Matayu 9:27 - Maaron Saveeŋ Tooni Patabuyaaŋ Tuam

²⁷ Yesu ipul nugh tawe, ve isakia laghooŋ tooni muul ila, ve matazi kumkuuma ru titaghoni tilam, ve tiboboob tighe: “O, David Naatu, lolom raa, isaghatin ghei ve uul ghei lak!” Mt 20:29+

Mutu (Oov)

²⁷ Yesu ipul ndug tonowen, ve isakia laghooŋ toni muul ila, ve ndiran ru to matadi pisi, titaghoni tinim, ve timboboob tighaze: “Oo, David Natu, lolom ghora, isamin ghei, ve uul ghei lak!” Mt 20:29+

Matayu 9:27 Referans Kwoze

Matayu 15:22

Malau mako ve Kanaan tinazi ee to nugh tawe iŋarui Yesu ila, ve itaŋ raraini toman aliiŋa tiina ighe: “Tiina, yo David Naatu. Lolom raa, isaghatin ghau ve uul ghau! Pa avuvu saghati izeev natugliva le isaghat kat.”

Matayu 11:5

Asaav pani tauvene: Matazi kumkuuma tighita nugh, ve narapeŋa tiburig tilaagh. Yes tau kolekole igham zi na, tinizi poia ve tiŋgalaaŋ ila Maaron maata. Taliŋazi paamu tilooŋ saveeŋ, mateegha tiburig, ve yes mbolaaŋa tiloŋlooŋ vaaru poia. Is 29:18, 35:5+, 61:1

Matayu 17:15

ve isaav pani ighe: “Tiina, lolom isaghatin natug ve uule lak! Pa ighe borau izaa pani, ene ivaghamunia le isaghat kat. Saawe siriv, ighamu itaptap izala yav, ve saawe siriv itap izila yaa loolo.

Yoan 7:42

Pasaa, Maaron aliiŋa tau tiboode na isaav ighe Mesia pale ivot ila ziiri waaro to David, ve tipoopa izi David nugh tooni Betelem.” Mbo 132:11; Mika 5:2; Mt 2:5+

Lukas 7:21

Saawe tana, Yesu igharaat tamtamon katini tau moroghooŋ sasaghati maata maata ivaghamun zi na, le tinizi poia. Ve izirziir avuvu sasaghatizi tighaughau pa tamtamon. Ve yes tau matazi kumkuuma na, i igharaat matazi le tighita nugh.

Markus 11:10

Tamtamon tau aazne ilam ne, pale imin kinik, ve igham pooz imin muuŋ timbuun David ighamu. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!”

Markus 9:22

Gabua tane, poia mako. Ighe le ivaghamunia kat. Saawe naol, ighamu itaptap izala yav. Ve saawe siriv, ighamu itap izila yaa loolo. Tauvene isaav ighe yo urao, o lolom isaghatin ghei, ve uul ghei.”

Matayu 21:9

Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!” Mbo 118:26

Matayu 1:1

Ene pitiiŋ to Yesu Krisi puughu tooni. Yesu, i siŋ to kinik David, ve David i siŋ to Abaram. Gnp 22:18

Matayu 21:15

Tauvene geegeu tau tileep Rumei Tiina naagho na paam, tiboboob aliŋazi tiina tighe: “Hosana! Tapakur David Naatu!” Yes daaba to watooŋrau ve yes ŋgara to tutuuŋ tighita gabua ŋgeretazi tau Yesu ighamgham zi na, ve tilooŋ saveeŋ to geegeu tawe, le irau lolozi mako.

Rau Tau Paulus Iboode Pa Yes Roma Rom--Romans 9:5

Yes tivot ila to timbuzŋa Abaram, Isak, ve Yakop. Ve siŋ toozi tawe iseeŋga ilam ilam le aazne Krisi ivot ila toozi. Krisi, i Maaron, ve gabua naol isov tileep ila i saamba. Tauvene iit aat tapait eeza irau saawe. Onoon. Mt 1:1+; Yo 1:1; Ro 1:3+, 11:28

Lukas 20:41

Ra Yesu aana ighason zi ighe: “Puughu mindai ta tighe Mesia pale ivot ila to kinik David siŋ tooni?

Rau Tau Paulus Iboode Pa Yes Roma Rom--Romans 1:3

Vaaru poia tane isavia Maaron Naatu Yesu Krisi. I Tiina toit. I izilam taan ve imin tamtamon, ve i siŋ to kinik David. Avuvu Patabuyaaŋ ipaghazoŋai ghiit pani ighe burigiiŋ tooni ila mateegh, tauta itotoia ighe i Maaron Naatu, ve tapiri tiina kat. Mt 1:1+; Hib 1:5

Matayu 9:28

Yesu iloŋ ila ruum tau i ilepleep pani na, ve matazi kumkuuma ru tawe tila tooni, ve i ighason zi ighe: “Mindai? Yamru aghur ilam tsiau aghe yau irau nagharaat matamim?” Yesuru tiyol aliiŋa tighe: “Vee. Tiina, yeiru nighur ilat tsio.”

Matayu 20:29

Yesu tomania mbiwa tooni tipul nugh Yeriko, ve eval tiina kat titaghon zi gha yesŋa tila.