Pilipai 2:19 - Maaron Saveeŋ Tooni Patabuyaaŋ Tuam

¹⁹ Yau naghur matag pa Tiina toit Yesu naghe malau mako pale igharaat eez eta, leso nambaaŋ Timoti ilat igig gham ve ipalot gham. Ve saawe tau ighe i imuul ilam ve isavia varumim, ene pale igham ghau lolog poia ve ipalot ghau paam.

Mutu (Oov)

¹⁹ You naghur matag pa Tiina toit Yesu naghaze mala maau pale igharaat ataam eta, leso nambaaŋ Timoti ilat iŋgig gham ve ipalot gham. Ve sawa to ighaze ye imuul inim ve isavia varumim, nene pale igham ghou lolog poia, ve ipalot ghou paam.

Pilipai 2:19 Referans Kwoze

1 Korin 4:17

Puughu tane ta nambaaŋ Timoti ilat. I, yau nanumeera ve lolog igheen tooni kat. Yau naghita imin natug duduuŋ. I ighur ila to Tiina toit ariaaŋ, ve igham uraat itaghon Krisi ŋgar tooni. I pale ipei ŋgar tsiam muul pa eez tau yau naleep tuŋia ila to Krisi ve nataghon ŋgar tooni. Eez tane, yau napaduduuŋ lupuuŋ to Krisi pani irau nugh nugh. Mbaŋ 19:22; Pil 2:19+

Pilipai 1:1

Yau Paulus. Yeiru Timoti besooŋa to Yesu Krisi. Nibood rau tane ilat pa yam tamtamon patabuyaaŋa asov tau aleep izi nugh Pilipai ve apaak ila to Yesu Krisi na, tomania yes ŋginiiŋa tau matazi payam, ve yam siriv tau auluul uraat na paam. Mbaŋ 16:12+

Pilipai 2:28

Tauvene yau naghe nambaaŋo rekia mon imuul ilat. Leso yam aghita, ve lolomim poia muul. Ve isaav ighe lolomim poia, ene aat igham ghau lolog iraurau paam.

Yakobus 4:15

Yam aat asaav tauvene: “Ighe Tiina toit loolo tauvene, ene aat taleep ve tagham uraat tane. Ighe mako, ene aat mako.” Mbaŋ 18:21

2 Timoti 1:12

Puughu tane ta aazne nabadbaad pataŋani naol. Eemon naroi mako, ve mayag mako. Pasaa, yau nawatagh Ŋeer tau naghur ila tooni ne, tauta naghur ila kat naghe: Vaaru poia tau i ighuru ila nimag na, i tauu pale iŋgin poghania le irau saawe to imuul ilam. Ep 3:1+; 1Pe 4:19

2 Tesalonika 1:3

Yam toŋvetaz, saawe isov, yei irau lolomai poia pa Maaron ve nipaiti payam. Ve isaav ighe nigham tauvene, ene iduduuŋ. Pasaa, ghuruuŋ ila tsiam ivot le ighe iyaryaaŋ tane. Ve ŋgar to lolomim pa taumim ve avaghamu poghani gham, tauvene paam. Ene ivotvot imin tiina ila sosomim, le yam asov ataghon katini. 2Tes 2:13

Epesus 1:13

Ve yam paam. Saawe tau alooŋ saveeŋ onoon to vaaru poia ve aghur ila, yamŋa Krisi avalupu gham amin eemon. Pasaa, saveeŋ tawe ipaghazoŋai gham pa eez tau Maaron igham mulin gham ila uraat to Krisi. Ve Krisi ndaamo payam, tauta Maaron igham Avuvu Patabuyaaŋ payam itaghon saveeŋ mbuaaŋ tooni. Avuvu tawe, ene imin ilaal payam ighe yam tamtamon tooni. Yo 14:16+; Ga 3:14; Ep 4:30; Syg 7:3

Rau Tau Paulus Iboode Pa Yes Roma Rom--Romans 16:21

Timoti, tau yeiru niluplup ghei pa uraat to Krisi ne, igham aaz poia payam. Ve toŋvetaz tsiau tol, Lusius, Yason, ve Sosipater, aaz poia toozi ilat payam paam. Mbaŋ 16:1+, 20:4

Rau Tau Paulus Iboode Pa Yes Roma Rom--Romans 15:12

Propet Isaia paam isavia gabua tane ighe: “Paaghu ee to Yesi pale ivot gha imin kinik, ve igham pooz pa nugh naol isov. Nugh nugh tau Yuda mako na, pale tinumeera, ve tighur matazi pa saawe to i iuul zi tileep poi.” Is 11:1, 10; Mt 12:21; Syg 22:16

Matayu 12:21

Tauvene vaaru pale ilaan irau taan isov, ve nugh nugh tau Yuda mako na tighur matazi pani, ve tisaŋan saawe to i igham zi tileep poia.” Ro 15:12

1 Petrus 1:21

Murei, Krisi imaat, ve Maaron ipaburigini pa mateegh, ve ighamu imuul izala pa sambam, ve igham Krisi le eeza tau tiina le tiina kat. Ve aazne, Krisi ipaburigin gham gha aghur ila to Maaron, tauta aghurghur matamim pa saawe to i igham mulin gham ve aleep poia. Mbaŋ 2:24; Pil 2:9

Uraat To Yes Mbaŋooŋa 16:1

Paulus yesuru Silas tila tivot nugh Derbe, ra tisakia tila pa nugh Listara. Nugh tawe, ŋeer ee tau itaghon Yesu ilepleep, eeza Timoti. Tiina, i Yuda tinazi tau ighur ila to Yesu. Ve taama, i Grik tamazi. 1Kor 4:17, 16:10; Pil 2:19+

Pilipai 2:18

Tauvene saa ŋgar tau ighe ivot payau, na yam lolomim poia. Leso itiŋa loloon poia. Pil 3:1, 4:4

1 Tesalonika 3:5

Tauvene saawe tau naleep izi Atens, yau nagham ŋgar naol payam. Naleep le mako, tauta nambaaŋ Timoti ilat. Leso igabiiz ghuruuŋ ila tsiam: Iyaryaaŋ, ma mako? Pasaa, naroi kat. Pa ighe Ŋeer To Tovaaŋ itoov gham ve atap, ene pale uraat tsiei ighur anooŋa mako. Pil 2:16