Pilipai 2:20 - Maaron Saveeŋ Tooni Patabuyaaŋ Tuam

²⁰ Yau leg ŋeer ite paam imin Timoti mako. Yeiru ŋgar tsiei eemon. Pasaa, saawe isov, i ighamgham ŋgar tiina payam, ve iliil eez pa uleeŋ gham.

Mutu (Oov)

²⁰ You leg ŋgeu ite paam inimale Timoti maau. Yeru ŋgar tiei ee moghon. Pasa, sawa isob, ye ighamgham ŋgar tiina payam, ve ikalkaal ataam pa iuul gham.

Pilipai 2:20 Referans Kwoze

Pilipai 2:2

Ighe tauvene, yam aat alup lolomim tomania ŋgar tsiam imin eemon, lolomim pa zeetmimŋa ve agham poghani zi imin Krisi loolo payam ve igham poghani gham, ve azuari gham leso asov ataghon ŋgar eemon. Ighe agham tauvene, ene pale agham ghau lolog poia le poia kat. Ro 15:5; 1Pe 3:8

Pilipai 2:22

Eemon Timoti, yam awataghi wa. I ŋeer poia ee. Yau naghita ŋgar ve uraat tooni, i irao. I ipakpaak ghau imin taug natug, ve yeiru nibesbees pa uraat to vaaru poia. 1Kor 4:17; 1Tim 1:2

1 Korin 16:10

Isaav ighe aghita Timoti ilat peria tsiam, na aghamu toman lolomim poia. Leso saawe tau ileep tomani gham na, iroi sov, ve loolo poia. Pa i ighamgham uraat to Tiina toit Krisi, raraate imin yau. 1Kor 4:17

Yoan 12:6

Saveeŋ tane, i maata iŋgal yes mbolaaŋa, ve isavia mako. Isaav sorok. Pasaa, i ŋeer to umbuuŋ. I iŋgin lugluug toozi, ve saawe siriv niima kaukauia pa maet toozi siriv.

2 Timoti 1:5

Ve nagham ŋgar paam pa gabuam tau yo ughur ila to Krisi kat toman lolom. Yau nawatagh: Ghuruuŋ ila tsio, ene gabua tauu, imin to timbum liva Lois ve tinam Yunis. 2Tim 3:15

1 Timoti 1:2

Timoti, nabood rau tane ilat payo pasaa, ghuruuŋ ila toit ilup ghiit tamin eemon, ve naghit ghom utaghon duduŋai ŋgar tsiau imin taug natug. Mbaŋ 16:1+; Tit 1:4 Poia to Tamaan Maaron yesuru Tiina toit Yesu Krisi izaa tsio, ve lolozi isaghatin ghom, ve tiŋgin ghom uleep poia toman lolom luuma. Onoon.

Kolosi 4:11

Ve etaan ite Yesu tau eeza ite Yastus na, i paam igham aaz poia payam. Yuda tol tane tipapalot ghau kat. Pasaa, yes mon, ta yeŋa niluplup ghei pa uraat to votiaaŋ pooz to Maaron. Ve Yuda siriv mako.

Rau Tau Paulus Iboode Pa Yes Roma Rom--Romans 15:5

Maaron toit ipapalot ghiit, leso tayooz ariaaŋ pa badooŋ pataŋani. I tauu pale igham gham alup lolomim tomania ŋgar tsiam imin eemon itaghon ŋgar to Yesu Krisi. Ro 12:16; 1Kor 1:10; Pil 2:2

1 Timoti 4:6

O Timoti, isaav ighe yo upaesia aliŋag isov tau igheen ila rau tane pa yes toŋvetaz to Krisi, ene aat umin besooŋa poia to Yesu Krisi. Ve saveeŋ poia tau iit taghur ila na, pale ipalot ghom imin aniiŋ poia. Saveeŋ tana, tipaghazoŋai ghom pani ve utaghoni wa.

2 Timoti 3:10

O Timoti, yo upaak ghau kat, ve monmon ituru talaghlaagh. Tauvene saveeŋ tau napaduduuŋ tamtamon pani, laghooŋ tsiau, gabua tau nazuari ghau pani, ghuruuŋ ila tsiau, gabuag tau nayai taug ve nayooz ariaaŋ pa badooŋ pataŋani, ve ŋgar tsiau tau lolog pa tamtamon ve naghamgham poghani zi, ene yo uwatagh zi le isov. Ve pataŋani naol tau tamtamon tighurghur zi payau ne, ene paam yo uwatagh zi. Muuŋ, tigham saghatin ghau kat izi nugh Antiok, Ikonium, ve Listara. Eemon Maaron ipas ghau navot pa pataŋani naol isov tana. Mbo 34:19; Mbaŋ 13:50, 14:5,6,19; Pil 2:22