tooni wa. Pasaa, i ireu sosor toit isov ilale. Ro 6:13; Ep 2:1,5,11

Epesus 4:13

Iit aat taghamgham tauvene, le iit tasov ghuruuŋ ila toit raraate ve tawatagh katin Maaron Naatu. Leso lupuuŋ toit eemon, ve ŋgar toit imatuugh, ve tataghon suvinia ŋgar to Yesu Krisi. 2Kor 3:18; Kol 1:28, 2:2

2 Korin 1:10

Tauvene pataŋani tiina tau ivot payei na, ene imin ta yei nileep ila naal aavo. Eemon Maaron igham mulin ghei pa pataŋani tawe. Tauta yei nighur ila ariaaŋ nighe murei, isaav ighe pataŋani ivot payei muul, i pale igham mulin ghei. Ro 8:35+

Yoan 10:18

Tamtamon eta to taan irau irav ghau namaat sorok ne mako. Nayoki taug, o irav ghau namaat. Pasaa, yau tapirig irau to nayoki taug gha namaat, ve tapirig irau to naburig matag iyaryaar muul, itaghon saveeŋ tau Tamaŋ isavia payau na.”

Matayu 20:23

Yakobus ve Yoan tiyol aliiŋa tighe: “Vee, yeiru irau nighun ila.” Tauvene Yesu isaav pazi muul ighe: “Onoon, rubruub tsiau, yamru pale aghun ila paam. Eemon gabua tau aghason ghau pani ne, yau naŋgini mako. Ene igheen to Tamaŋ Maaron. Sei ta pale ileep pa nimag tapir ve sei ileep pa ŋas, ene i tauu ighur zi pataghaaŋ wa.” Syg 1:9

Rau Tau Paulus Iboode Pa Yes Roma Rom--Romans 8:36

Onoon, pataŋani naol tane tivotvot pait. Saveeŋa tiboode pataghaaŋ tauvene: “Yei nimin lem wa. Tauta saawe isov, tiravrav sorokin ghei gha nimatmaat. Yes tighit ghei nimin sipsip tau timbit zi pa ravuuŋ zi.” Mbo 44:22; 1Kor 4:9, 15:30+

Galesia 6:17

Aiyo, yau naghe napasov saveeŋ tsiau. Aazne ve ila, lolog pa tamtamon eta ighur pataŋani payau muul mako. Pa sip tau ighenaar ila tinig ne, ene nagham zi pa Yesu Krisi eeza. 2Kor 4:10, 11:23

2 Petrus 1:13

Pasaa, Tiina toit Yesu Krisi ipaghazoŋai ghau gha nawatagh wa: Dur tsiau to taan tane, malau mako pale napuli izi. Tauvene matag iŋgal naghe saawe tau nalepleep soone, ene poia to napei ŋgar tsiam pa saveeŋ tane. Yo 21:18+; 2Kor 5:1+