Pilipai 2:4 - Maaron Saveeŋ Tooni Patabuyaaŋ Tuam

⁴ Tauvene matamim iŋgal taumim mon sov. Matamim iŋgal zeetmimŋa paam. Ro 15:2; 1Kor 10:24, 13:5

Mutu (Oov)

⁴ Tovenen matamim iŋgal taumim moghon malep. Matamim iŋgal nditamim paam. Ro 15:2; 1Kor 10:24, 13:5

Pilipai 2:4 Referans Kwoze

1 Korin 10:24

Iit irau tagham ŋgar pa tauun mon mako. Iit aat tagham ŋgar pa zetaanŋa paam, ve tatoova to tauul zi ve tapalot zi pa ghuruuŋ ila toozi. Ro 15:1+; 1Kor 13:5; Pil 2:4+

Rau Tau Paulus Iboode Pa Yes Roma Rom--Romans 15:1

Iit tau ghuruuŋ ila toit iyaryaaŋ ne, irau tataghon tauun loloon mako. Iit aat mataan iŋgal yes tau ghuruuŋ ila toozi iyaryaaŋ soone na, ve tatatan tauun, ve tataghon ŋgar tau irau lolozi ve ŋgar toozi, ve tatoova to tapalot zi. Ro 14:1; 1Tes 5:14

Yakobus 2:8

Kinik toit Maaron isavia tutuuŋ tooni tiina ee. Igheen ila saveeŋ tooni tau tiboode na. Isaav ighe: “Lolom pa tamtamon ve ugham poghani zi, imin lolom pa taum.” Wkp 19:18 Isaav ighe ataghon duduŋai tutuuŋ eemon tane, ene aat agham ŋgar poia. Mt 22:36+; Ro 13:8+; Ga 5:14

Rau Tau Paulus Iboode Pa Yes Roma Rom--Romans 12:15

Yes tau tintinizi na, yam ala tintinmim tomani zi. Ve yes tau lezi pataŋani ve titaŋ na, yam ala ataŋ tomani zi.

2 Korin 11:29

Isaav ighe tamtamon eta ghuruuŋ ila tooni iyaryaaŋ mako, ene igham ghau nayamaan naghe tapirig isov. Ve ighe tigherev toit eta gha igham sosor, ene igham ghau ateg yavyav kat.

Matayu 18:6

Yesu isaav muul ighe: “Yes geegeu tau tighur ilam tsiau ne, isaav ighe tamtamon eta imin watiiŋ pa toozi eta, ve ighamu itap pa ghuruuŋ ila tooni, ene i raa, ikaria tauu wa. Tamtamon tauvene, poia to timbit maet tiina ila luua, ve tipazalia izila mazavan belbeluuŋa loolo gha ilale.

2 Korin 6:3

Besooŋ tsiei tau nighamghamu pa Krisi ne, yei nighe nitaghon ŋgar tau iduduuŋ kat ila tamtamon matazi. Pa ighe nigham sosor eta, ve tamtamon tirere ghei, ene pale sosor tsiei tana ipoon zi ve tighur ila to Krisi mako. Ro 14:13; 1Kor 8:13, 10:32

Pilipai 2:21

Tamtamon katini matazi iŋgalŋgal tauzi mon. Ve gabua tau Yesu Krisi ighit zi ighe tintiina ila maata na, yes tigham ŋgar pazi mako. 2Tim 4:10,16