Pilipai 2:10 - Maaron Saveeŋ Tooni Patabuyaaŋ Tuam

^10-11 Pasaa, Maaron ighe tamtamon tisov tiput aghezi pa Yesu, tipait eeza, ve tisaav ghazooŋa tighe: “Yesu Krisi, i Tiina.” Yes tau tileep izi sambam, yes tau tileep izi taan, ve yes mateegha tau tileep ila taan loolo na paam. Taama Maaron itaghon eez tauvene, leso tamtamon tisov tipait eeza pa tapiri ve poia tooni. Yo 5:23; Mbaŋ 2:36; Syg 5:13

Mutu (Oov)

^10-11 Pasa, Maaron ighaze tamtoghon tisob tiput aghedi pa Yesu, ve tipait iza, ve tisaav ghazooŋa tighaze: “Yesu Krisi, ye Tiina.” Yes to tineep izi sambam, yes to tineep izi taan, ve yes mateeŋa to tineep ila taan lolo ne paam. Tama Maaron itaghon ataam tovene, leso tamtoghon tisob tipait iza pa tapiri ve poia toni. Yo 5:23; Mbaŋ 2:36; Syg 5:13

Pilipai 2:10 Referans Kwoze

Matayu 28:18

Tauvene Yesu iŋarui zi ila, ve isaav pazi ighe: “Tamaŋ Maaron ighur gabua naol isov to sambam ve taan ila yau sambag wa, ve yau ezag pa ŋginiiŋ zi. Dan 7:13-14; Yo 13:3; Ep 1:20+

Hibru 1:6

Ve saawe tau Maaron ighe imbaaŋ Naatu aidaaba izilam taan, i isaav tauvene: “Aŋela tisov to Maaron aat tiput aghezi pani, ve tipakuru.” Mbo 97:7

Epesus 3:14

Yau nagham ŋgar pa ŋgar popoia naol tau Tamaan Maaron igham pait na, tauta naput agheg pani [ve naghe naghur gham ila suŋuuŋ tsiau.]

Saveeŋ Yoŋgaaŋ 4:10

Ve saawe tau tigham tauvene, yes ŋginiiŋa tamoot ee ve paaŋ tila titap tizi ila i naagho, ve tipakuru paam. Ve tizugh moghar toozi tau igheen izala dabazi na tizi, ve tighur zi ila ŋeer tawe niia to ghamuuŋ pooz naagho, ve tipait eeza tighe:

Matayu 27:29

ra tigham waar tuatua gha titalia, ve tighuru izala Yesu daaba imin moghar ndamoonda. Mako tighur toon ila Yesu niima tapir imin titi to kinik, ve tiput aghezi pani, ve tipamogheraini tighe: “Iya, aa kinik to yes Yuda, yei nipakur ghom!”

Saveeŋ Yoŋgaaŋ 20:13

Saawe tana, te ipul yes mateegha tau tigheen ila loolo na tila. Ve Mateegh tomania nugh to mateegha tauvene paam. Tipul mateegha tisov tila. Ra Maaron igabiiz tamtamon tisov itaghon ŋgar toz toz.

Epesus 4:9

Saveeŋ tau ighe i izala saaŋa na, puughu tauvene: I izala mon mako. Papazoge i izilam taan, ve imaat gha izila kat mateegha nugh toozi. Ve iburig muul, tauta izala. Yo 3:13

Rau Tau Paulus Iboode Pa Yes Roma Rom--Romans 11:4

Ve Maaron iyol Ilia aliiŋa ighe: “Mako. Aazne, yau leg tamtamon irau 7000 tau nakis zi gha tiyozyooz ariaaŋ. Tauta tiput aghezi pa maaron karom Baal mako.” 1King 19:18

Matayu 12:40

I ileep iloŋ ila iigh tiina aapo irau mboŋ tol. Ŋgar raraate pale ivot pa Tamtamon Naatu paam. Pasaa, i pale igheen ila taan loolo irau mboŋ tol. Yona 1:17

Saveeŋ Yoŋgaaŋ 5:3

Tauvene titiir sambam, taan, ve taan loolo paam. Eemon tighita eta tau poia kat irau to iraraav rau tawe ve ighita loolo ne mako.