Matayu 6:32 - Maaron Saveeŋ Tooni Patabuyaaŋ Tuam

³² Pa gabua tauvene, nugh nugh tau tiwatagh Maaron mako na tiravrav tauzi pa ghamuuŋ zi. Tamamim tau ileep sambam, i iwatagh mbolaaŋ tsiam. [Tauvene i pale iuul gham.] Mt 6:8

Mutu (Oov)

³² Pasa, mbeb tovene, ndug ndug to tiwatag Maaron maau ne, tirabrab taudi pa ghamuuŋ di. Tamamim Maaron to ineep izi sambam, ye iwatag mbolaaŋ tiam. [Tovenen ye pale iuul gham.] Mt 6:8

Matayu 6:32 Referans Kwoze

Matayu 6:8

Eemon yam ataghon zi pa ŋgar toozi sov. Pa saawe tau aghason Tamamim Maaron pa gabua eta soone, i iwatagh mbolaaŋ tsiam wa. Mt 6:32

Lukas 12:30

Pa gabua tauvene, ta nughmariŋ to taan tau tiwatagh Maaron mako na tiravrav tauzi pa ghamuuŋ zi. Tamamim Maaron iwatagh: Isaav ighe yam ambool pa gabua tauvene, irau aleep poia ne mako. [Tauvene i pale iuul gham.]

Epesus 4:17

Tauvene yau nasaav ariaaŋ payam ila Maaron eeza: Yes tau tiwatagh Maaron mako na, yam ataghon ŋgar toozi muul sov. Pa ŋgar toozi le anooŋa poia eta mako. Ŋgar toozi iyaryaaŋ tighe tizoor Maaron aliiŋa ve titaghon ŋgar to ndoroom. Tauta ikau ŋgar toozi le tileep soghan pa lepoogh poia tau iit taghamu ila to Maaron ne. Ro 1:21; Ep 2:12; 1Pe 4:3

1 Tesalonika 4:5

Yes tau tiwatagh Maaron mako na, matazi saghati, ve monmon ghaara toozi ipapazaagh zi. Yam ataghon zi pa ŋgar toozi tawe sov. Ep 4:17+; Kol 3:5

Pilipai 4:19

Maaron tsiau, i eeza tiina pa tapiri ve poia tooni. Ve i irau kat pa gabua naol isov. Tauvene yam tau apaak Yesu Krisi ve aleep ila tooni na, i pale iuul gham pa gabua isov tau ambool pani na. Mbo 23:1; 2Kor 9:8