Pilipai 2:29 - Maaron Saveeŋ Tooni Patabuyaaŋ Tuam

²⁹ Tauvene isaav ighe i imuul ilat peria, na aghamu toman lolomim poia. Pa yamŋa tamtamon to Krisi. Zeran tauvene, yam irau atandagh pazi ve apait zi. 1Tes 5:12+; 1Tim 5:17

Mutu (Oov)

²⁹ Tovenen ighaze ye imuul ilat peria, yam aghami toman lolomim poia. Pasa yamŋa, tamtoghon to Krisi. Ndiran tovene, yam irau atandag padi ve apait di. 1Tes 5:12+; 1Tim 5:17

Pilipai 2:29 Referans Kwoze

1 Timoti 5:17

Yes ŋginiiŋa tau tiŋgin poghania lupuuŋ to Krisi na, yam irau atandagh pazi ve agham lezi atuya poia. Ve yes ŋginiiŋa tau tighamgham uraat tiina pa votiaaŋ Maaron aliiŋa ve tipaghazoŋai gham pani, o atandagh pazi kat, ve agham lezi atuya tiina rig. Pil 2:29; 1Tes 5:12+; Hib 13:17

1 Tesalonika 5:12

Yam toŋvetaz, ŋginiiŋa tsiam tighamgham uraat tiina ila yam sosomim, ve tipapaduduuŋ gham leso ataghon duduŋai Tiina toit ŋgar tooni. Tauvene yei nighason gham to atandagh pazi, ve aleep ila sambazi.

1 Korin 16:18

Tauta tipalot ghau ve tigham ateg izi, imin monmon tighamgham payam na. Tamtamon tauvene, yam aat apakur zi.

2 Korin 10:18

Isaav ighe tamtamon eta ipait tauu, ene takankaan: Maaron loolo poia pani, ma mako? Ve ighe Maaron tauu ipait tamtamon eta, ene tawatagh taghe i loolo poia pani. Ro 2:29; 1Kor 4:4+

1 Korin 16:10

Isaav ighe aghita Timoti ilat peria tsiam, na aghamu toman lolomim poia. Leso saawe tau ileep tomani gham na, iroi sov, ve loolo poia. Pa i ighamgham uraat to Tiina toit Krisi, raraate imin yau. 1Kor 4:17

3 Yoan 1:10

Tauvene murei, isaav ighe nalat navot tsiam, ene aat navotia ŋgar saghati tooni ivot ighazooŋ. Pasaa, i iŋgalŋgal saveeŋ sasaghati naol payei. Ve tane mon mako. Isaav ighe toŋvetaz siriv to Krisi tighe tilat tigig gham, ene i irau igham zi toman loolo poia mako. Ve isaav ighe tsiam siriv tighe tigham zi, ene paam, i iŋgalsekin zi, ve izirziir zi pa lupuuŋ to Krisi.

Hibru 13:17

Alooŋ ŋginiiŋa tsiam aliŋazi, ve aleep ila sambazi. Pa yes ta matazi payam ve tipaghazoŋai gham pa lepoogh to anunumim. Ve murei, yes pale tiyooz ila Maaron naagho ve tipaesia uraat toozi pani. Tauvene yam alooŋ saveeŋ toozi. Leso tigham uraat toozi toman lolozi poia. Isaav ighe monmon aghamgham pataŋani pazi, ene irau uraat toozi iuul gham geeg mako. 1Tes 5:12+; 1Tim 5:17

Kolosi 4:10

Aristarkus tau yeiru nileep ila ruum to yavyavuuŋ loolo ne, aaz poia tooni ilat payam. Ve Markus tau Banabas taazi na, i paam igham aaz poia payam. Paesiiŋ tau iŋaruini na, yam alooŋa wa. Ighe ilat ivot, mako aghamu toman lolomim poia. Mbaŋ 12:25, 13:13, 15:37+, 27:2; Plm 24

2 Korin 7:2

Yam toŋvetaz, apoon lolomim payei muul sov. Akaak lolomim payei lak! Pa yei nigham sosor pa tamtamon eta, ma nivaghamunia tamtamon eta, ma nigham karom to nium gabua to tamtamon eta, ene mako. Mbaŋ 20:33; 2Kor 6:12+; 12:17

Rau Tau Paulus Iboode Pa Yes Roma Rom--Romans 10:15

Ve isaav ighe timbaaŋ yes uraata tila mako, pale tivotia mos pa tamtamon mindai? Pasaa, Maaron aliiŋa tau tiboode na, isaav ighe: “Tamtamon tighita yes tau tilaghovai vaaru poia ilam na, le igham zi lolozi poia.” Is 52:7; Ep 6:15

Uraat To Yes Mbaŋooŋa 28:10

Tauvene yes tipakur ghei kat, ve tigham lemai gabua katini. Ve saawe tau nitartar pa raveeŋ muul, saa gabua tau nimbool pani na, yes tiuul ghei pani.

Uraat To Yes Mbaŋooŋa 8:8

Tauvene tamtamon to nugh tawe tintinizi ve lolozi poia kat.

Uraat To Yes Mbaŋooŋa 2:46

Mataaz ta naol ne, lolozi ve ŋgar toozi eemon, ve tiluplup zi ila Rumei Tiina naagho. Ve tiluplup zi pa suŋuuŋ tomania ghanghaniiŋ ila ruum toz toz paam. Saawe tau tilup zi pa ghanghaniiŋ, lolozi poia ve tipapait Maaron eeza. Tauta tamtamon tisov tighit zi ve lolozi poia pazi. Ve saawe isov, Tiina toit Yesu ighamgham uraat ila tamtamon siriv lolozi to igham mulin zi. Tauta tighur ila to Yesu, ve tiŋgaltarezai yes tau tighur ila imin maata na, le timin eval kat.

Yoan 13:20

Onoon kat yau nasaav payam: Yes tau yau nambaaŋ zi tila pa uraat na, isaav ighe tamtamon eta igham zi toman loolo poia, ene i igham ghau. Ve isaav ighe tamtamon eta igham ghau, ene i igham Tamaŋ tau imbaaŋ ghau nalam ne paam.” Mt 10:40; Lu 10:16

Lukas 9:5

Ve isaav ighe nugh eta lolozi pa ghamuuŋ gham mako ve tizor gham, na aghatuun aghemim ve ŋgaupup toozi izi, o apul nugh toozi ve ala. Leso imin ilaal pazi pa sosor toozi.” Lu 10:4+

Pilipai 2:28

Tauvene yau naghe nambaaŋo rekia mon imuul ilat. Leso yam aghita, ve lolomim poia muul. Ve isaav ighe lolomim poia, ene aat igham ghau lolog iraurau paam.